JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Opozisaun rejeita OR iha Komisaun C ”FRETILIN preokupa”

Opozisaun rejeita OR iha Komisaun C ”FRETILIN preokupa”

Orsamentu Retifikativu (OR) ne’ebé Prezidente Parlamentu Nasional (PN), Aniceto Guterres, baixa ba Komisaun C trata asuntu finansas públika hodi halo téknika pareser hetan rejeisaun tamba maioria deputadu bankada opozisaun vota kontra ho votus 6 no a favor 5 laiha abstensaun.

Kompozisaun deputadu bankada opozisaun iha Komisaun C hamutuk nain 6 no restu ne’e husi bankada apoiu Governu.

Tuir komunikadu imprensa ne’ebé GMN hetan hafoin OR hetan rejeisaun haktuir katak, iha loron 09/11/2017  governu hato’o Proposta de Lei sobre Orsamentu Rektifikativu ba Prezidente PN Aniceto Longuinhos Guterres ho karakter urgensia.

Hafoin, presidente parlamento baixa kedas ba Comissao C iha loron  10/11/2017 hodi haree karik PPL Orsamentu Retificativo ne’e priensee rekezitu karater urgente ka lae?

Hafoin ida ne’e, iha loron 14-15/11/2017 Comissaun C Assuntos das Financas Publicas konvoka reuniaun hahuu iha tuku 15:00 to remata hodi apresia relatorio parecer Orsamentu Rektifikativu ne’ebé VII Governu hatoo.

Hafoin  apresia liu hosi reuniaun durante horas ida nia laran, Komissaun C vota hodi rejeita relatoriu ho parecer proposta Orsamentu Rektifikativu ne’ebé governu hato’o mai tanba la priense rekezitus konstitusionais ho karakter “urjensia” ho razaun sira mak hanesan, Laiha Lei Orgánika VII Governu Konstitusional hodi deskreve kompoziasaun estrutura governu ne’ebé refleta estrutura orsamental ne’ebé descreve iha PPL Orsamentu Retifikativu ne’e;Laiha tabela sira ezekusaun orsamental ba despeza no reseita nian hosi 9 de Novembro, ho projesaun detalhadu, tuir kategoria no item, to’o ezekusaun 31 de Dezembro 2017, ba fundus hotu-hotu no serbisu sira no fundu autonomus; Laiha justifikasaun ba situasaun ezekusaun ne’e’ebe ki’ik ba reseitas no despezas ka dotasaun ne’ebé hotu ona; Laiha informasaun sobre ativu e passivu estadu nian; Laiha informasaun konaba emprestimus ne’ebé estadu halo ba tinan 2017; Laiha sertidaun levantamentu ossan hosi fundu minarai iha 2017 no mos informasaun sobre desempenho fundu ne’e nian durante tinan ne’e nia laran; Laiha Sertifikasaun sira ba levantamentu Fundu mina-rai iha 2017 no informasaun kona-ba dezempeñu fundu nian durante 2017; Laiha Sertifikasaun validadu hosi Banco Central sobre Fluxus/ cash flow hosi kaixa konta tesouro no fundus especiais (fundu infraestrutura ho fundu capital humano); Laiha Informasaun kona-ba  kumprimento limite 20% altersaun orsamentu ba servisus ne’ebé laiha autonomia administrativa no financeira; Laiha informasaun sobre percentagem de ajuste directos 10% iha ministerio idak-idak;  Laiha informasaun detalhada ba despezas ne’ebé selu ho rezerva de kontigensia hodi dotasaun todo governu; Laiha indikasaun ba proporsaun financiamento hosi a) Ossan (dinheiro publico) ne’ebé la atribuidu ne’ebé tama iha fundu konsolidadu Timor-Leste 2017; b) Reseita ne’ebé atu simu iha futuru; c) osan (dinheiro publico) ne’ebé atribuidu maibe kansela hosi parte dotasaun orsamental.

