JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT konsidera Alkatiri la fiar-an ho programa VII Governu

CNRT konsidera Alkatiri la fiar-an ho programa VII Governu

Deputadu bankada CNRT, Natalino dos Santos, konsidera deklarasaun Primeiru Ministru (PM), Mari Alkatiri atu halo eleisaun antesipada bainhira programa Governu la pasa iha Parlamentu Nasional (PN), hanesan la fiar-an.

“Eleisaun antesipada, entaun Primeiru Ministru ou Governu lafiar-an. Agora fo hela programa ne’e mai ami estuda, Primeiru Ministru seidauk mai defende, dehan tiha ona ba eleisaun antesipada, ne’e signifika katak la fiar-an. Governu nia programa ne’e atu halo apresiasaun, la’os hanesan orsamentu,  maibe konstituisaun RDTL mós hatete katak, Governu bele husu votu konfiansa ba Parlamentu Nasional no kada bankada mós bele fo votu sensura ida ba Governu,”haktuir deputadu bankada CNRT Natalino dos Santos, ba jornalista sira iha uma fukun PN, Sesta (13/10/2017).

Natalino dehan, nia parte lakohi temi to’o asuntu eleisaun antesipada, tanba funsionamentu Parlamentu Nasional la’o normal.

“Ha’u labele ko’alia to’o iha eleisaun antesipada, tanba funsionamentu PN la’o normal hela, Prezidenti PN no Vise sira halo plenaria normal, no komisaun sira mós reuni hela atu halo apresiasaun ba programa Governu nian, inklui bankada sira mós halo servisu normal,  agora ita hanoin to’o ba iha ne’eba, programa de’it seidauk iha debate, autor ba programa mak Governu, maibe seidauk mai, agora dehan uluk hanesan ne’e, ha’u haree hanesan la fiar an,”katak Natalino.

Iha biban seluk, Prezidenti bankada FRETILIN, Francisco Branco, relata, eleisaun antesipada ne’e la dook hosi konstituisaun, no rezultadu votus hosi povu mak la fo manan absoluta ba partidu ida.

“Eleisaun antesipada ne’e la dook hosi konstituisaun RDTL nian, tanba oportunidade alternativa ba mandatu maioria ne’ebé hosi povu liu tiha ona, maibe maioria simples ne’e mak povu fo fiar, tanba povu nia fo rezultadu ne’e klaru tebes, ba partidu polítiku sira tenke fo liman ba malu, hodi lori dezenvolvimentu ba oin,  ne’e mak sira la fo maioria absoluta, ne’e duni povu nia mensajen ne’e klaru tebes, tenke  iha mudansa,”katak Branco.

Lee hotu :   CNRT sei la apoiu Agio Pereira iha VII Governu

Antes ne’e Primeiru Ministru Marí Alkatiri deklara, wainhira programa Governu dahitu nian la pasa iha Parlamentu Nasional, sei mosu eleisaun antesipada.

Konstituisaun no lejislasaun ne’ebé hala’o determina katak tenki halo debate ba Programa Governu nian durante máximu loron lima konsekutivu no la eziji atu dokumentu ne’e hetan votasaun. Tanba ne’e, maka PN ajenda ona hodi halo iha Segunda (16/10/17).

Votasaun tenki halo de’it bainhira Governu aprezenta votu konfiansa ida – ne’ebé ladún provável – ka hosi opozisaun aprezenta proposta ida hodi rejeita no ne’ebé tenki aprova hosi maioria deputadu sira.

Bainhira ne’e akontese – no proposta rejeisaun bele aprezenta iha momentu ruma durante debate loron lima ne’e – hafoin ne’e Governu iha máximu loron 30 hodi submete Programa Governu foun ne’ebé maka sei hetan fali loron lima hodi debate.

Bainhira programa daruak hetan fali proposta rejeisaun foun ida, entaun Governu sei monu.

Desizaun kona-ba saida maka sei akontese sei iha Prezidenti Repúblika, Francisco Guterres ‘Lu-Olo’ nia liman ne’ebé tenki hili entre hetan solusaun governativu ida iha atual parlamentu ka konvoka eleisaun antesipada.

