JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN tristi VIII Governu seidauk ezisti, Xanana Gusmão: Depois de tomada de posse AMP indizita PM

FRETILIN tristi VIII Governu seidauk ezisti, Xanana Gusmão: Depois de tomada de posse AMP indizita PM

Prezidente Aliansa Maioria ba Progresu (AMP)  Kay Rala Xanana Gusmão hateten katak, hafoin tomada de posse deputadu V lejislatura maka indizita Primeiro Minsitro (PM) ba VIII Governu konstitusional.

Prezidente AMP ne’e akresenta, depois de toma pose maka sei iha definisaun klaru kona-bá atividade PN V lejislatura ninian, husi ne’e maka AMP sei indizita naran ba Primeiru Ministru (PM) mai PR no sei iha konsulta ho PR, husi ne’e maka sei koalia kona-bá estrutura Governu no loron tomada de posse.

“Ami koalia kona-bá bainhira maka PN V lejislatura tomada pose, tanba tuir konstituisaun, depois de públikasaun rezultadu EA 15 dias ate 15 dias no máximo parlamentu tomada de posse. Depois de ida ne’e bainhira maka Governu toma pose, ne’e maka ami hotu hein hela, portantu PR no ami rasik hein hela, tanba kuandu koalia AMP, deputadu sira mós sei ba tuur iha ne’ebá, mas iha kalendariu polítiku temi katak depois de pose PN para nova lejislatura ne’e, tanba Governu mai husi ne’ebá, katak sei iha maioria sempre Governu, sé mai husi partidu balun de’it mós Governu mai husi PN,” haktuir Xanana Gusmão, ba jornalista sira hafoin hamutuk ho estrutura hasoru malu ho Prezidente Repúblika (PR) Francisco Guterres Lú Olo, iha Palasiu Prezidensial Nicolau Lobato, Segunda-feira (04/06/2018).

FRETILIN tristi VIII Governu seidauk ezisti

Maske nune’e Sekretariu Jeral Partidu FRETILIN, nu’udar mos, Primeiru Ministru (PM), Mari Alkatiri, informa, nia senti tristi, tanba to’o agora VIII Governu konstitusional seidauk ezisti, hodi hala’o prosesu dezenvolvimentu.

“Ha’u tristi tebes tanba VIII Governu nunka mais mai, ha’u nia deklarasaun maka ida ne’e de’it, tanba ha’u la gosta servisu ida hein ba hein ne’e, ha’u la gosta hein, entaun sira mai la-lais ona para ha’u bele kontenti uitoan,” afirma Mari Alakatiri.

Lee hotu :   ONU rekoñese kapasidade Xanana Gusmão rezolve pos-konflitu

Tuir Mari Alkatiri, sé VIII Governu ezisti tarde, bele fó impaktu ba ekonómia, polítika no povu nia vida rasik.

“Ha’u fó korazen ba sira para mai la-lais ona, ha’u hakarak sira mai ona. Uluk ha’u kuandu demora forma Governu, sira dehan ha’u inkapasidade no buat sira ne’e hotu, entaun ha’u hakarak sira la’o la-lais uitoan, tanba sira iha kapasidade,” enkoraza Sekretariu Jeral FRETILIN ba partidu koligasaun Aliansa Mudansa ba Progresu (AMP).

Entretantu iha loron segunda horseik Prezidente Republika halo enkontru ho partidu polítiku no koligasaun partidaria lima (5) ne’ebé hetan asentu iha PN sira ne’e ho intensaun atu halo konsulta hodi rona sira-nia opiniaun kona-bá formasaun VIII Governu konstitusional.ves

 

Add to Comments Here!!!!

error: Content is protected.
Secured By miniOrange
You might also like:
Ema naok sasan loja sineza iha Elemloi

Ema deskoñesidu na’ok sasan iha Loja...

MCIA asegura seguransa aihan ba populasaun

Ministeriu Comersiu Industria no Ambiente (MCIA)...

Isabel Ferreira: Membru VIII Governu tenki moos husi kazu

Fundadora Casa Sidadania, Isabel Ferreira hateten,...

Close