JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KEJDKDRTL husu Alkatiri hakruk ba kontituisaun ■Polítika Alkatiri fo presaun ba PR

KEJDKDRTL husu Alkatiri hakruk ba kontituisaun ■Polítika Alkatiri fo presaun ba PR

Klibur Estadudante Defende Konstituisaun-Repúblika Demokratika Timor-Leste (KEDK) husu Primeiru Ministru (PM), Marí Alkatiri atu hakruk no respeita ba Konstituisaun, tanba Prezidente Repúblika mak iha kompetensia atu konvoka desizaun ba eleisaun antesipada ka entrega poder ba Aliansa Maioria Parlamentar (AMP).

Portavoz KED K-RDTL Paiju Santos hato’o lia hirak ne’e liu hosi konferensia imprensa ne’ebé hala’o iha salaun Peace Coffe, Dili, Tersa (16/01/2018).

KEDK hato’o ejizensia ne’e, relasiona ho deklarasaun PM Marí Alkatiri ne’ebé durante ne’e fo sai ba públiku katak, dalan úniku atu solusiona polémika polítika aktual mak eleisaun antesipada, maske Xefi Estadu seidauk anunsia desizaun ruma ba partidu polítiku sira ne’ebé liu bareira 4% iha  Parlamentu Nasional.

“Ami husu ba atual PM Marí Alkatiri atu hakruk ba K-RDTL ne’ebé mak nia rasik deklara an nu’udar autor ba hakerek K-RDTL, tanba Prezidente Repúblika mak iha kompetensia atu deside no konvoka eleisaun antesipada ka entrega poder ba Bloku Opozisaun Aliansa Maioria Parlamentar,”hateten porta-voz ne’e.

Klibur estudante defende konstituisaun RDTL konsidera la justu, bainhira minoria husu maioria atu submete.

“Haré ba situasaun no dinámika polítika ne’ebé akontese hafoin formasaun VII Governu ne’ebé viola valor demokrasia no liu-liu viola K-RDTL hahalok PM Marí Alkatiri nian de faktu PM Marí Alkatiri ne’ebé hatudu nia hahalok arrogante, la hatudu vontade sentidu de Estadu no anti demokrasia, tanba demokrasia ne’ebé agora akontese iha rai doben Timor-Leste hatudu katak maioria mak atu submete ba minoria, ida ne’e laloos tuir prinsipiu  demokrasia,  tanba ne’e ami nu’udar klibur juventude defende konstitusional la konkorda hahalok ne’ebé hatudu husi PM, de faktu iha VII Governu ne’ebé konsidera inkonstitusional ne’ebé estraga no hafoer partidu FRETILIN nu’udar partidu historiku,”haktuir Paiju.

Lee hotu :   FRETILIN-PD konsidera polítika BOAMP sistematiku

Porta-voz KEDK, husu Xefi Estadu atu foti desizaun lalais ba situasaun polítika aktual ne’ebé iha inserteza nia laran, tanba orgaun Estadu sira hanesan Parlamentu Nasionál, komesa koko atu abandona ona nia knaar.

Husu mós ba orgaun soberanu Estadu nian, hanesan Parlamentu Nasionál, Prezidensia Repúblika  no Governu inklui Tribunal, tenke hakruk no labele viola lei K-RDTL ka rejimentu ruma.

Klibur estadante defende konstituisaun ne’e mós husu ba povu hotu kontinua hakmatek iha fatin hodi hatudu maturidade iha ambiente paz.

KED K-RDTL kompromete, bainhira orgaun soberania Estadu sira viola konstituisaun RDTL, KED K-RDTL sei mobiliza masa hodi halo asaun hasoru orgaun kompetente sira.

Polítika Alkatiri fó presaun ba PR

Nune’e mós, Partidu sira ne’ebé mak hamahon-an iha Forum Demokrátiku Nasional (FDN), konsidera asaun polítika ne’ebé Primeiru Ministru, Mari Alkatiri, halo durante ne’e, hanesan presaun ida ba Prezidenti Repúblika (PR), Francisco Guterres ‘Lu-Olo’ atu dekreta lalais Eleisaun Antesipada (EA), tanba Alkatiri halo ona kampaña iha fatin-fatin kona ba eleisaun antesipada ne’e.

Portavoz  FDN, Hermenegildo Lopes ‘Kupa’  husu ba     Prezidente Repúblika,  atu foti desizaun kumpri mandatu konstituisaun artigu 86 alinea   (d) atu imediatamente, antes loron 18  Janeiru 2018, konvoka sesaun extra-ordinária Parlamentu Nasional, tanba to’o ohin loron Prezidenti Parlamentu Nasional abertamente, klaru no’o kompletamente, halo manobra oin-oin, hodi impede orgaun soberanu ida atu hala’o nia kna’ar no konkretiza espektativas povu tomak nian.

