JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Rezultadu KN determina distinu PD ba EA

Rezultadu KN determina distinu PD ba EA

Foto:GMNTV

Deputada Partidu Demokrátiku (PD), Maria Teresa, informa, PD atu la’o mesak iha Eleisaun Antesipada (EA) ka koligasaun ho Partidu FRETILIN, depende husi rezultadu Konferensia Nasionál (KN) PD nian ne’ebé sei hala’o iha tempu badak.

Ba jornalista GMN, iha Parlamentu Nasional (PN), Segunda (12/02/2018), deputada Maria Teresa, hatete, se rezultadu KN deside PD la’o mesak, maibe PD ho FRETILIN sei lori programa ne’ebé VII Governu ne’ebé rejeitadu husi deputadu sira atu bele tun fali ba kampaña eleitoral iha EA ne’e.

“PD nia pozisaun hanesan, ami nia prezidente fo sai ona iha media sosial, katak karik PD atu halo desizaun lao mesak, koligasaun iha Governu PD ho Fretilin mantein metin nafatin. Maibe koligasaun ka lae ba eleisaun antesipada? prefere liu PD la’o mesak. Maibe materia kampaña nian, ita la’o ida de’it, ba ho VII Governu nia programa, maske PD ho FRETILIN la’o ketak-ketak, maibe desizaun ikus iha konferensia nasionál PD nian, hafoin konferensista sira foin deside oinsa pozisaun PD nian ba eleisaun antesipada,”apela deputada PD, Maria Teresa.

Teresa dehan, maske tempu limitadu, maibe pozisaun PD prontu nafatin atu kumpri kualker desizaun ne’ebé iha ona.

“Haree ba dinámika situasaun polítika, ema hotu-hotu inklui PD,  ho tempu ne’ebé limitadu, ita atu ba manan fali  povu nia fuan no konvense fali povu atu fiar partidu sira liu hosi konsolidasaun no kampaña, maibe ita mós tenke obedese ba desizaun Prezidente Repúblika nian, ho situasaun saida de’it PD prontu hasoru,”deklara Maria Teresa.

Antes ne’e, Prezidente PD, Mariano ‘Assanami’ Sabino mós apela ona, konferensia nasionál PD nian sei hala’o iha tempu badak, hodi koloka hanoin ruma kona ba oinsa PD atu hakat ba eleisaun antisipada ne’e.Say

Lee hotu :   Alkatiri konsidera mosaun sensura “kadaluwrsa” Governu fó apoiu tomak Xanana lidera FM

Add to Comments Here!!!!

error: Content is protected.
Secured By miniOrange
You might also like:
Governu sei muda Lei Eleitoral

Foto:GMNTV VII Governu Konstitusional ne’ebe lidera...

PJR preokupa desizaun TR ba kazu Aimoruk Kontainer 9

Prokurador Jeral Repúblika, José da Costa...

Xanana la uza asuntu FM ba hetan votus “Alkatiri lakon kontaktu ho Xanana”

Negiosiador Prinsipal ba Fronteira Maritima atual...

Close