JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN sei la halo tuir Governu nia hakarak

PN sei la halo tuir Governu nia hakarak

Xefi bankada CNRT, Arão Noe, afirma, Parlamentu Nasionál (PN) sei la halo tuir de’it data ajendamentu diskusaun mosaun sensura ne’ebé Governu determina ka hakarak.

 

“Tuir regras, Parlamentu Nasionál mak ajenda hodi komunika ba Governu, hafoin Governu tuir hodi marka prezensa. La’os parlamentu mak halo tuir fali ajenda husi governu nian,”dehan Xefi bankada CNRT, deputadu Arão Noe ba jornalista sira iha PN, Sesta (12/01/2018).

 

“Ha’u lamenta ba Prezidente Parlamentu Nasional, tanba iha artigu 107 konstituisaun RDTL nian, governu mak fo responde ba Prezidente Repúblika no Parlamentu Nasionál, tanba ne’e parlamentu mak ajenda komunika ho governu, la’os parlamentu mak halo tuir fali ajenda husi governu nian, governu mak hatudu fali data mai depois PN halo tuir de’it, regras ne’e la normal tiha ona. Uluk iha 2009, bankda FRETILIN mós halo mosaun sensura hasoru eis Primeiru Ministru, Kay Rala Xanana Gusmão, iha IV governu, iha momentu ne’e parlamentu marka governu mai kedas, hodi diskute no vota la liu, entaun governu kontinua halo servisu, maibe agora dadaun ne’e, intensaun Governu ho Prezidente Parlamentu husik situasaun ne’e paradu hela hanesan ne’e, depois fo sala fali AMP mak lakohi kolabora, diskute Orsamentu Retifikativu de’it bankada Governu abandona plenária, la konsistente ho sira-nia polítika rasik, depois ezije ema seluk atu apoiu atu vota a favor,”esplika Arão, hodi haree ba data ne’ebé Governu termina atu mai PN iha dia 31 Janeiru hodi diskuti proposta mosaun sensura.

 

Bloku Aliansa Maioria Parlamentar kontinua ba parte relevante hotu, atu la’o tuir regras konstitusionais no rejimentais.

 

“Ami ejize mak tenke la’o tuir regras rejimentu, tanba jogu ne’ebé ami halo ne’e, la’o tuir regras konstitusionais, maibe desizaun seluk ne’e kompetensia Prezidente Repúblika nian, ami lakohi interfere. Ami deklara ona ami-nia pozisaun la aseita ho Eleisaun Antesipada, se Prezidente Repúblika opta ba eleisaun antesipada, nia konsekuensia mak Estadu ne’e moris la ho Orsamentu Jeral Estadu, tanba atu aprezenta orsamentu ne’e, tenke husi Governu, maibe governu de’it seidauk aprezenta to’o agora, la hatene interese nasionál loloos ne’e iha ne’ebé? Ha’u hanoin agora ne’e interese poder ne’e de’it atu kaer metin nafatin poder ne’e, maibe lahatene Estadu ne’e aban bainrua atu moris ho saída, depende de’it ba duodésimu, maibe duodésimu mós nia bele rezolve de’it to’o fulan rua ou tolu, depois fulan tolu mai, atu foti osan  iha ne’ebé mak atu selu funsionariu sira-nia salariu, tenke responsabiliza ida ne’e,”dehan Arão.

Lee hotu :   Governu sei muda Lei Eleitoral

 

AMP kontinua apela nia pozisaun, hodi la aseita eleisaun antesipada, tanba lagarante partidu ruma atu manan maioria absoluta iha futuru.

 

“Eleisaun antesipada ba ami la’os solusaun, tanba rezultadu bele mosu fali hanesan agora dadauk, koligasaun nafatin, balu mehi dehan hakarak manan maioria absoluta, maibe ha’u lafiar, tanba ita agora iha prosesu demokátiku, povu sei hili tuir nia hakarak, ida ne’e sei lori impaktu bo’ot ba Estadu, maibe ne’e kompetensia Prezidente Repúblika, maibe análiza ba situasaun sira ne’e, molok foti desizaun,”hateten lejislador ne’e.

 

Antes ne’e, bloku koligasaun FRETILIN, relata, eleisaun antesipada nu’udar dalan únika, atu solusiona situasaun polítika aktual, tanba fo fila poder ba povu atu deside fila fali ho votus liu hosi dalan demokratiku.

 

Enkuantu, Ministru Prezidensia Konselu Ministru, Adriano do Nascimento mós justifika ona, governu determina loron 31 ba diskusaun mosaun sensura, tanba sei porsesa orsamentu duodésimu hodi fasilita funsionamentu Estadu  kontinua la’o, maske situasaun polítika seidauk iha serteza.Say

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV MEIO-DIA Loron-13 Fulan-Janeiru Tinan-2018

JORNAL NACIONAL GMNTV MEIO-DIA Loron-13 Fulan-Janeiru Tinan-2018

Governu minoritária hatodan vida sosial-ekonómika povu TL

Forum Demokrátiku Nasional (FDN), hato’o sira...

Close