JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Opozisaun konsidera, VII Governu reajusta programa Governu anterior

Opozisaun konsidera, VII Governu reajusta programa Governu anterior

Dilma-GMNTV

Bankada opozisaun kontinua kestiona programa VII Governu ne’ebé lidera husi Primeiru Ministru, Mari Alkatiri, tanba halo re-ajustamentu deit saida mak Governu anterior halo ona.

Tanba ne’e, opozisaun ezije atu VII Governu kompleta tan programa ne’e, atu bele konvense bankada opozisaun hodi hetan aprovasaun.

Deputadu Dionísio Babo husi bankada CNRT hateten, depois rona tiha esplikasaun Primeiru Ministru, Mari Alkatiri nian, nia tenta atu haree fila fali programa VII Governu no halo análiza klean. Maibe labele atu konvense nia.

“Ha’u kongratula, no hatene katak, intensaun ne’e diak, maibé haree ba artigu 108 konstituisaun, iha buat lubuk ida mak tenki kompleta iha programa ne’e, tanba la konvense ha’u nu’udar deputadu atu bele justifika,” katak Dionísio Babo iha nia intervensaun ba plenária Parlamentu Nasional (PN), Tersa (17/10), ba loron daruak aprezentasaun programa VII Governu nian.

Nia hatutan, programa ida ne’e hateten katak, anivel administrasaun públika, sentral no lokal VII Governu propoint atu re-ajusta polítika reforma administrativa ho dezenvolvimentu lokal nivel Munisipal.

Dionísio afirma, husi pontu devista lejislativu, reforsu Governasaun ba kriasaun programa kapasitasaun kuadrus administrativus iha Munisipiu, Suku no Bairo sira, iha jestaun públika Munisipal mediu no longu prazu.

“Durante VI Governu konstitusional, ita dezenvolve tiha ona  servisu ho sentidu implementar polítika desentralizasaun atu ezekuta neneik, liu husi faze tolu. Primeiru faze deskonsentrasaun territorial, despesarizaun institusional, no terseiru despesarizasaun territorial,” katak nia.

Dionísio esklarese, abrigu ba orientasaun polítika ida ne’e, mak  iha momentu ne’eba VI  Governu estabelese tiha ona Governu lokal, ne’ebé partisipa husi bankada FRETILIN no PD.

“Agora programa VII Governu ida ne’e afirma katak, programa realizadu ne’e, ba ha’u la serve, no tenki re-ajustadu, maibé la esplika razaun saida mak serve, no servisu saida mak tenki halo, no problema saida mak konkretus atu bele hetan iha intervensaun lejislativa Governu ne’ebé propoint atu realiza hodi rezolve problema sira ne’e,” katak Dionísio.

Lee hotu :   KHUNTO ezije aprova Lei Anti Korupsaun ■Labele deklarasaun mamuk

Tuir Dionísio Babo nia hanoin, ida ne’e Governu pretende atu hetan polítika em branco, tanba materia reforma ne’e, li-liu iha area ida ne’e, tenki kompete ba Parlamentu Nasional.

“Ida ne’e Governu hakarak halo liu husi nia diploma sira para depois komforme nia hakarak, sem apresiasaun Parlamentar. Tanba ne’e mak, ha’u hein katak, intensaun kona ba re-ajustamentu reforma administrativa tenki esplika didiak, tanba ba ha’u la’os re-ajustamentu polítika mak atu reforma, maibé desvantalamentu, depois halo fali buat foun ida kompletamente diferente, ida ne’e mak dehan, prinsipiu de kontinuidade?,” katak Dionísio.

Deputadu husi bankada CNRT ne’e haktuir, programa VII Governu ne’e hateten katak, sei tuir nafatin PDN, maibé tenki respeita prinsipiu no filosofia koligasaun nian. Ida ne’e buat rua ne’ebé diferente.

Nia haktuir, alterasaun saida mak Governu sei propoint ba reforma Administrativa ne’ebé inisia tiha ona husi V  no VI Governu, ne’ebé durante ne’e esforsu atu kompleta iha tinan hira mai, tanba ne’e aliña hela ho planu estratéjiku dezenvolvimentu nasional.

“Programa ne’e la mensiona buat ida kona ba, programa dezenvolvimentu lokal liu husi PNDS no PDN. Atu kumpri lei poder lokal no autoridade Munisipal ne’ebé aprovadu iha Parlamentu Nasional, maibé infelismente Prezidenti Repúblika veta tiha lei ne’e,” katak Dionísio.

Nia dehan, programa Governu ne’e, kompreamente ba programa VI Governu konstitusional, ne’ebé la kompromete ba realizasaun eleisaun Munisipal durante quarente lejislatura, ho estabelesementu poder lokal.

Entretantu, Xefi bankada KHUNTO, Luis Roberto da Silva hateten, Governu la konsege define pograma esensial saida mak atu implementa ba konseitu seguransa ba futuru.

“Programa Governu nian hodi hamosu konsellu nasionál seguransa ne’e   duplika ona orgaun extensia ida. Ami preokupa tanba, desizaun ida ne’e foti hodi fahe servisu ba malu no akomoda malu,” katak Luis Roberto.