Tuir konstituisaun artigu 100 koalia kona ba disolusaun defini katak labele sobu Parlamentu Nasional iha fulan neen nia laran hafoin nia eleisaun, ne’ebé iha kazu ne’e akontese eleisaun iha 22 Jullu, signifika katak bele akontese de’it hafoin loron 22 Janeiru.

Prazu sira tuir mai hatete hosi lei eleitoral ne’ebé esplika katak, bainhira sobu Parlamentu Nasional, xefe Estadu “tuir dekretu, fiksa loron eleisaun hosi Deputadu sira ho, iha mínimu, loron 60 antes”.

Prazu ne’e hanesan importante hodi kumpri etapa sira ne’ebé relasionadu ho prosesu eleitoral, dezde rejistu hosi partidu sira nian to’o kampaña eleitoral, no implika, iha mínimu, atu eleisaun antesipadu sira bele hala’o hahú hosi loron 22 Marsu.

Lee hotu :   Opozisaun la hakfodak ho eleisaun antesipada "Kahur programa ho OR kontra konstituisaun"

Iha kazu hosi eleisaun anterior sira, loron 22 Jullu liubá, Tribunal Rekursu valida de’it rezultadu definitivu sira liutiha loron ualu (iha 01 Agostu) no membru sira parlamentu nian simu de’it pose liutiha fulan ida (iha loron 05 Setembru), no liutiha fulan rua hafoin votu maka Governu simu pose, no hafoin ne’e liutiha fulan ida maka hahú debate ba programa Ezekutivu nian.

Proposta sira rejeisaun nian sei adia prosesu hosi eventual aprovasaun ba orsamentu retifikativu ba tinan ne’e no sei iha influénsia mós ba prosesu debate no aprovasaun hosi Orsamentu Estadu ba tinan 2018 ne’ebé, tuir lei Orsamentu no Jestaun Finanseiru, tenki aprezenta ba Parlamentu Nasional to’o loron-domingu, 15 Outubru, prazu ne’ebé sei labele kumpri.

La hó Orsamentu Estadu sei aplika rejimi duodesimal ne’ebé signifika, iha prátika, katak iha fulan ida-idak Governu bele gasta de’it iha máximu númeru ki’ik tebes hosi Orsamentu tinan anterior, tinan 2017 nian.

Ho baze iha kalendáriu eleitoral previstu, Timor-Leste karik bele moris ho orsamentu Estadu duodesimal ida durante parte barak tinan nian, tanba prosesu tomak – tomada pose hosi Parlamentu, formasaun Governu nian, tomada pose ba Governu, aprovasaun hosi Programa Governu nian no Orsamentu Estadu nian – sei demora fulan barak nia laran.

Maski iha aumentu hosi knaar área privadu nian, área públiku iha Timor-Leste iha nafatin importánsia maka’as iha ekonomia nune’e aumenta efeitu sira ne’ebé neineik tebes iha gastu públiku sira nian iha tinan ne’e sei ladi’ak ba área ekonómiku tomak.

Maski Estadu halo hela jestaun prátika iha kazu barak, ezekusaun orsamentu real ne’ebé fraku – ho de’it 51% iha trimestre datoluk nia rohan iha tinan ida sai ona hanesan influénsia orsamentu boot – hatudu katak investimentu boot no projetu boot sira sei la la’o.

Lee hotu :   FRETILIN konsidera, Opozisaun hakarak hatu’un Governu

Ho área ativididade oioin ne’ebé maka sei senti efeitu sira iha periudu eleitoral no momentu instabilidade polítika nian, atrazu sira ne’e aumenta mós efeitu sira ne’e.Say/Sapo TL

Add to Comments Here!!!!

error: Content is protected.
Secured By miniOrange
You might also like:
Misa Domingu Loron-15 Fulan-Outubro Tinan-2017 “IGREJA MOTAEL DILI”

JORNAL NACIONAL GMNTV Loron-15 Fulan-Outubro Tinan-2017

JORNAL NACIONAL GMNTV Loron-14 Fulan-Outubro Tinan-2017

Close