JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TR deside karta destituisaun hasoru PPN konstitusional “BOAMP husu PPN labele subar-an”

TR deside karta destituisaun hasoru PPN konstitusional “BOAMP husu PPN labele subar-an”

Tribunal Rekursu hasai ona desizaun ba karta destituisaun husi Bloku Opozisaun Aliansa Maioria Parlamentar (BOAMP) nian hasoru Prezidenti Parlamentu Nasional (PPN) haruka ba TR katak, karta destituisaun BOAMP nian ne’e, konstitusional no la kontra lei.

Reprezentante BOAMP, deputadu Fidelis Magalhães, hateten, PPN hato’o pedidu fiskalizasaun abstrata ba konstitusionalidade ba norma ne’ebé hatu’ur momos ona iha artigu 15 rejimentu PN, ligadu ho proposta destituisaun ne’ebé mai husi BOAMP.

Maibé Tribunal Rekursu (TR) deklara katak, laiha inkonstitusionalidade (aktus AMP la viola konstituisaun) iha desizaun NUC N.0129/17.TRDIL, data 05/01/2018.

Antes desizaun TR nian fó sai, Tribunal Distrital Dili (TDD) mós indifere ka rejeita pedidu providensia kautelar husi PN.

“Dala ida tan PPN husu rekursu ba desizaun TDD nian ne’ebé indefere ka rejeita pedidu providensia kautelar ne’ebé mak PPN hatama ba TDD iha loron 3 Janeiru 2018 ne’e, laiha ona baze legal, tanba TR hasai tiha ona desizaun katak, fiskalizasaun abstrata ne’ebé mak PPN hato’o kontra pedidu AMP nian kona ba destituisaun PPN ne’e konstitusional,” relata Fidelis ba jornalista sira liu husi konferensia ba imprensa iha PN, Tersa (09/01).

Ho nune’e, Fidelis dehan, PPN nafatin haksumik-an iha prosesu legal nia okos hodi manipula prosesu polítika ne’ebé lolos no la’o tuir lei. Ida ne’e hatudu de’it laiha baze legal ba PPN atu foti kualker aktu teatrikal ne’ebé subar iha aspetu legal nia mahon hodi halai subar husi prosesu normal iha PN.

“Ho faktus sira ne’e hotu, laiha tan razaun ba PPN atu la ajenda rekerimentu rua ne’ebé mak AMP submete tiha ona, no PPN admite tiha ona hahú kedas ho mosaun sensura no proposta destituisaun ba PPN,”dehan Fidelis.

Lee hotu :   STAE akredita observador internasional 35 ba EA

BOAMP konsidera aktus ne’ebé hatudu dadaun husi PPN ne’e, hatudu momos katak, PPN kontribui ba dada tempu hodi nune’e bele atinji objetivu polítiku partidu FRETILIN nian, hodi kria krize institusional nu’udar razaun ba Prezidenti Repúblika hodi bele disolve PN no dekreta eleisaun antesipada.

Alende ne’e, BOAMP mós afirma, bazeia ba karta ne’ebé PPN  ho númeru referensia 87/PRES/2017, ne’ebé hato’o ba VII Governu konstitusional iha loron 3 Janeiru 2018, ho asuntu atu halo ajendamentu ba debate mosaun sensura ba Governu.

Karta refere informa ba Governu hodi husu Governu nia disponibilidade atu mai atende ajenda debate mosaun sensura iha PN.

PPN mós sita iha karta refere katak, sei fiksa data ba debate mosaun sensura nian la liu husi loron 30, hahú husi loron 18 Desembru 2017, maske rejimentu PN la ko’alia kona ba limitasaun tempu bad abate mosaun sensura nian.

Iha artigu 140 rejimentu PN kona ba mosaun sensura iha dini fatin no nune’e mós tuir artigu 138 rejimentu PN  tempu ba debate plenária nian labele liu husi loron 3, maibé PPN manipula hodi la fó konsiderasaun  lolos ba karta mosaun sensura ne’ebé hatama husi AMP iha loron 20 Novembru 2017.

“Ironiu liu tan mak, PPN admite proposta mosaun sensura AMP nian iha loron 20 Novembru 2017, infelizmente PPN foin haruka kart aba VII Governu konstitusional iha loron 3 Janeiru, hodi konta fali hahú husi loron 20 Dezembru 2017,” relata Fidelis.

Antes ne’e, PPN, Aniceto Guterres hateten, desizaun husi TR no TDD sai tiha ona, maibé nia se iha tempu loron 15 atu hatama rekursu kona ba providensia kautelar iha TDD.cos

Add to Comments Here!!!!

error: Content is protected.
Secured By miniOrange
You might also like:
PR eziji MP kombate kriminalidade ■Krimi abuzu sexual ás iha munisípiu 3

Prezidente Repúblika (PR), Francisco Guterres ‘Lú...

BOAMP prepara ona estrutura VIII Governu ■Laiha lei ba eleisaun antesipada

Hein desizaun husi Prezidenti Repúblika (PR),...

Gastão deklara Xanana mak haruka fó kareta ba Martinho Gusmão

Tribunal Distrital Dili halo julgamentu ba...

Close