“Ita-nia Primeiru Ministru, Mari Alkatiri, kuaze fulan hat ona, kampaña ona kona ba eleisaun antesipada, hahú kedas husi aprezentasaun programa Governu minoritáriu nian iha Parlamentu Nasional, ne’ebé Aliansa Maioria Parlamentar halo rejeisaun ba programa ne’e,”katak Hermenegildo ba jornalista sira iha sede APMT, Kampung Alor horiseik.

Lee hotu :   Horta husu Xanana bolu Alkatiri ho Lú Olu

Nia afirma, husi ne’eba Governu minoritáriu halo kampaña iha fatin hotu kona ba eleisaun antesipada.

“Ida ne’e modelu polítika ida atu fó presaun ba Prezidenti Repúblika hodi foti desizaun kona ba eleisaun antesipada ne’e. ami hanesan partidu sira ne’ebé halibur an iha FDN, polítikamente lolos ne’e ami mak tenki ezije eleisaun antesipada, tanba nia benefisiu ne’e ba ami ne’ebé mak la hetan asentu iha Parlamentu Nasional, kuandu ita lahanoin povu ida ne’e,” katak nia.

Nia haktuir, kuandu FDN la hanoin povu no rai ida ne’e, sira mak deklara uluk ona katak, ho situasaun polítika agora dadaun ne’e, diak liu ba ona eleisaun antesipada, tanba partidu sira ne’ebé halibur-an iha FDN ne’e, bele hetan benefisiu husi eleisaun antesipada ne’e, maibé FDN lakohi polítika ida ne’e, tanba sakrifika povu.

“Mas ami lakohi atu hakat liu ita-nia konstituisaun RDTL, ami lakohi atu bo’ot liu fali ita-nia Prezidenti Repúblika ne’ebé mak povu maioria povu maubere fó konfiansa liu husi eleisaun Prezidensial, entaun Governu ida labele hakat liu fali Prezidenti Repúblika atu deklara eleisaun antesipada,”katak nia.

FDN mós ezije atu sesaun extraordinaria bele ajenda lalais debate Programa  Governo ka mosaun sensura hodi nune’e bele garanta rezolusaun situasaun  impase ka krije governativa  ne’ebe oras ne’e dadauk la’o hela.

Konstituisaun RDTL, artigu 86 alinea (d) hateten, Prezidenti Repúblika halo konvokasaun extra-ordinária Parlamentu Nasionál nian, wainhira iha razaun boot kona-ba interese nasionál, alinea  (e) hateten, Prezidenti Repúblika fó-sai lia-tatoli ba Parlamentu Nasionál no ba nasaun,  aliena (f) hateten, hakotu Parlamentu Nasionál, iha kazu krize bo’ot institusionál nian ne’ebé labele iha formasaun Governu ka aprovasaun Orsamentu Jerál Estadu nian iha tempu naruk liu loron neen-nulu, wainhira rona tiha ona  partidu polítiku sira-ne’ebé hetan kadeira iha Parlementu Nasionál, no rona  Konsellu-Estadu, iha tempu ne’ebé laiha kdasar  jurídiku atu hala’o disolusaun , tenki haree tuir regra iha Artigu 100.

Lee hotu :   Proposta alterasaun OJE 2018 hamutuk 100 "Kontinua preokupa VIII Governu la kompletu"

Entretantu, konstituisaun artigu 100 númeru (1) hateten, Parlamentu Nasionál labele hetan disolusaun iha fulan neen nia laran, liu tiha eleisaun ne’ebé hili nia, ka iha semestre ba dala ikus mandatu Prezidente Repúblika nian, ka durante vijénsia Estadu  serku ka Estadu emerjénsia nian, tan la iha kdasar jurídiku atu halo disolusaun.

Númeru (2) artigu 100 mós hateten, disolusaun Parlamentu Nasionál nian la hamate mandatu Deputadu sira-nian to’o Parlamentu nia reuniaun dala uluk, liu tiha eleisaun subsekuente sira.

Antes ne’e, Primeiru Ministru, Mari Alkatiri deklara, eleisaun antesipada mak dalan diak liu atu resolve tensaun polítika iha rai laran.say/cos

Add to Comments Here!!!!

error: Content is protected.
Secured By miniOrange
You might also like:
Somotxo: Laiha kilat ilegal iha sivil nia liman ■ Difisil identifika kilat lakon

Ministru Defeza no Seguransa (MDS), José...

BOAMP espera desizaun PR Lú Olo tuir KRDTL, FRETILIN hakarak eleisaun antesipada

Bloku Koligasaun Aliansa Maioria Parlamentar (BOAMP)...

TDD hahu julga eis vise Ministru MAP

Tribunal Distrital Dili hahu halo julgamentu...

Close