JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ramos Horta: FRETILIN kontinua aprosima opozisaun

Ramos Horta:  FRETILIN kontinua aprosima opozisaun

Ministru Estadu Konselleiru Seguransa Nasional, José Ramos Horta, informa katak, partidu FRETILIN nudar partidu mais votadu ne’ebe forma Governu kontinua aprosima partidu opozisaun tolu iha Parlamentu Nasional (PN) atu bele hamutuk iha estrutura VII Governu Konstitusional.  

Ramos Horta sita katak, Primeiru Minisru (PM), Mari Alkairi, dala wain ona, deklara formasaun Governu inkluzaun, tanba ne’e, kontinua komunika partidu CNRT, PLP ho KHUNTO atu mai hamutuk iha Governasaun periodu 2017-2022.

“Governu ida ne’e Governu inkluzivu, signifika bolu ema independenti husi partidu sira seluk  la’os deit husi PD ne’ebe halo koligasaun, maibe husi CNRT, PLP, ho KHUNTO atu hamutuk iha Governasaun,” hateten José Ramos Horta hodi responde ba Jornlaista sira hafoin enkontru ho Prezidenti Republika (PR), Francisco Guterres “Lú Olo” iha Palasio Presidensial, Segunda (25/9/2017).

Ramos Horta aprofunda katak, CNRT kaer ukun tinan 10 ona ne’ebe iha esprensia barak, tanba ne’e la bele lakon lét de’it esprensia sira ne’e. Nune’emos PLP ho KHUNTO atu bele autoriza nia potensias sira hola parte iha Governu  mesmu sira opozisaun iha PN.

Ramos Horta fo ezemplu hanesan iha tempu CNRT nian ne’ebe bolu Fretilin maibe kontinua opozisaun latama koligasaun mais, autoriza elementu diak hanesan eis Primeiru Ministru Rui Maria de Araújo ho sira seluk tan ba tama iha Governasaun.

Ramos Horta la garante katak sei iha eleisaun antisipada, ne’e depende ba membrus deputadu sira ne’ebe foun seida’uk iha orsamentu no deputadu sira gasta sira ninia osan iha kampaña no hetan kadeira nudar deputadu.

Nia mensiona katak, nudar deputadu halo ninia servisu nudar deputadu ou nudar bankada Governu nian do que hanoin iha fali eleisaun antisipada.

Lee hotu :   Sasan folin hahú sa’e, deputadu sira fó sala malu

“Se iha karik iha eleisaun antisipada ne’e normal tanba iha rai hotu atarvesa i ne’e la’os problema boot ida, maibe ha’u nudar lider ho esprensia tinan 40 resin ha’u hatete ba joven deputadu sira  atu buka aprende iha Parlamentu no halo politik lolos iha Parlamentu,” hateten Ramos Horta.

Ramos Horta reforsa tan katak haree saida mak bele hadia iha parlamentu, lei sira uluk aprova ne’e, lei sira ne’e diak ka lae, tanba muda lei ne’e papel deputadu sira nian, iha parlamentu hanesan Estudu boot fiskaliza asaun Governu nian buka servisu hamutuk para tinan lima mai, demokrasia klean, ekonomia haklean diakliutan, para povu labele preokupadu tan ho establidade no seguransa.

Ramos Horta lahaluha hato’o ninia konseliu ba hotu-hotu atu kontinua halo dialogu, respeitu opozisaun, respeitu partidu hotu-hotu hodi rona opiniaun.

Iha opurtunidade ne’e, Ramos Horta esplika kona-ba konseitu konselliu seguransa nasional la’os deit haree ameasa interna, esterna mos hanesan ameasa husi krimi organizadu, droga no teroris, ne’ebe liu husi ligasaun dereita diplomasia ho nasaun sira seluk.

“Ita koalia kona-ba seguransa nasional la’os deit hanoin seguransa interna, koalia seguransa nasional ne’e seida, ameasa ne’e mai husi ne’ebe bele mai husi liur, ameasa konvensional husi liur ita bele hatene mai husi ne’ebe los, bele mai husi krimi orgnizadu, droga, terorismu ne’e siginfika ita halo ligasaun dereita ho diplomasia,” haktuir Ramos Horta.

Nia afirma katak, konseitu seguarnsa nasional ne’e bele akompaña situasaun husi parte interna ne’ebe iha ligasaun ho esterna para alerta Governu orgaun Estadu para oinsa politik Timor Leste la’o diak liu politika nasional no politika internasional. eus

Add to Comments Here!!!!

error: Content is protected.
Secured By miniOrange
You might also like:
CNRT lahatene dívidas US$ 1.6 biloens

Bankada Opozisaun CNRT iha Parlamentu Nasionál,...

KHUNTO ezije aprova Lei Anti Korupsaun ■Labele deklarasaun mamuk

Bankada KHUNTO iha Parlamentu Nasionál (PN),...

TNI buka nia Herois, PN eziji governu husu RI hatudu rate Nicolau Lobato

Parlamentu Nasional (PN) eziji governu atu...

Close