JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Australia konkorda asina tratadu foun fronteira marítima ho TL

Australia konkorda asina tratadu foun fronteira marítima ho TL

Konteudu dokumentu ba tratadu fronteira maritima entre Timor Leste ho Australia ne’ebe asina iha primeiru Governu Konstitusional remata tiha ona. Nune’e, Governu Australianu konkorda atu asina hikas tratadu ne’e ho TL. 

Informasaun ne’ebe Lusa fo sai husi konfirmasaun ho fontes sira ne’ebé besik ho prosesu ne’e hateten katak, Australia konkorda atu asina akordu ne’e iha prezensa Sekretariu Jeral ONU nian.

“Australia konkorda atu sina tratadu ne’e. Kalendáriu (asinatura) sei buka konkordansia ho Sekretáriu Jeral ONU atu defini ezaktamente bainhira mak data asinatura,” informa fonte ne’e, ne’ebé destaka mós progresu ne’ebé konsege hetan durante semana ida ne’e.

Fontes sira ne’e explika katak ida ne’e mak notísia pozitiva liu husi etapa negosiasaun ne’ebé halao iha Singapura iha semana kotuk entre delegasaun Timor Leste no delegasaun Australia, iha Komisaun Konsiliasaun ONU nia mahon.

Marka mós prezensa iha prosesu negosiasaun iha Singapura ne’e reprezentantes husi kompañas petroleiferas sira ne’ebé halo parte Joint Venture ne’ebé kontrola wemátan (posu) minarai Greater Sunrise.

“Ida ne’e ba dalima mak repzentantes sira husi Jointe Venture partisipa iha negosiasaun sira” explika fonte ne’e hodi deklara mós katak iha mós reuniaun entre Komisaun Konsiliasaun ho kompañas petrolíferas sira no enkontrus informais ho delegasaun sira.

Tratadu ne’e mak elementu sentral ida ba akordu ne’ebé negosia durante tinan ikus ne’e, ne’ebé alein de “elementus sentrais” delimitasaun fronteira marítima entre nasaun rua – ne’ebé tuir indikasaun sira ne’ebé iha sentra iha liña mediana ne’ebe delegasaun Timor Leste sempre reinvindika, inklui mós estatutu legal dezenvolvimentu posu gáz Greater Sunsire iha Tasi Timor.

Asuntu úniku ne’ebé sei pendente mak forma oinsá atu explora gáz: atu dada ho kadoras ba Darwin, Territóriu Norte Austrália nian, ou atu dada mai kosta sul Timor Leste. Destinu gazodutu (kadoras) ne’e mak sei determina forma oinsá sei fahe reseitas sira entre nasaun rua ne’e.

Lee hotu :   PR Lu Olo fo posse PM no membru governu nain 11, Nasaun persiza Timor-oan tomak nia kontribuisaun

Fontes  sira deklara mos katak komisaun husu ba parte rua atu fornese informasaun “detallada” kona-bá opsaun sira ne’ebé ida-idak defende atu bele avansa no konklui aspetu ne’e, ne’ebe sai nudar aspetu difisil liu iha diálogu ne’e.

Negosiador prinsipal husi delegasaun Timorense mak Kay Rala Xanana Gusmão, iha fim de seman ida ne’e sei viaza ba Papua Nova Guiné atu koñese projetu gáz natural paíz ida ne’e nian.

Auzente husi Timor-Leste desde 11  Setembru 2017, Xanana Gusmão lidera hela negosiasoens ho Austrália konabá kestaun ida ne’e, kestaun ne’ebé krusial tebes ba Timor Leste nia futuru no merese konsensu nasional entre Timor-oan sira hotu.

Reuniaun sira ne’e dekorre iha âmbitu prosesu konsiliasaun entre Timor Leste ho Australia, ne’ebé halao husi Komisaun Konsiliasaun, iha termus Konvensaun ONU nian konabá Direitu Tasi no iha Tribunal Permanente Arbritrajen (TPA) iha Haia nia mahon.

Komisaun agora avansa ho finalizasaun nia relatóriu konabá prosesu negosial ne’e, ne’ebé sei finaliza no publika iha inisiu 2018.

Komisaun konsiliasaun ne’ebé harii iha 25 Juñu 2016, hetan nia inísiu iha 11 Abril 2016, ho “Notifikasaun konabá Instituisaun Konsiliasaun tuir Seksaun 2 Aneksu V Konvensaun” ne’ebé Timor Leste haruka ba Australia. Komisaun kompostu husi membrus 5: rua kada paíz mak eskolla, no prezide husi Embaixador Peter Taksee-Jensen. */gmn

Add to Comments Here!!!!

error: Content is protected.
Secured By miniOrange
You might also like:
PPN la hakruk ba rekursu BOAMP, OR sei la diskuti ”FRETILIN konsidera opozisaun taka erru Governu anterior ”

Bankada Opozisaun Aliansa Maioria Parlamentar (BOAMP)...

“MUNDO HO TETUM” Loron-16 Fulan-Dezembru Tinan-2017

JORNAL NACIONAL GMNTV Loron-17 Fulan-Dezembru Tinan-2017

Close