JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PD promete dezenvolve industria masin Manatuto • Promove sentru Marmore

PD promete dezenvolve  industria masin Manatuto •	Promove sentru Marmore

Partidu Demokratiku (PD) promete ba Manatuto oan sira, karik mak hetan fiar husi povu ukun rai ida ne’e iha eleisaun antisipada, 12 Maiu 2018, maka sei dezenvolve industria masin iha Manatuto.

Dadus ne’ebe PD hetan husi PT. Garam Indonesia, klatak, tinan-tinan, Timor Leste bele produs 6.000 toneladas no husi Manatuto rasik bele produs  masin to’o   3.000 toneladas.

Vise Prezidente PD, Mateus Cabral, nudar mos Manatuto oan, lori PD nia naran halo kompromisiu ba povu atu dezenvolve industria masin Manatuto nian wainhira PD hetan fiar ba ukun VIII Governu Konstitusional.

Liu husi kampaña aberta iha Manatuto Vila, Sesta (27/4/2018), Mateus Cabral, hateten katak, rai Manatuto iha potensia barak mak bele promove atu kontribui ba sustentabilidade ekonomika uma kain sira nian iha Manatuto. Exemplu mak potensialidade kultural, historia religioju ho mos masin.

“Ita sei loke terminal tranzitu iha municipiu manatutu sei loke kios prepara hahan fatin komersial ne’e ema ba kuda osan iha rai Manatuto,”  afirma Mateus Cabral.

Biban ne’e, prezidenti PD, Mariano Assanami Sabino, promete sei dezemvolve mármore tanba  Manatuto  sai sentru ba industria mármore. Tanba marmore Manatuto nian iha kualidade no atraitivu ho nia kores oin 4, kompostu husi kor azul, mean, mutin no kinur.

Marmore Timor nian, tuir Assanami Sabino, atrai tebes industria marmore internasional tanba nia kualidade origim, ho nune’e, dalan ne’ebe bele promove mak PD sei lori ba partisipa iha feira masrmore nian iternasionalmente.

Membro Organizasaun Mulher Demokratiku (OMD), Hendriqueta da Silva husu ba jovem sira atu hamutuk, se Manatuto oan sei la hamutuk se la iha unidu, atu bele goja Manatuto nia potensialidade hanesan marmore ho masin no seluk-seluk tan.

Lee hotu :   TR rezeita rekursu KOTA ho ASDT

Nia dehan, atu dezemvolve rai Manatuto tenke metin iha PD atu bele fo portunudade ba PD ukun hodi haree povu no dezenvolve rai ne’e husi baze.

Kapasita juventude

Iha Sabadu (28/4/2018), Partidu Demokratiku (PD) ne’ebe lidera husi Mariano Assanami Sabino ho Antonio da Conçeição “Kalohan” halo mos kampaña aberta iha Munisipiu Liquiça.

Liu husi kampaña ne’e, lideransa sira PD nian promote Liquica oan sira  atu  fo atensaun masimu ba juventude, tanba juventude mak futuru ba Nasaun Timor Leste (TL).

“Partidu Demokratiku jerasaun kontinuador nakonu ho juventude sira ohin ita hamutuk atu liberta povu husi kiak no mukit no injustisa PD hatene juventude barak agora hakarak dezemvolve kapasita nia a’an la iha rekursu finanseiru,” afirma Prezidente Juventude Demokratiku, Nivio Leite Magalhães iha kampaña PD nian iha LIquiça.

Prezidente juventude Demokratiku Nivio Leite Magalhães promete ba povu, katak wainhira povu fo  konfiansa ba PD   kaer ukun, sei estabelese fundu nasional apoiu  juventude liu husi asosisasaun joventude sira ne’ebe tenke estabelese iha munisipiu hotu-hotu.

Nia dehan, PD sei prepara didiak juventude halibur juventude tuir formasaun iha sentru Tibar sei halibur Liquisa  oan sira atu prepara didiak bele kontribui dezemvolvementu Nasional hadia sentru juventude, hari sentru multi funsaun iha fatin ida idak fo espasu no  juventude  aprende lingua, teknolojia arte kultura desportu no eduksaun sivika  aprende iha area agrikultura  pekuaria mekanika.

Nivio hatutan, atu responde merkadu tenke prepara juventude tuir formasaun renponde ba merkadu servisu dez empregu no  sei imlementa estratejia nasional emprego hare ba pilar tolu hasa’e  prokura ,oferta , haforsa instituisaun merkadu servisu

Lee hotu :   STAE hahu ajusta planu operasional ba Eleisaun Antesipada

“Ita koalia kona-ba futuru nasaun ita presiza futuru nasaun ne’ebe iha kualidade tanba ne’e PD sei fo atensaun maximu ba formasaun professional iha Tibar ne’ebe gradua ona formandu 3763,” hateten Nivio Magalhães.

PD sei koninua servisu hamutuk ho autoridade lokal sira atu halo selesaun ba parlamentu foin sa’e tanba programa ne’e sei halibur juventude sira husi Municipiu to’o Postu Administrativu aprende oinsa atu matan tilun no ibun ba inan aman.

Kampaña PD nian iha Manatuto ho LIquiça la’o ho hakmatek no trankuilidade tanba hetan mos apoiu seguransa husi PNTL ho mos hetan observasaun direita husi Comissão Nacional ba Eleisoens (CNE). ety

Add to Comments Here!!!!

error: Content is protected.
Secured By miniOrange
You might also like:
Taur: Ha’u ho Xanana sei moris laiha ida ukun Timor

Portavos Aliansa Mudansa ba Progresu (AMP)...

Relatorio JSMP sai referensia ba setor justisa

Relatorio ne’ebe lansa husi Judisial Sistem...

Universidade 3 hasoru malu iha Belu, Koalia koalia jestaun hydrolozika no seguransa alimentar

Dosente no estudante Universidade Nacional Timor...

Close