Lee hotu :   Dom Basílio konsidera situasaun VII Governu frágil

Nia hatutan, programa VII Governu ne’e, iha intensaun atu halo programa lubuk ida hodi implementa segundu faze planu estratejiku seguransa interna 2030 nian.

Governu la tau emfaze ba elementu principal ba konseitu ida ne’e mak, prevensaun komflitus komunitária, hodi hamosu regdensia iha komunidade.

“Iha dokumentu ne’e, Governu la esklarese didiak, tanba saida mak tau hamutuk ministériu interior no defeza iha ida de’it. Ami hanoin laiha razaun ida hodi justifika ida ne’e, ami preokupa mak, desizaun ne’e, hodi resolve de’it problema polítiku sira, la’os atu resolve kestaun prinsiipal ne’ebé liga ba fungsionamentu instituisaun rua ne’e nian,” katak Luis Roberto.

Nia dehan, kestaun importante ida ne’ebé mak Governu haluha tau iha nia programa mak, dezenvolvimentu instituisaun Intelejensia Nasional. Ida ne’e importante tebes ba seguransa nasional, tanba intelejensia mak bele detekta ameasas iha nasaun, hodi Estadu bele foti medidas atu prevene.

KHUNTO mós la menta tebes polítika hodi hamosu ministeriu Konselu Seguransa Nasionál, sem justifikasaun legal, no aprosimasaun polítika klaru, ida ne’e hatudu liu polítika arogante.

“Ida ne’e hatudu katak, Governu la intende saida mak ita atu planu, no saida mak hakarak halo. Governu sei halo fali buat seluk ida ne’ebé la tuir dokumentus ne’e. iha Programa ne’e, seguransa la’os ona responsabilidade polisia nian, maibé komunidade mak responsavel principal ba seguransa,” katak nia.

Dezenvolvimentu polisia ne’ebé mak presiza haree mak, kareira polisia, hodi nune’e mak hamosu profesionalismu, disiplina no motivasaun atu servi ho diak, maibé programa VII Governu nian la tau intensaun ba ida ne’e, maibé ho intensaun atu kria fali dependensia polisia ba polítiku sira, atu nune’e bele partidariza  instituisaun polisia.

Lee hotu :   Partido Politiku labele pratika Money politic

“Programa VII Governu ida ne’e, hanesan tentativa polítika ida atu hamosu ka hetan konsensu polítika atu hetan aprovasaun, maibé depois ami halo tiha lee tura ba programa sira ne’e hotu, programa ne’e hatudu katak, laiha seriadade, laiha serteja no klareza polítika no korensia polítika. Tanba ida ne’e, susar oit uan ami atu fó ami nia apoiu ka konfiansa ba VII Governu ida ne’e,” katak Luis Roberto.

Hatan ba ezijensia sira ne’e, Primeiru Mnistru, Mari Alkatiri hateten, ezijensia ne’ebé mak deputadu sira halo kona ba programa ne’e, bele iha lejitimidade, maibé la halo parte ba tradisaun leitura programa nian.

“Alkatiri hatutan, programa VII Governu nian, tuir Estadu Timor Leste nia kultura polítika, husi primeiru to’o VI Governu, nia baze mak konstituisaun artigu 108, numeru 1. Tanba saida mak agora to’o VII Governu nian, halo ezijensia oi-oin, ha’u la kompriende,” katak Alkatiri.

Nia esplika, baze ba programa VII Governu nian ne’e, hanesan ho baze programa sira iha Primeiru to’o VI Governu.

“Ita tenki iha korazen atu responde ba ezijensia sira ne’e, se ita dehan de’it ita labele, entaun ita hapara hotu dezenvolvimentu ne’e, se proposta mak ida ne’e, halo favor ida haruka mai, ha’u simu. Ita hakarak atu aselera dezenvolvimentu ekonómika ba área ida, la’os kobre de’it Munisipiu ida d’eit, maibé Munispiu hotu, ho projetu tasi mane,” tenik nia.

Alkatiri dehan, deputadu balu dehan, programa ne’e laiha sentidu polítika, laiha sentidu ekonomia,  no laiha sentidu literaria. Ne’e hanesan halo nia konfuzaun fali.

“Programa ne’e hitam diatas putih saja, tidak ada apa-apa. Prosesu desentralizasaun, mai husi deskonsentrasaun, ne’e ita sei kontinua, sei ida ne’e ita la kontinua, ita labele halo buat ida,” katak Alkatiri.cos

Add to Comments Here!!!!

error: Content is protected.
Secured By miniOrange
You might also like:
Posse ba dala ikus, PR Lú Olo husu Timor-oan tenki dedika-an iha servisu

Atu hasa’e kualidade servisu Estadu hodi...

Dom Basilio fiar programa Governu aprovadu

Bispo Diocese  Baucau,  Mgr. Basilio do...

GRANDE ENTREVISTA Hamutuk ho “Dr. Manuel Tilman e Dr. Alcino Barris”

Close