JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN DESIDE ONA MEMBRU KEP

PN DESIDE ONA MEMBRU KEP

FOTO:GOOGLE

Parlamentu Nasionál (PN) liu hosi plenaria Tersa (26/06/2018), deside ona deputadu ne’ebé sai membru ba Komisaun Espesializada no Permanente (KEP) hodi fiskaliza servisu VIII Governu, durante mandatu V lejislatura tinan 2018-2023.

Iha sesaun plenaria ne’e, deputada husi bankada FRETILIN, Angelica Rangel, kontinua kestiona polítika AMP no FDD ne’ebé deside hamri’ik bankada ketak, no konsidera laiha baze ruma ba AMP atu propoin deputadu sira tuir proporsionalidade bankada ketak ba komisaun permanente, inklui FDD.

“Proporsionalidade ne’e ba partidu FRETILIN ho PD ha’u konkorda, tanba eleitores ne’e mak hili ami tuir númeru, maibe CNRT, PLP no khunto ne’e hira tau proporsional ne’e, ko’alia proporsionalidade ne’e lójika númeru ne’e hira, antes ba eleisaun ne’e AMP iha kadeira 35 ne’ebé maioria, ami mak minoria, depois iha AMP lakon tiha kadeira ida, agora kadeira ne’e imi si’ik tun sa’e de’it, depois CNRT mak menus tiha kadeira ida, ne’ebé antes 22, ne’e imi foti husi ne’ebé mak CNRT menus tiha ida, PLP no KHUNTO menus, lójika matemátika fahe proporsionalidade ne’e mak la konvense ha’u hodi vota kontra ne’e, tanba ne’e hau kontra nafatin naran ida CNRT, PLP no KHUNTO,”dehan Angelica Rangel.

Iha biban hanesan, deputadu UDT, Gilman Exposto, hateten, FDD livre atu avansa ho ida-idak nia reprezentante, tanba naran ne’ebé antes eleisaun aprezenta ba Tribunal mai kedas ho ida-idak nia reprezentante husi partidu ne’ebé inklina iha koligasaun, maske ba eleisaun ne’e ho FDD.

 “Se ami hetan ona kadeira tolu, com serteza kadeira tolu ne’e iha reprezentante husi partidu UDT, PUDD Frente Mudansa, tanba sa mak sempre kestiona ami nia votus ne’e hira, iha lista ne’e hakerek momós hela naran ida ne’e husi parte ida ne’e, maske iha lista koligasaun nian,”katak Gilman.

Lee hotu :   OJE 2020 ameasadu la pasa iha PN

Hatan ba asuntu ne’e, deputada bankada CNRT, Carmelita Moniz, dehan, akordu entre partidu tolu iha koligasaun AMP, iha nanis ona antes eleisaun antesipada parlamentar, no hetan aprova husi Tribunal, tanba ne’e nia parte sujere ba deputadu hirak ne’ebé sente lamentavel, atu hato’o ba Tribunal nu’udar orgaun jurisdisaun hodi hatene nia legalidade.

“Bankada parlamentar kabe ba partidu sira polítikus ne’ebé iha asentu parlamentar atu deside, hodi forma nia bankada ka ba hamutuk, la’os rejimentu aritgu 11 mak ita fila ba  mai mak ne’e hela de’it, koligasaun pre-eleitoral, sempre iha akordu koligasoens pre-eleitoral, ne’ebé hateten momoos hela katak, kuandu eleisaun hotu, AMP sei fahe bankada ketak-ketak, kuandu akordu ne’e halo ami mós lori ba iha Tribunal no CNE, ho kooperasaun CNE no Tribunal Rekursu, sira fo legalidade ba akordu AMP nian, tanba sira haree katak lakontra prinsipiu demokrátiku ou kualker prinsipiu ne’ebé konsagra iha konstituisaun repúblika, agora ami forma ami-nia bankada ketak-ketak, mai fali ita bo’ot sira (opozisaun) mak tau kestaun, ne’e direitu ami ida-idak nian, nu’udar ami -nia partidu, ami hakarak separa ka la separa ne’e ami-nia direitu ne’ebé Tribunal no CNE de’it la kestiona, se kestiona nafatin, ita hotu konkorda lori ba Tribunal, husik ba Tribunal mak deside, atu fahe kadeira CNRT, PLP No Khunto hira-hira ne’e klaru iha ami nia akordu, no oinsa mak ami fahe ami kadeira iha parlamentu ne’e, ita bo’ot (opozisaun) sir abele lee detallu ami nia akordu ne’ebé mak iha ona antes eleisaun,”esplika Carmelita.

Enkuantu, membru ba komisaun permanente hamutuk 31 inklui inklui Prezidente Parlamentu Nasionál no nia Vise nain rua. No membru hirak ne’e, husi bankada Fretilin, deputandu 11, CNRT 10, PLP 4, PD 2, KHUNTO 2 PUDD 1 no UDT/Frente-Mudansa 1.

Lee hotu :   Xanana halo deklarasaun iha rai liur, PM Alkatiri: “Ha’u lakohi responde”

Estabelesimentu Komisaun Permanente ne’e passa ho votus afavor 40, kontra 13 no abstensaun 5.

Enkuantu, V lejislatura mantein ho númeru komisaun espesializada ne’ebé estabelese ona iha IV lejislatura hamutuk 7 husi A to’o G, Maibe sei halo mudansa ba area temátika balun iha komisaun hirak ne’e nia laran.

Komisaun espesializada ne’e passa ho votus a favor 44, kontra 11 no abstensaun 7.Say

Add to Comments Here!!!!

error: Content is protected.
Secured By miniOrange
You might also like:
ESTASAUN MISIONARIO PASSABE SAI PAROKIA

Bispu Dioseze Dili Dom Virgílio do...

GOVERU FOUN TENKI FO IMPORTANSIA BA LEI BIODIVERSIDADE

Vise Ministru Dezenvolvimentu Abitasaun Ordenamentu no...

LERE AKOMPAÑA PR BA INDONESIA

Xefi Estadu Maior FALINTIL-Forsa Defeza Timor-Leste...

Close