JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana la uza asuntu FM ba hetan votus “Alkatiri lakon kontaktu ho Xanana”

Xanana la uza asuntu FM ba hetan votus  “Alkatiri lakon kontaktu ho Xanana”

foto:GMNTV

Negiosiador Prinsipal ba Fronteira Maritima atual Prezidenti partidu Congresso Nacional Reconstrução Timorense (CNRT), Kayrala Xanana Gusmão, nanis kedas la uza asuntu FM nian ba materria kompaña politiku hodi hetan votus ba CNRT.

“Desde uluk kedas Maun Xanana dehan la uza asuntu fronteira marítima ba kampaña,”  esklarese Prezidenti Conselho Diretiva Nacional (CDN) partidu CNRT, Dionisio Babo Soares, hodi responde jornalista sira wainhira hasae bandeira Aliansa Mudansa ba Progresu (AMP) ne’ebe halao iha Suku Comoro, Dili, Domingu (11/2/2018).

Dionisio fundamenta katak, figura boot Xanana Gusmão konhesidu iha povu hotu nia futar matan no tilun, tanba povu tomak hatene Xanana mak defende povu nia direitu to’o hetan autor determinasaun no luta tan to’o hetan Timor oan nia soberania total fronteira maritima nian ho Australia.

Nia husu atu hotu-hotu la bele halo espekulasaun iha publiku nia leet atu hetan apresiasaun,  tanba Xanana la persiza esplika ba publiku mos ema hatene saida mak Xanana luta hela.

Antes ne’e, Sekretariu Jeral Partidu FRETILIN, Mari Alkatiri, husu ba Xanana Gusmão atu la bele uza asuntu Fronteira Maritima ba sai matéria kampaña, se lae nia sei loke debate ba publiku.

Ajenda ne’ebe Australia ho Timor Leste konkorda ona katak, iha loron 6 fulan Marsu, tinan ne’e, Australia ho Timor Leste sei asina akordu tratadu fronteira maritime nian iha Nova Yorke.

Alkatiri lakon kontaktu ho Xanana

Primeiru Ministru (PM), Mari Alkatiri, informa katak, nia la iha problema ho prezidenti CNRT, Kayrala Xanana Gusmão, so iha mak lakon komunikasaun hanesan maun ho alin.

“Uluk ha’u ho Xefi Negociador Delimitasaun Fronteira Marítima,  Kayrala  Xanana Gusmão, hakuak malu la’o hamutuk  dehan ditadura,  la iha demokrasia ona, ami nain rua hirus malu oituan dehan tensaun politika, ami seidauk líder historiku, ami sei líder aktivu,” hateten PM Alkatiri nudar mos Sekretariu Jeral partidu FRETILIN iha Universidade Nacional Timor Lorosae (UNTL), Segunda (12/2/2018).

Lee hotu :   BOAMP ejize diskute mosaun no destituisaun

Alkatiri fundamenta katak entre nia ho Xanana so problema la koalia ba malu,  hanesan maun-alin sira durante tinan rua ou tolu la koalia iha uma laran  tanba hirus malu.

Kona-ba preokupasaun Dosente Fakuldade Agrikultura UNTL, Acaçio da Costa Guterres, ne’ebe ladun kontenti ho akademiku balun ne’ebe hetan fiar hodi okupa pozisaun publiku nudar exekutivu sempre monu ba tentasaun korrupsaun, PM Alkatiri, klarifika katak, kondisaun ema atu naok sira sei naok tanba ne’e etika importante.

“Ita aprende buat barak bainhira ita ba eskola, maibe ita seidauk hametin iha pozisaun iha etika. Hau triste tanba hau lori osan barak husi Bayu Undang mai Timor mas sistema kontrola la forti, osan sira ne’e deskontroladu,” hateten Alkatiri

Nia afirma katak, Timor Leste tenke iha lei penal ba ema hotu ne’ebe iha partisipasaun ekonomiku ba tribunal atu bele simu kondenasaun no tenke fo fila Estadu nia osan.

Alkatiri argumenta katak, atu kontrola sasan hotu lao tuir nia regras no prosedimentus, maka auditoria importante. Se  la halo auditoria ukun ba oin ne’e hakarak ukun ho nakukun.

“Halo auditoria, ha’u lakoi ukun iha nakukun no ha’u tenke hatene  saida mak sala no los,” afirma Mari Alkatiri. mia/ety

Add to Comments Here!!!!

error: Content is protected.
Secured By miniOrange
You might also like:
GRANDE ENTREVISTA GMNTV Hamutuk ho Me. Guilhermina Marcal.Fdcc no Sra. Maria Barreto Komisaria direitu Labarik

JORNAL NACIONAL GMNTV Loron-12 Fulan-Fevereiru Tinan-2018

Entrevista GMN hamutuk ho Diretór SERVE

Close