JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MOSU KRIZE FINANSEIRU, AMP-FRETILIN KONTINUA DÚN MALU ■PD-PUDD SUJERE DÍALOGU

MOSU KRIZE FINANSEIRU, AMP-FRETILIN KONTINUA DÚN MALU ■PD-PUDD SUJERE DÍALOGU

Iha sesaun plenária Segunda no Tersa (17/08/2018) ne’e, bankada CNRT, PLP no KHUNTO ne’ebé inklina iha koligasaun Aliansa Mudansa ba Progresu (AMP) ho bankada opozisaun FRETILIN kontinua dún malu no tau kulpa ba malu bainhira mosu krize finanseiru iha Timor-Leste.

Relasiona ho aktu husi parte rua ne’e, deputadu bankada PUDD António de Sá Benevides, hatete, nu’udar bankada foun iha Parlamentu sujere ba parte rua atu promove díalogu hodi rezolve situasaun atual, atu nune’e labele afeta ba povu nia moris.

“Promove liafuan ida díalogu ho konsensu ne’e, tanba hau observa buat ne’e, ita bo’ot sira nia disionariu ne’e iha ida, mai mak raut malu buka sala ba malu no odíu vingansa ne’e maka’as loos, ita ko’alia konaba povu nia, maibe ita rasik la beres ne’e problema oituan, ita bo’ot sira dun malu dehan osan foti arbiru de’it ba, osan selu arbiru de’it hodi selu buat arbiru de’it, ita bo’ot sira mós simu osan arbiru hotu, tanba osan ida dehan foti arbiru ne’e, ita bo’ot sira iha IV legislatura mós simu arbiru hotu de’it, tanba ita bo’ot sira simu de’it osan lahalo buat ida,”sujere Xefi bankada PUDD.

Deputadu PUDD ne’e prefere, deputadu hotu iha PN diskute ona programa no Orsamentu Jeral Estadu(OJE) ba interesse povu nian, duke interesse partidária polítiku sira nian.

“Ha’u louva la halimar kuandu ema hotu husu programa Governu lori ona mai, ne’e furak, tanba povu mak lori ona mai, ha’u kontente liu tan bainhira PD dehan sira sei aprova, ne’e signifika katak konsensu ne’e la’o neneik ona mak ne’e, louva mós Fretilin nia deklarasaun ida mai ho edukativu, konstrutivu fó hanoin, mezmu Governu konsidera ou la konsidera tanba fó hanoin ne’e mós buat di’ak ida, espera katak programa mai, Fretilin mós sei fó apoiu hotu, tanba povu hein hela buat ida ne’e, ne’e para buat hotu la’o di’ak, makse diskusaun la’o nafatin laiha buat ida, maibe povu hein hela ita-nia servisu hamutuk, rezultadu eleisaun ne’ebé povu fó ne’e klaru katak ita bo’ot sira tenke servisu hamutuk,”hateten António de Sá Benevides.

Lee hotu :   Ramos Horta husu ministru-deputadu hamenus viajen estranjeiru

Iha biban hanesan, deputadu bankada PD, Adriano do Nascimento, nu’udar eis membru VII Governu sujere ba AMP, bainhira detekta gonernasaun dahitu mak viola lei ruma hodi afeta ba krize finanseiru, bele lori ba Tribunal, nune’e VIII Governu labele halo sala tan.

“Imi mós loos, ami mós la sala, sala ne’e ita-nia interesse polítika hodi interpreta lei ne’e, se arbiru la tuir lei, Tribunal iha. Maibe tanba de’it ita-nia interesse kee malu no hatuun malu, ita mesak polítiku, diak liu mak ne’e, ha’u sujere se bele lori programa no osamentu ne’e mai ona ba para preokupasaun povu nian ne’e para ona, lalika kee ba kotuk, di’ak liu imi aprezenta ba para ita diskute, duke dun malu, ita ko’alia bebeik ba uluk aban saída mak imi atu halo? ami ezije ida ne’e, kontrator sira laiha serteza, bainhira mak imi atu responde, se bele ita lalika kee fali buat sira kotuk ne’e, di’ak liu buat hirak ne’ebé iha ita-nia oin, servisu laiha, inserteza ba kontratu, bisnis sira taka, formasaun governu seidauk kompletu, di’ak liu diskute ida ne’e, para fó serteza ba moris povu nian,”hateten eis ministru prezidensia konsellu ministru iha VII Governu ne’e.

