JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ministru Manuel Vong legaliza jogus, PM Alkatiri: “Membru Governu labele lufu-lafu deit”

Ministru Manuel Vong legaliza jogus, PM Alkatiri: “Membru  Governu labele lufu-lafu deit”

Primeiru Ministru (PM), Mari Alkatiri, promete sei bolu Ministru Turismu, Manuel Vong ho nia vise Rui Menezes, atu bele aprezenta Lei kona-ba aktividades jogus slot machine ho lotaria popular.

Maske Primeiru Ministru (PM), Mari Alkatiri, supende ona akordu jogus ne’ebe mak Ministru Manuel Vong ho nia Vise Rui Menezes, halo ho kompaña internasional Hama Tomo husi Japaun ho Double Six husi Indonezia, maibe Ministru Manuel Vong, kontinua autoriza Hama Tomo loke jogus slot machine no mos autoriza kompaña hat seluk tan loke lotaria ho slot machine iha Dili laran.

Liu husi despaixu ne’ebe mak Ministru Turismu Manuel Vong asina iha iha loron 01 Fevereiru Tinan 2018, autoriza tan kompaña 5 hodi loke atividades jogus 5 iha Dili laran. Kompaña 5 ne’e, kompostu husi kompaña DREAM ENTERTAIMENT GROUP,S.A loke jogus Lotaria, FITUN TIMOR LDA, (Lotaria), ILIMANO HOLDING, S.A (Slot Machine), HAMATOMO RAKUUN,S.A (Slot Machine), Manhatan Timor Group (MTG), Holding ,S.A mos loke atividade jogus (Slot Machine).

PM Mari Alkatiri, husu ba membru Governu sira atu foti desizaun la bele  lufu lafu deit, maibe tenke bazeia ba lei ne’ebe vigor iha Timor Leste.

“Ha’u sei koalia ho Ministru  Turismu Manuel Vong no ho  Vise Ministru   Rui Menezes, tenke aprezenta lei tanba buat hotu halo tenke tuir lei. La bele halo sasan hanesan lufu-lafu deit,” afirma PM Mari Alkatiri ba jornalista sira iha Centro Nacional Chega (CNC), Balide, Dili, Segunda (5/2/2018).

Hafoin PM Alkatiri deklara lia hirak ne’e, jornalista GMN halo kedas konfirmasaun  direita ba Ministru Manuel Vong, ne’ebe mos akompaña PM Alkatiri iha serimonia lansamentu sitiu mapamentu CNC nian iha Balide, Dili, maibe Ministru Manuel Vong, rezeita atu fo klarifikasaun hodi foti liman deit ba jornalista sira.

Lee hotu :   Informasaun FRETILIN la simu proposta CNRT, deside ba opozisaun lalos ■XANANA la husu saláriu ba VII Governu

Biban ne’e, Primeiru Ministru (PM), Mari Alkatiri mos afirma ba jornalista sira katak, nia parte nudar Xefe Governu, komesa horseik, loke ona auditoria ba ministeriu hotu-hotu, inklui Tribunal das Contas.

Auditoria ne’e halo atu bele identifika servisu saida mak Governu halo ona no saida mak Governu la bele halo, hodi nune’e, bele kontrola membru Governu ho funsionariu Estadu sira la bele halo servisu tuir ida-idak nia hakarak.

                                               Inspektur Jogus ‘no coment

Husi sorin seluk, GMN ba halo konfirmasaun hikas ho Inspektor Geral do Jogus, Augusto Pereira, iha nia servisu fatin, Bebora, Dili, horseik, maibe Augusto Pereira, la bele fo komentariu (no coment) bainhira seidauk hetan delegasaun kommpetensia ka utorizasaun husi Ministru Turismu, Manuel Vong.

Augusto Pereira ne’ebe trola ona Inspektor do Jogus  sesante Miguel Lobato, lia tun deit dehan, informasaun hotu ne’ebe kona-ba legalizasaun jogus tenke liu husi kanar ida deit mak Ministru Turismu. Ho nune’e, wainhira nia atu koalia karik tenke hetan delegasaun kompetensia husi Ministru Turismu. ety/eus

Add to Comments Here!!!!

error: Content is protected.
Secured By miniOrange
You might also like:
PR konkorda eleisaun antisipada iha fulan Maiu “Governu prevé orsamentu 5 milloins”

Ministru Administrasaun Estatal Valentim Ximenes, akompaiña...

Jogu kasino impaktu fo negativu ba sosiadade Tilman:“ PM Mari Alkatiri la iha kompotensia atu interven”

Provedor Direitu Humanu no Justisa (PDHJ)...

GRANDE ENTREVISTA GMNTV hamutuk ho Dr. Alcino Barris Presidenti CNE nunemos Acilino M. Branco Dir.Jeral STAE

Close