JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNE aprova ona kalendáriu ba kampaña, Parpol labele halo asaun solidariedade iha kompaña eleitoral

CNE aprova ona kalendáriu ba kampaña, Parpol labele halo asaun solidariedade iha kompaña eleitoral

Comissão Nasional ba Eleisoens (CNE) husu ba partidu politiku (PARPOL) hotu atu la bele halo asaun solidriedade durante kampña politika eleisaun antisipada, tanba kontra bandu ka kontra lei eleitoral.

Prezidente CNE, Alcino de Araújo Barris,   hateten, wainhira partidu politiku sira hakarak halo asaun solidariedade, hanesan fahe kalen, simenti, motor ka material seluk, despois de eleisaun antisipada. Katak la bele halo durante kampaña to’o eleisaun antisipada.

“Durante kamapaña eleitoral mak  Parpol hala’o asaun solidade,  CNE bele introdus ida ne’e kontra lei, tuir artigu 230  ida ne’e krimi ema tenke iha liberdade no kosisiensia tomak hili la bele halo atraisaun  ba militantes ho simpatizantes sira ho material,” hateten Prezidente CNE, Alcino de Araújo Barris ba jornalista iha nia kna’ar fatin Caicoli, Sesta-feira (6/4/2018).

Alcino Barris hateten, sidadaun sira hakarak futuru ida diak, laos hili tanba material ne’ebe partidu politiku sira fahe hanesan mototizada, kareta, osan  ka kaleng ho simenti.

CNE preokupa ho asaun solidaridade parpol  ba militantes ho simpatizantes sira tanba de pois remata kampaña eleitoral, fiar katak Parpol sira mos la kontinua ona asaun solidariedade ne’e.

“Trata ita nia sidadaun  tenke ho justu no tranparansia entre sidadaun  sira ne’ebe hili ema ne’ebe ukun ho lolos no responsabilidade.  Ne’e mak demokrasia ne’ebe ita nia pais ida ne’e bolu estadu direitu demokratiku,” afirma Alcino Barris.

CNE aprova ona kalendáriu ba kampaña

Comissão Nasional ba Eleisoens (CNE) aprova ona kalendáriu partidu polítiku (ParPol) ba kampaña Eleisaun Antesipada (EA), hafoin halo verifikasaun durante loron ida.

Prezidente CNE, Alcino Barris hateten, kalendáriu ne’ebé ParPol sira rekomenda, iha lubuk ida ne’ebé CNE konsege verifika, tanba data no fatin hanesan, liu-liu enseramentu kampaña nian ne’ebé partidu 4 hili fatin Tasi-tolu ho data ne’ebé hanesan.

Lee hotu :   GRANDE ENTREVISTA Hamutuk ho Dr. Sergio Hornai

Maske nune’e, CNE mós konsege aprova kedas regras no kalendáriu hirak ne’e, hafoin liu hosi diskusaun lubuk ida, tanba partidu polítiku balun lakohi retira husi ajenda rekomendasaun ne’e, no balun deside atu hili fatin seluk, maibe CNE uza meius dada rifa ba partidu FRETILIN no bloku koligasaun Aliansa Mudansa ba Progresu (AMP) ne’e kontinua mantein ho rekomendasaun, ikus mai iha solusaun bazeia ba sorteiu husi dada rifa ne’e rasik.

“Kampaña oras hahú iha tuku 08:00 dader to’o tuku 16:00 lorokraik tenke remata, tanba regras no prosediemtnu legais ami públika hotu ona. Tuir lei, bainhira ParPol sira nia data ne’e hili hamutuk iha fatin hanesan, sira tenke negosia, no sira negosia duni, maibe laiha rezultadu, tanba sira hotu hakarak mantein oras no fatin ne’e, rajaun tanba sira jere tiha ona tempu durante fulan ida, tanba ne’e lei mós dehan CNE tenke interven, ne’e duni CNE interven ho meius dada sorteiu, sira balu deside retira, no balun mantein,”haktuir Alcino Barris.

Tuir kalendáriu ne’ebé CNE aprova ona, iha loron 10 fulan Abril, nu’udar loron dahuluk, Partido Esperança da Patria (PEP) ne’ebé ho númeru sorteiu 1, la halo atividade, no Partidu Demokrátiku (PD) ho númeru sorteiu 2, sei hahú kampaña ho tipu aberta, iha pante makasar Rejiaun Administrativa Espesial Oe-cusse Ambeno (RAEOA).

Partidu Repúblikanu (PR) ne’ebé númeru sorteiu 3, sei abertura kampaña iha sede nasionál Vera-Cruz, no partidu FRETILIN, ne’ebé ho númeru sorteiu 4, sei abertura kampaña iha munisípiu Manatuto.

Inklui, bloku koligasaun Movimentu Sosial Demokrata (MSD)  ho númeru sorteiu 5, sei hahú ho tipu aberta, iha kampu futebol Likisa, koligasaun Movimentu Dezenvolvimentu Nasional (MDN) ne’ebé númeru sorteiu 6, sei hahú kampaña iha munisípiu Aileu, no Frenti Dezenvolvimentu Demokrátiku (FDD), sei abertura iha kampu merdeka Lospalos, no bloku koligasaun Aliansa Ba Mudansa no Progresu (AMP), sei abertura kampaña ho tipu komísiu iha kampu futebol munisípiu Ainaro.

Lee hotu :   Ko’alia sala, FRETILIN haksesuk ho CNRT ■ Arão Noe husu deskulpa

Aprovasaun ba kalendáriu kampaña ne’e, kompostu husi, regra lubuk ida, ba partidu polítiku sira ne’ebé presija kumpri iha prosesu kampaña to’o remata.

Kampaña eleitoral ne’e rasik sei hahú iha loron 10 fulan Abril to’o remata iha loron 09 fulan Maiu. Ety/Say

Add to Comments Here!!!!

error: Content is protected.
Secured By miniOrange
You might also like:
Tinan 15 hamutuk iha FRETILIN, Zeto konsidera la iha kaderizasaun ba foinsa’e

Delegadu partidu FRETILIN tinan 15, Zeto...

AMP sei implementa modelu kampaña oin 3

Deputadu bankada CNRT,  Arão Noe, informa,  dadauk ne’e,...

Governante balun hatama ona karta lisensa

Sekretariu Estadu Komunikasaun Sosial no Porta...

Close