JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Alkatiri ho mata wen, Promete la lori programa Governu ba debate daruak iha PN

Alkatiri ho mata wen,  Promete la lori programa Governu  ba debate daruak iha PN

Foto:JN-Diario

Primeiru Ministru (PM), Mari Alkatiri, deklara abertamente ho mata wen iha pelaria Parlamentu Nasional (PN),  Kuarta (18/10/2017), katak, nia parte sei la lori programa VII Governu Konstitusional nian atu ba halo diskusaun ou debate daruak iha PN.  

“Ha’u rona intervensaun distintus deputadus sira nian katak programa ne´e diak, maka formasaun Governu ne´e tuir dalan konstituisaun entaun ita hotu sei vota ba programa ne´e, ka sei vota kontra, tanba dehan Governu ne´e la tuir konstituisaun, mak ida ne´e entaun hau rejista. Hau dehan deit katak Governu ida ne´e sei la lori programa ba dala rua mai iha PN,” hateten PM Mari Alkatiri.

Xefi Governu ne´e mensiona katak, nia lakohi tan ona halo argumentus bar-barak, tanba koalia la iha objetivu no  lakonkretu.

“Ha’u lakohi ona halo argumentus bar-barak, tanba dehan hau koalia la ho objetivo, lakonkretu, ne´ebe hau koalia deit ba povu, programa ida ne´e kontinuidade ho dezenvolvimentu, la´os kontinuidade ho marka pasu, laiha marka pasu iha ne´e (PN-red). Hau simu knar ida ne´e iha tinan 2002 susar tebes, tanba simu knar iha tempu ida la iha rekursus, simu knar ida ne´e iha tinan 2017 susar liu tan, iha momentu diak hau sei hateten lolos tanbasa,” deklara Mari Alkatiri.

Kona ba todan ne´e, Mari Alkatiri deklara nia sei hein prezidenti partidu CNRT, Kayrala Xanana Gusmão, fila husi rai liur maka nia sei koalia.

“Ha’u hein ha’u nia irmão mai maka ha’u sei koalia, ha’u sei koalia saida maka ha’u hatene ona, ha’u sei koalia todan ida nia husik mai ha’u ne´e, todan ne´e ha’u bele kaer, ha’u bele lori bainhira nia bele apoia ha’u,” Alkatiri afirma.

Lee hotu :   Parseria asegura efisiensia ho efetividade idiologia servisu

Nia lia tun mos dehan, se Xanana husi nia mesak, diak liu nia (Alkatiri-red)  ba halimar ho nia bei-oan sira.  “Maun Xanana maka dehan mai ha’u katak ho deit 30 kadeira ha’u bele avansa, maibe agora ha’u rona buat oi-oin, ne´ebe ha’u hein nia mai maka ha’u koalia, ha’u lakohi koalia tan buat seluk, ne´e maka realidade, ha’u dehan ha’u bele simu fali todan ida ne´e, maibe hot-hotu hakarak hamutuk la’o ba oin, ne´e laos kaman, 2002 sei kaman liu do que ida agora, se lae up to you, ida-idak bele halo desizaun politika, maibe hanoin mos povu, ha’u hakraik an demais tanba povu no rai ida ne´e, tanba fiar mos husi lider 1974-195 nian,” afirma Mari Alkatiri.

Alkatiri deklara katak, nia prontu atu simu desizaun saida deit maka atu akontese, maibe povu prontu ka lae atu simu desizaun saida deit.

“Dala barak hau dehan iha faze negosiasaun tau hau iha surik nia kro´at para nain rua ida dada ba oin, ida dada ba kotuk, maibe laiha buat ida ne´e mak realidade, hau mos kompriende, ba hau iha politika demokrasia laiha inimigus, aliadus ohin bele sai aban laiha ona, inimigus laiha, mais konsistensia tenke iha. Ami idade 40 ba leten, maibe deputado balu seidauk to´o 40, maibe koalia mai ami, ami nia isin fulun maka hambrik fali, mais halo deit ba, aban bainrua labele fo sala mai ami,” afirma Mari Alkatiri.

Hafoin halo intervensaun, xefi Governu ne´e tun husi meja Parlamentu Nasional bainhira membru Governu ho membru PN balu hakat ba hasoru nia tanis no sai kedas husi sala plenaria. mia

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-18 Fulan-Outubru Tinan-2017

JORNAL NACIONAL GMNTV Loron-17 Fulan-Outubro Tinan-2017

Autor rama ambon nain 3 tama prizaun Lere: “Labele tolera”

Autor nain lima (5) ne’ebe lori...

Close