JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Antoninho Gonçalves troka Marcelina lidera CFJJ

Antoninho Gonçalves troka Marcelina lidera CFJJ

Antoninho Gonçalves, Sesta-feira nee simu tomada de posse hodi troka Marcelina Tilman hodi sai Direktur Centru Formasaun Juridika no Judisiario (CFJJ) durante tinan tolu oin mai.

Nomeiasaun ne’e liu husi depaxu Ministra Justisa, Maria Angela Carascalão ho numeru 14 / GM-MJ/ 1 / 2018, no diploma ministerial numeru 43/2016 27 de julho.  Seremonia tomada de posse ne’e hala’o iha salaun Ministeriu Justisa, Colmera, Dili, nebe, asiste direitamente husi Prezidenti Tribunal Rekursu (TR), Deolindo dos Santos, Adjunta Prokurador Jeral da Republika, Zelia Trindade, Juis Administrador TDD, Duarte Tilman, Padre Francisco Barreto,reprezentante Komisaun Funsaun Publiku, sociedade civil no mos funsionarios Ministeriu Justisa.

Ministra Justisa, Maria Angela Carascalão, ba Jornalista hateten, nomeiasaun ne’e liu husi Conselho Jeral Ministeriu Justisa nian, katak se maka merese atu asumi kargu diretur CFJJ ne’e tenke mai husi Majistradu, professor no ka Defendor Publiku.

“Ami hili Dr. Antoninho katak, ami hatene kna’ar ida ne’e iha unamidade, no tenke husu Conselho Superior Majislatura Judisial fo autorizasaun, tanba nia hanesan mos Juis, no desizaun ne’e publika iha Jornal da Republika hodi nia simu posse,” hateten, Ministra Justisa, Maria Angela Carascalão.

Governante ne’e iha esperansa katak, Direktur emposadu iha esperiensia ne’ebe barak ona, tanba nudar Juis ida ne’ebe koalia ho exelencia, rigorozu, imparsial no hakarak forma ida diak ne’ebe hakarak sai mos majistradu, advogadu no Defensor Publiku.

“Hau hatene dezafius barak, maibe ladepende deit ba nia, depende mos ba Governu, orsamentu, no mos boa bontade, tenke servisu hamutuk, labele servisu mesak, no labele haluha Centru Formasaun ne’e,” dehan nia.

 Ministra Justisa salienta, dadaun ne’e formador Timoroan bai ha CFJJ seidauk iha, maioria formador husi Portugal.

Lee hotu :   Xanana: Justisa agora haree ba Lei la’os ema nia fiar

Iha fatin hanesan, Direktur emposadu CFJJ, Antoninho Gonçalves, hateten, maske kna’ar ne’e todan tebes, maibe nia pronto atu hala’o servisu tuir lei ne’ebe iha.

“Ne’e hanesan dezafiu foun ida, maibe tenke servisu, hodi bele alkansa ita nia esperansa, hau sei ba haree saida maka direktora tuan halo ona, no saida maka hau sei halo ba oin, kona ba hau nia funsaun hanesan Juis, hau tenke ba halo hotu tiha lai julgamentu sira ne’ebe iha maka hau dedika an tomak ba centru ne’e, tanba servisu iha centru ne’e barak, maibe agora ba oin hau servisu ona iha fatin ne’e,” dehan Direktur emposadu.

Entretantu, Antonino Gonçalves dadaun ne’e asume mos kargu hanesan juis  iha Tribunal Distrital Dili (TDD) no Pezidenti Asosiasaun Juis Timor – Leste. Mia

Add to Comments Here!!!!

error: Content is protected.
Secured By miniOrange
You might also like:
Restaurante 19 la ijiene, AIFAESA notifika hapara negósiu

Servisu kontinuasaun Autoriedade Inspesaun no Fiskalizasaun...

Taur: Ukun nain labele hanoin de’it tau osan ba bolsu

Prezidenti Partidu Libertasaun Popular (PLP), nu’udar...

HABURAS VIDA ESPIRITUAL Eps.13

Close