JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lider ParPol tenki respeita desizaun povu

Lider ParPol tenki respeita desizaun povu

Diretor Ezekutivu Organização Não Governamental (ONG), Asia Justice And Rights (AJAR), José Luis de Oliveira, husu ba lideransa Partidu Polítiku (ParPol) hirak ne’ebé maka kompete iha Eleisaun Antesipada (EA), atu respeita desizaun povu nian, tanba wainhira ParPol ida lakon ho adversariu ParPol ida, signifika povu la tau konfiansa ba ParPol refere.

“Lider la’os mai atu komanda de’it, lider tenki halo jestaun, maibé situasaun demokrasia lider sira maka tenki obedese, tenki respeita povu nia aspirasaun,” Diretor Ezekutivu AJAR ba jornalista sira iha nia knaar fatin, Farol, Díli, Sesta (04-05-2018), hodi responde informasaun ne’ebé ParPol balun hato’o iha tempu kampaña ba EA katak, wainhira sira-nia ParPol lakon ho adversariu ida, sira sei buka meius para akontese EA ba dala rua.

Nia esplika, sé ida ne’e tebes duni, ne’e sinal át ba demokrasia, tanba loloos ne’e lider ParPol sira tenki respeita povu nia aspirasaun.

“Demokrasia ne’e tuir konstituisaun dehan hatuur iha nia liman, iha konstituisaun hakerek katak soberania rejidi iha povu, bahasa karik dehan kedaulatan ne’e berada di tangan rakyat, ne’ebé ita tenki respeita povu nia vontade, labele fali povu la fó konfiansa, depois o obriga de’it,”realsa José Oliveira.

Nia akresenta, ida ne’e hatudu momoos hakarak halo ditadura iha nasaun Timor-Leste, maibé sistema ditadura ne’e kontra  vontade povu no kontra demokrasia.

“Sé povu la votu maioria ba partidu ruma, ita tenki respeita, ita moris iha diversidade, tanba demokrasia respeita diversidade, respeita difente hanoin,” hateten Diretor Ezekutivu AJAR ne’e.

Nia aprofunda liu tan, agora lider sira maka tenki iha kbiit atu halo jestaun ba diferensia aspirasaun no opiniaun ne’ebé iha hodi lori nasaun ne’e ba oin.

Lee hotu :   Governu prosesa ona osan sosa asaun ConocoPhillips-Shell

Entretantu antes ne’e mós Xefi Estadu Maior FALINTIL-Forsa Defeza Timor-Leste (F-FDTL), Major Jeneral Lere Anan Timur no Komandante Jeral Polisia Nasional Timor-Leste (PNTL), Komisariu Julio Hornay deklara katak, instituisaun seguransa rua refere sei fó segurasan máximu, hodi asegura situasaun iha tempu kampaña EA no fó sai rezultadu EA. Institusaun rua refere mós sei mantein pozisaun neutru no imparsial, sei la hali’is ba kualker ParPol ida.

Tuir konsituisaun República Democrática de Timor-Leste (RDTL) artigu 146, kona-bá Forsa Armada sira, katak F-FDTL labele iha partidu polítiku no rona de’it ba órgaun soberanu kompetente sira, tuir lei inan no lei, no sira labele halo intervensaun polítiku naran ida. Kona-bá knaar Polísia no forsa seguransa ninian, konstituisaun RDTL artigu 147 hateten Polísia sei defende legalidade demokrátiku no garante sidadaun sira-nia seguransa internu, maibé sira labele iha partidu polítiku. ves

Add to Comments Here!!!!

error: Content is protected.
Secured By miniOrange
You might also like:
TDD aplika prizaun preventiva ba autor rama ambon nain 3

Tribunal Distrital Dili (TDD) aplika medida...

Governu prolonga tempu ba Jogus hotu-hotu

VII Governu Konstitusional neébe lidera husi...

Taur-Xanana konsidera, Alkatiri ‘la mampu’ ukun Timor Leste

Porta Voz Aliansa Mudansa ba Progresu...

Close