JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

DADA KADORAS MAI TL LA TAU IHA PROGRAMA, PM TAUR REKOÑESE SEIDAUK SERTEZA

DADA KADORAS MAI TL LA TAU IHA PROGRAMA, PM TAUR REKOÑESE SEIDAUK SERTEZA

Debate programa VIII Governu ba loron primeiru iha Parlamentu Nasional, Primeiru Ministru (PM), Taur Matan Ruak, rekoñese dada kadoras mai Timor Leste (TL) seidauk serteza.

“Sunrise se la mai iha ha’u nia tempu, Governu tuir mai sei mai, tanba ida ne’e ita nia oan sira nia futuru. Ha’u fiar katak, laiha buat ida mak imposivel iha mundu, tanba buat ida ita lori mate mak sosa ita bele, tanba saida mak ida ne’e labele,”relata Taur Matan Ruak iha plenária PN, Kuarta (25/05).

Iha nia intervensaun hodi hatan ba preokupasaun deputadu sira nian, Taur Matan Ruak, hateten, programa hotu define saida mak  harakarak hetan ba tinan lima.

“Programa ne’e la’os lista kompras, maibé lista komparasoens, iha tempu orsamentu ami sei mai fali atu husu osan kona ba saida mak ami atu halo nia baze mak programa ne’e. Ita tenki halo buat ne’ebe povu presiza, ita bele halo buat ne’ebé osan iha para ita halo, hakarak halo buat ne’ebé ita nia hakarak,”dehan PM Taur.

Nia haktuir, Governu ida ne’e hakarak halo tuir programa ne’ebé iha, maibé atu hala’o programa ne’e,  Governu sei ba fali Parlamentu Nasional  hodi aprezenta orsamentu Jeral Estadu tuir programa ne’ebé iha, para bele halo.

“Detuadu sira balun hateten katak, programa ne’e barak liu, no dalaruma Governu labele atinji, prosesu hotu hanesan ne’e, la’os tanba hakarak, tanba ne’e ita tenki hetan kedas, maibé tuir tempu,” afirma Taur Matan Ruak.

Nia afirma, Governu bele troka malu, maibé atividades ne’e permanese hodi halo dezenvolvimentu ba povu no nasaun.

PM Taur Matan Ruak esklarese informasaun hirak ne’e hodi responde preokupasaun husi Bankada PUDD iha Parlamentu Nasional, ne’ebé kestiona promesa koligasaun AMP ne’ebé hato’o ba povu iha tempu kampaña katak, bainhira AMP manan, sei dada kadoras mai Timor Leste.

Lee hotu :   Garante paz iha EA, ParPol-CNE asina PUN

Xefi bankada PUDD, António de Sá Benevides hateten, nia la haree promesa lideransa AMP sira nian atu dada kadoras mai Timor Leste iha programa VIII Governu nian.

“Iha ita bo’ot sira nia kampaña, ita bo’ot sira mós ko’alia kona ba kadoras mai to’o povu nia fatin, maibé ha’u loke dokumentus ne’e, no iha ita bo’ot nia esplikasaun mós, ha’u la haree. Ida ne’e simplesmente kampaña polítika ka, ita bo’ot sira hanoin atu sai programa ida,” katak António

Xefi bankada PUDD, António de Sá Benevides hateten, nia tenta atu kompriende lolos programa VIII Governu nian ne’e, tanba programa ne’e hanesan relatóriu ida.

“Kuandu relatóriu, ita hetan dadus, no iha mós teoria. Tanba ne’e, ha’u rekuñese hanesan akademik paper ida karik, iha mós programa tanba iha espetativa,” katak António António de Sá Benevides iha nia intervensaun ba debate programa VIII Governu, iha plenária PN, Kuarta (25/07).

Tanba ne’e, Xefi bankada PUDD ne’e espera katak, iha diskuasaun Governu ho Parlamentu Nasional durante loron lima nia laran ne’e, nia bele hetan informasaun ne’ebé klaru kona ba programa ne’e.

“Ha’u kontenti rona wainhira ita bo’ot Primeiru Ministru temi kona ba poupansa, super fools, maibé kuandu haree ba realidade, postura Governu ne’ebé ita bo’ot rasik lidera, serake ida ne’e refleta ba iha poupansa?,” António kestiona.

Nia afirma, ho VIII Governu ne’ebé tuir PUDD nia haree katak, membru Governu barak liu, maibé husi esplikasaun Primeiru Ministru nian katak, sei halo poupansa.

“Iha programa no ita bo’ot sira nia planu, iha ka la’e atu halo diálogu diak ho Indonesia atu haree kona ba ita nia maluk sira ne’ebé mak mate iha tempu rezistensia, sira nia ruin ne’e iha ne’ebé los, tanba ita ukun aan tinan hira ona, esforsu maka’as ne’ebé ita halo durante ne’e, seidauk konsege. Ha’u-nia preokupasaun mak ne’e, dalaruma ita preokupa liu ho Governu, se mak atu ukun no se mak atu lidera, ita haluha tiha atu tau hanoin ba ita nia matebian sira ne’ebé mate no sira nia ruin ita lahatene, entaun ita bele husu tuir Indonesia karik sira hatene ida ne’e,”katak António.cos

Add to Comments Here!!!!

error: Content is protected.
Secured By miniOrange
You might also like:
PROGRAMA VIII GOVERNU HANESAN LISTA KOMPRAS, FRETILIN APREZENTA MOSAUN REJEISAUN

Oitavo Governu konstitusionál ne’ebé lidera husi...

(Tetum) Família informa ba PR, Planu rekolla ruin saudozu Camacho

Família husi saudozu Jaime Camacho, hasoru...

PD SEI APOIA PROGRAMA VIII GOVERNU ■ ASANAMI: LÍDERANSA TENKE DIÁLOGU

Bankada Partidu Demokrátiku (PD) iha Parlamentu...

Close