JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

VII Governu sei simu tan pose ba dala ikus

VII Governu sei simu tan pose ba dala ikus

Maske estrutura VII Governu kompleta ona 30 pesoas hodi simu pose iha Tersa (03/10/17) ohin, maibé sei iha tan faze ikus ba membru VII Governu atu simu pose, tanba estrutura Governu foun  ne’e sei liu husi 30 pesoas.

Tuir Xefi bankada FRETILIN, Francisco Branco, katak,  FRETILIN planeia lista membru Governu ne’e 30 de’it, maibé ho ezersisiu ida hala’o dadauk ne’e, membru Governu bele liu 30.

“Karik mak FRETILIN manan maioria, estrutura Governu ideal ne’e 30 de’it. Maibé tanba soberania iha povu nia liman, povu haruka ita para servisu hamutuk hodi dudu dezenvolvimentu ba oin, tenki halo mudansa ba situasaun. Haree ba situasaun ida ne’e mak, membru Governu ne’e sei liu husi 30,”dehan Francisco Branco ba GMN iha Parlamentu Nasionál, Segunda horiseik.

Nia hatutan, VII Governu ne’e nakole ba ema hotu, tanba agora dadaun ne’e, tama ona ba faze tranzisaun jerasional, tanba lider bo’ot sira nasaun ne’e nian, sira-nia idade mós avansa ona, no sira-nia enerjia mós menus ona.

“Estrutura Governu ki’ik ne’e, la signifika sei la hala’o servisu, tanba desizaun polítika ne’e membru Governu sira nian, implementador ne’e mak estrutura Estadu ne’ebé iha tiha ona, entaun ida ne’e la influensia ba estrutura ki’ik ka bo’ot,” katak Francisco Branco.

“VII Governu ne’e, konserteja inkluzivu, Governu inkluzivu ho situasaun minoria Parlamentar ne’e, atu bele iha estabilidade Governativa. Laiha regra ida atu dehan labele inkluzivu, tomada de posse ba membru VII Governu ne’e, sei to’o dala tolu, tanba VII Governu ne’e nakloke hela,”relata Francisco Branco.

Tanba ne’e, Branco dehan, lideransa tuan sira-nia partisipasaun iha VII Governu ne’e, importante atu  hatudu dalan ba jerasaun foun sira hodi hatutan ba oin.

Lee hotu :   Sasan folin hahú sa’e, deputadu sira fó sala malu

Nia afirma, kontribuisaun lider istóriku sira hanesan, Xanana Gusmão, Ramos Horta, Taur Matan Ruak no Francisco Guterres ‘Lu-Olo’, importante tebes ba prosesu dezenvolvimentu Timor Leste, hodi hametin liu tan valor sira iha tempu rezistensia, hodi jerasaun foun sira aban bainrua bele hatutan de’it.

“Alkatiri, Xanana Gusmão no Taur Matan Ruak kontaktu malu hela de’it, ita espera katak, parte hotu bele simu, tanba ita hatene katak, projetu bo’ot tasi mane se mak dezeña, se mak negosia fronteira marítima, entaun sira-nia partisipasaun importante,”relata Branco.

Antes ne’e, Prezidenti Repúblika fo ona pose dala uluk ba membru VII Governu iha Palasiu Nobre, Lahane, Dili, iha faze daruak sei hala’o ohin Tersa, no sei iha tan faze ikus, maibe seidauk determina nia tempu.cos

 

Add to Comments Here!!!!

error: Content is protected.
Secured By miniOrange
You might also like:
POLRI intrega suspeitu FLA ba PNTL

Komandan Resort (KAPOLRES)  Kabupaten Kefa Indonesia,...

PNTL identifika ikan tubaraun tonelada 225,5 iha Ró Hong Long

Polísia Nasional Timor-Leste (PNTL) husi Seksaun...

Tubaraun balun deit mak protezidas, Ministru Estanislau viola nia diploma rasik

Ministru Agrikultura no Peskas (MAP), Estanislau...

Close