JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Fo fali poder ba Xanana atu lidera

Fo fali poder ba Xanana atu lidera

Partidu CNRT, Domingu (5/11/17), realiza segundo (2) konferensia nasional ho objetivu atu revoga fila-fali rezolusaun ne’ebé primeiru konferensia CNRT nian, hodi fó fali poder másimu ba Kay rala Xanana Gusmão hodi lidera partidu ne’e ba periodu hirak tuir mai.

Alende ne’e, konferensia ne’e mós atu hametin liu tan Aliansa Maioria Parlamentar ne’ebé partidu CNRT, PLP NO KHUNTO hala’o ona iha Parlamentu Nasional.

“Ha’u atu hato’o ita-nia maun bo’ot Xanana Gusmão hanesan mós Prezidenti Partido CNRT, ninia lia menon, primeiru hato’o hakuak bo’ot ba Prezidenti PLP ho Konselleiru Superior KHUNTO nian,  nune’e hanesan maun bo’ot hato’o ona komunikasaun  ho ita-nia maun nain rua katak, maun Xanana hala’o hela nia servisu iha rai liur,”katak Sekretariu Jeral Partidu CNRT, Francisco Kalbuadi Lay.

Nia hatutan,  maske Xanana Gusmão la hamutuk ho sira iha faze ne’e, maibé nia espíritu bo’ot no hanoin tomak Xanana nian, ho nia konsiensia tomak hamutuk nafatin ho povu Timor Leste.

Tanba ne’e, Kalbuadi Lay lori estrutura Partidu CNRT nian hato’o agaradesimentu bo’ot ba prezensa estrutura  alta PLP ho KHUNTO iha segunda konferensia nasional CNRT ne’e.

Kalbuadi Lay dehan, segundu konferensia nasional CNRT ne’e,  organiza tanba bazeia ba lei partidu nian katak, kuandu iha Aliansa Maioria Parlamentar (AMP), tenki halo konferensia kada partidu ida- idak.

“Konferensia ne’e ita tenki revoga fali rezolusaun ne’ebé ita hala’o tiha ona, ka deside tiha ona iha konferensia liu ba katak, maun bo’ot husu rezigna-an husi partidu, maibé ita hotu la konkorda,  depois maun bo’ot konkorda hela nafatin hamutuk ho ita iha partidu ne’e. Maibe nia laiha poder. Tanba ida ne’e ohin iha pontu rua deit mak ita halo konferensia ne’e. Ida, ita revoga fila fali poder ne’e ba maun bo’ot hanesan prezidenti para bele hala’o knaar ida ne’e ba oin,” katak Kalbuadi Lay.

Nia hatutan, konferensia ne’e mós atu revoga hodi deside legaliza Aliansa Maioria Parlamentar ne’ebé partidu tolu ne’e halo ona.

“Ho pontu rua ne’e deit para ita bele hala’o ita-nia servisu. Ami hotu-hotu senti kontente tebes ita la mesak, ita mós iha ita-nia maun bo’ot Taur vida istóriku ida, luta dor ida durante tinan 24, hamutuk ho ita iha ne’e ho ita-nia maun bo’ot Kay Rala Xanana Gusmão, nune’e mós maun Naimori nia istória ne’ebé barak tebes, ita admira ho sira-nia luta ne’e,” katak Kalbuadi Lay.

Nune’e mós Konselleiru Superior KHUNTO, Jose dos Santos ‘Naimori’ hateten, konferensia nasionál ne’e, CNRT atu hametin liu tan unidade.

“Unidade ida atu sai belun diak ba uma kain tolu ne’e. Ema barak mai ha’u-nia uma hateten hanesan ne’e, ita bo’ot hanoin sala tiha ona, nusa mak oportunidade diak ita bo’ot la simu? Ha’u hatan hanesan ne’e, wainhira ha’u nu’udar oan no alin ida, ne’ebé mak ha’u dook liu husi ha’u-nia aman sira, signifika ha’u haree foho ne’e la borus ba sorin,”katak Naimori.

Tanba ne’e, Naimori dehan, partidu CNRT, PLP no KHUNTO, tenki kria amizade ida ne’ebé diak, la’os haree deit ba partidu, maibé amizade hanesan kria nanis ona iha tempu rezistensia.

“Hatudu ita-nia laran moos no fuan moos, ba maun Xanana ho maun Taur atu lidera ita, tanba sira nain rua sei akompaña hela ita, aban bainrua sira laiha ona, mak ita oan sira ne’e sei ko’alia iha loron ikus,”katak Naimori.

Tanba ne’e, Naimori husu atu amizade labele hotu iha dalan klaran, maibé tenki forte ba futuru.

“Ha’u bele ko’alia katak, iha ne’e foho tolu hanesan, Ramelau, Matebian no Kablaki, maun Taur mak oras ne’e akompaña hela ita, maun Xanana iha hela ema nia nasaun, rezolve hela problema ita hotu nian,”katak Naimori.

“Iha Parlamentu ha’u la tu’ur iha kadeira, tanba ha’u luta la’os atu ba tuur iha ne’eba, ha’u luta iha liur deit, hodi haree ema ne’ebé fuan moos, no laran moos atu servi nasaun no povu ida ne’e,” katak Naimori.cos

Lee hotu :   Labele uza fatin Estadu ba kampaña

Add to Comments Here!!!!

error: Content is protected.
Secured By miniOrange
You might also like:
NOTÍCIAS NACIONAL MEIO-DIA Loron-07 Fulan-Novembro Tinan-2017

JORNAL NACIONAL GMNTV Loron-06 Fulan-Novembro Tinan-2017

NOTÍCIAS NACIONAL MEIO-DIA Loron-07 Fulan-Novembro Tinan-2017

Close