Lee hotu :   Ratifika akordu FM depende ba orden Governu

Nune’e, Orsamento Retifikativu la prinse kriteriu ho karakter urgensia no la kumpre regras konstitusionais atu bele lori ba diskusaun iha plenaria Parlamento Nasional.

Tanba razaun sira temi iha leten maka membru Komissaun C hosi bankada Aliansa Maioria Parlamentar (BAMP) mos vota kontra relatoriu no pareser ba processo urgensia orsamentu retificativo.

Preokupasoens sira ne’e hotu sei responde ho Orsamentu Geral do Estado 2018. Nune’e BAMP hein atu governu aprezenta lalais Programa Governu ba dala rua.

Prezidente Komisaun C trata asuntu Finansas Públika, Maria Angelica Rangel, sente preokupa, tanba prosesu ba OR foin iha komisaun de’it hetan ona rezeita husi opozisaun.

“Ami kumpri de’it Prezidente PN baixa ba ami, kabe ba artigu 97 iha rejimentu, atu debate OR ne’e ho karakter urjensia, tanba ne’e mak ami kumpri duni iha oras 24 nia laran atu halo apresiasaun ba pareser jurídiku ida ne’e, atu nune’e lori ba halo diskusaun iha plenaria, maibe hatudu momoos katak, iha komisaun rasik halo rejeita ona ba proposta pareser ne’ebé mak ami halo,,”haktuir Prezidente Komisaun C, deputada Maria Angelica Rangel ba jornalista iha PN, Kuarta (15/11/2017).

Iha biban hanesan, deputada bankada CNRT nu’udar membru komisaun C Fernanda Lay, esplika, opozisaun prefere rejeita, tanba laiha orgánika governu, governu la fundamenta OR ne’e kategoria karakter urjenti ka lae.

“Pareser téknika mai Prezidente PN baixa ba komisaun C ho karakter urjensia, iha nota tékniku ne’e orgánika governu de’it mós laiha, ami la hatene orsamentu ne’e atu tau ba miniteriu ida ne’ebé, ida seluk, la’os komisaun C mak determina orsamentu ne’e ho karakter urjenti ka lae, la’os fundamenta, maibe governu mak tenke fundamenta, mai mak ami haree fundamentu sira ne’e mak bele hatene orsamentu ne’e urjenti ka lae? Ami mós labele ba inventa iha komisaun C katak ne’e urjenti, tanba iha relatoriu pareser ba komisaun C mós ami identifika katak, dokumuentu sobre ezekusaun mós laiha,  orgánika governu laiha, karik atu saláriu ba governu foun ne’ebé ami la hatene, teknikamente ami labele fo pareser ida ne’e,”haktuir Deputada Fernanda.

Lee hotu :   PN KANSELA LEILAUN KARETA 65

Enkuantu, Komisaun C entrega hikas dokumentu pareser téknika refere ba Prezidente PN, Aniceto Guterres Lopes, hafoin aprezenta iha reuniaun líder bankada hodi deside ajenda tuir prosesu normal.

FRETILIN preokupa

Nune’e, bankada FRETILIN iha Parlamentu Nasional (PN), preokupa ho polítika bankada opozisaun nian, relasiona ho Orsamentu Retifikativu ne’ebé seidauk diskuti maibe rejeita ona.

Xefi bankada  FRETILIN, Francisco Branco, hateten, Orsamentu Retifikativu ne’e, la’os ba interese grupu ida nian, ka partidu FRETILIN ho PD nia interese, maibé ba povu nia interese.

“Ita seidauk hatene nia konteudu,  ita dehan katak labele, kontra  ona,  entaun saida mak ita hakarak ba povu no Estadu ne’e nia moris,”katak Francisco Branco ba GMN iha PN, Kuarta (15/11).

Nia hatutan, polítika nain sira labele viola prinsipiu demokrátiku, tanba prinsipiu demokrátiku ne’e, povu mak fó mandatu ba ukun na’in sira atu tu’ur iha Parlamentu hodi defende Estadu nia interese.