Hatan ba sujestaun ne’e, Ministru reforma lejislativa no asuntu Parlamentar, Fidelis Leite Magalhães, promete, VIII Governu sei aprezenta programa Governu ba Parlamentu Nasionál iha semana ne’e, antes tama loron 30 hafoin tomada de posse.

Entretantu, deputada bankada Frente Revolucionario do Timor-Leste Independente  (FRETILIN), Maria Angelica Rangel, deklara, impase polítika ne’ebé durante ne’e akontese, kulpa mai husi koligasaun Aliansa Mudansa ba Progresu (AMP), tanba iha governasaun VII Governu AMP la aprova Orsamentu Retifikativu (OR).

Lee hotu :   CNRT-KHUNTO sujere PR entrega ba AMP forma Governu •Assanami: ‘La konsege rezolve, diak liu EA’

“Congresso Nacional de Reconstrução Timorense (CNRT), Partidu Libertasaun Popular (PLP) no Kmanek Haburas Unidade Nasional Timor Oan (KHUNTO), iha tempu kotuk la aprova OR ne’ebé atu asegura funsionamentu makina Estadu no atu selu mós kompromisiu balun ne’ebé Governu CNRT husik hela iha ukun tinan 10 nia laran. Hahalok ida ne’e maka provoka krizi to’o ohin loron no VIII Governu maka tenki asumi todan ne’e,” deputada bankada FRETILIN ne’e liu husi ninia deklarasaun polítika ne’ebé nia hato’o iha plenaria, Tersa (17-07-2018).

Nia esplika, orsamentu duodesimu ne’e referensia ida hodi foti osan, maibé kuandu lei orsamentu 2018 mai tenki reduz ona osan ne’ebé Governu uza ona ba duodesimu.

“Bankada FRETILIN hein katak VIII Governu bele ona hatama programa mai PN tuir konstituisaun haruka, tanba povu tomak hein no tetu hela sira-nia reprezentante ne’ebé sira hili hodi reprezenta sira iha eleisaun liu ba, hodi bele deskuti programa ne’ebé sai kompromisiu eleitoral ba povu tomak,” relata Maria Rangel.

Nia sujere katak, bankada FRETILIN sujere ba VIII Governu konstituisional atu lori ona porgrama no orsamentu jeral 2018 mai PN hodi hakotu orsamentu duodesimu no iha oin mai tenki lori mós orsamentu geral 2019 hodi bele asegura funsionamentu Estadu hanesan povu tomak preokupa.

Husi sorin seluk, Vise Xefi bankada CNRT, Patrocinio dos Reis informa, AMP labele atribui de’it, dehan kulpa impase polítika fulan hira nia laran ne’e husi CNRT, PLP no KHUNTO, tanba hotu-hotu tenki hanoin no halo refrelasaun, la’os kulpa CNRT, PLP no KHUNTO ninian, maibé karik kulpa ne’e mai husi prosesu polítika.

“Ita mós konkorda katak fatin ne’e maka fatin atu halo konsertasaun polítika, maibé konsertasaun ida ne’e la’os ho ninia sentidu katak husi sorin atu impoin no halo tuir buat ne’ebé maka sorin hakarak, embora husi parte sorin nia pontu de vista la serve para halo tuir,” haktuir Patrocinio dos Reis.

Lee hotu :   Governu entrega programa ba PN, Prioridade hadia povu nia moris

Entretantu tuir Ministru Reforma Lejislativa no Asuntu Parlamentar, Fidelis Magalhães haktuir, iha loron ida ou rua nia laran, iha semana ida ne’e, Governu sei lori programa mai PN hodi halo diskusaun.

Ho polémika kona-bá lista kandidatu membru VIII Governu balun ne’ebé seidauk simu pose, foin la-lais ne’e Primeiru Ministru, Taur Matan Ruak, kontinua halo diálogu ho Prezidente Repúblika, Francisco Guterres ‘Lú Olo’ hodi buka solusaun.Say/ves

Add to Comments Here!!!!

error: Content is protected.
Secured By miniOrange
You might also like:
MISSA DOMINGO Loron-15 Fulan-Jullu Tinan-2018

FUTEBOL SUB-16 PARTISIPA TAÇA CPLP DA-XI IHA SÃO TOME PRINCIPE

Ekipa futeból Timor-Leste Selesaun Nasional sub-16...

TAÇA CPL 2018, TL PARTISIPA HO MODALIDADE DESPORTIVA TOLU

Timor-Leste sei partisipa Taça Desportivas Comunidade...

Close