JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu sei fasilita eleitor ba vota iha munisipiu

Governu sei fasilita eleitor ba vota iha munisipiu

Atu hasa’e taxa partisipasaun votantes iha Eleisaun Antesipada (EA), Governu liu hosi Ministeriu Administrasaun Estatal (MAE), sei fasilita eleitor sira ne’ebé sei ba vota iha ida-idak nia munisípiu, informa Ministru MAE, Valentim Ximenes, ba jornalista iha STAE Caicoli, Tersa (24/04/2018).     

Valentim Ximenes afirma, eleitor sira sei la vota arbiru iha fatin-fatin, tanba ne’e Governu sei fasilita eleitor sira atu bele ezerse nia direitu iha fatin resensiamentu eleitoral.

“Governu agora buka hela atu halibur kareta sira Estadu nian ne’ebé mak iha, ministeriu sira nian, atu bele tula ita-nia votante sira hodi ba vota iha sira-nia moris fatin,”dehan Valentim Ximenes.

Governante ne’e subliña tan, Governu sei la preokupa eleitor ne’ebé atu vota ba kualker partidu, interese ba Governu mak hasa’e taxa partisipasaun no ema hotu  bele ezerse nia direitu demokratiku ba vota iha loron 12 fulan Maiu, tinan ne’e.

“Ita tenke halo buat hotu ho posivel, para ema ne’e ba vota, ema ne’e atu ba vota se-se de’it, Governu la interese, importante mak ita fo fatin di’ak atu ema hotu bele asesu hodi iha desizaun di’ak ida ba estadu Timor-Leste,”katak Valentim.

Alende ne’e, Governante ne’e mós enkoraja partidu polítiku sira ne’ebé kompete iha eleisaun antesipada ne’e no autoridade lokal sira hotu iha Timor-Leste, atu apoia hasa’e taxa partisipasaun iha eleisaun, liuhosi edukasaun sívika, hodi atrai populasaun partisipa iha vota.

Eleisaun sei realiza iha loron 12 fulan Maiu tinan ne’e, no kompete husi partidu polítiku 4 (PEP, PD, PR no Fretilin) inklui koligasaun partidaria 4 (MSD, MDN, FDD no AMP).

Tuir baze dadus ne’ebé rejistadu ona iha STAE, total eleitor sira ne’ebé sei partisipa iha votasaun loron 12 fulan Maiu, tinan ne’e, hamutuk 787,761. Maibe husi total númeru ne’e, iha fiksu ona atu partisipa vota mak 784,286, tanba STAE identifika iha 3 mil ital kompostu husi Timor oan iha Rai laran no Estranjeiru mak seidauk atinji tinan 17 iha loron 12 fulan Maiu tinan ne’e.Say

Lee hotu :   Opozisaun konsidera, VII Governu reajusta programa Governu anterior

Add to Comments Here!!!!

error: Content is protected.
Secured By miniOrange
You might also like:
Antisipa mosu manipulasaun iha EA, Kada sentru votasaun sei monta Vi-sat

Atu antisipa mosu manipulasaun iha Eleisaun...

Mari Alkatiri: Labele taka GAM iha nasaun demokrátiku

Primeiru Ministru (PM), Mari Alkatiri, hatete,...

Komunidade Aldeia Fatuk Laran halerik eletrisidade

Komunidade Aldeia Fatuk Laran Suku Balibo...

Close