Alende ne’e, deputadu Natalino dos Santos husi bankada CNRT hateten, nia labele fó komentáriu ba buat ne’ebé nia seidauk haree.

“Orsamentu Retifikativu ne’e, Komisaun C sei halo reuniaun hodi haree hela, agora ha’u seidauk bele fó ha’u-nia komentáriu ba ida ne’e uluk lai,” katak Natalino.

Nune’e mós deputadu Mericio Juvinal, husi bankada PLP hateten, ezekusaun orsamentu Estadu nian atu taka ona, tanba ne’e laiha ona dalan ba Governu atu aprezenta Orsamentu Retifikativu.

“Kuandu programa pasa ona, orsamentu Governu nian ita bele diskuti, maibé kuandu programa seidauk, ita lori kedas Orsamentu Retifikativu mai, ha’u hanoin ne’e komplikadu oituan. Ha’u labele dehan vota kontra la’e, maibé komplikadu. Tanba ne’e, laiha dalan ba Governu atu aprezenta Orsamentu Retifikativu, tanba agora besik fulan Dezembru ona, no ezekusaun orsamentu atu taka ona, entaun Orsamentu Retifikativu ne’e mai atu halo saida? kuandu Orsamentu Jeral Estadu 2017 nian sei iha hela,”katak Mericio Juvinal.

Lee hotu :   ONU rekoñese kapasidade Xanana Gusmão rezolve pos-konflitu

Debate OR 20 Novembru foin hatene

Prezidente Parlamentu Nasional (PPN), Aniceto Guterres, informa, data fiksu debate Orsamentu Retifikativu (OR), iha Parlamentu Nasional (PN) ne’e sei hatene iha loron 20 Novembru, tinan ida ne’e.

“Dia 20 Novembru maka ita foin hatene bainhira maka atu debate OR iha jeneralidade no espesialidade iha plenaria PN,”Prezidente Parlamentu Nasional ne’e ba jornalista sira hafoin remata enkontru hodi informa situasaun PN no prosesu OR ba PR, iha Palasiu Prezidensial, Bairo Píte, Díli, Kuarta (15-11-17).

Nia esplika, parese aban (16/11) no bainrua (17/11) hanesan ne’e, meja PN hein kalendariu ne’ebé komisaun C iha Tersa (14/11) ne’e prepara ona.

“Portantu PN mós sei hein rezultadu lider bankada sira halo hon (15/11) halo konferensia hodi deskuti kona-bá ajendamentu debate OR ninian no ita sei hein mós pareser komisaun C ne’ebé oras ne’e dau-dauk sira reuniaun hela,”haktuir Aniceto Guterres.

Nia akresenta, kalendáriu ne’e tenki mai husi komisaun C PN, depois maka sei diskuti iha konferensia lider bankadas, atu nune’e konferensia lider bankada hamutuk ho meja PN organiza debate OR.

“Tanba Governu rekere karakter urjensia ba proposta lei kona-bá OR no bazeia ba pareser ne’ebé komisaun C fó sai liu husi reuniaun ne’ebé sira halo, pareser ida ne’e tenki lori ba plenaria atu hola deliberasaun kona-bá iha ka laiha karakter urjensia ne’e,” dehan PPN ne’e.

Hafoin ida ne’e maka, Prezidente PN ne’e dehan, foin bele baixa ba komisaun, entaun sei halo iha segunda loron 20 Novembru atu desidi iha ka laiha karakter urjensia no atu baixa ba komisaun espesializada alende komisaun C.Say/cos/ves

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-15 Fulan-Novembru Tinan-2017

NOTÍCIAS NACIONAL MEIO-DIA Loron-13 Fulan-Novembru Tinan-2017

JORNAL NACIONAL GMNTV Loron-14 Fulan-Novembru Tinan-2017

Close