JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

OHIN, GOVERNU HARUKA PROGRAMA BA PN, PR LÚ OLO HAKARAK HARE OPSAUN BA LISTA MEMBRU GOVERNU

OHIN, GOVERNU HARUKA PROGRAMA BA PN, PR LÚ OLO HAKARAK HARE OPSAUN BA LISTA MEMBRU GOVERNU

Primeiru Ministru (PM), Taur  Matan Ruak, informa, ohin Sesta (20/7/18), Governu konstitusional daualu sei haruka programa Governu ba Parlamentu Nasional (PN), no Prezidente Repúblika (PR), Francisco Guterres ‘Lú Olo’, husu atu aprezenta fila-fali proposta no opsaun ba lista kandidatu membru Governu daualu ne’ebé seidauk simu posse.

“Aban (ohin lorokraik-red ) ami husu Konsellu Ministru sei haree halo desizaun  ikus. Ami-nia hakarak aban (ohin lorokraik-red)  tenki haruka ba Parlamentu Nasional, tamba loron  prazu aprezenta programa ne’e iha loron 22 fulan jullu, tinan ne’e, ami hakrak haruka antes. Ha’u lori mensajen Prezidente Repúblika nian ida ne’e, husi Aliansa Mudansa ba Progresu (AMP) para ami haree fila-fali proposta no opsoens ba Prezidente Repúblika, tamba ne’e ita hein saida mak akontese, tamba hanesan ita bo’ot sira hatene última desizaun no última palavra ne’e sempre husi ita-nia Prezidenti Repúblika,”dehan PM Taur ba Jornalista sira hafoin remata enkontru  ho Prezidente Repúblika, Fransisco Guterres ‘Lu-Olo’ Kinta (19/07/2018), iha Palasiu Prezidensial Nicolau Lobato-Bairo Pite, Dili.

PM Taur mos informa, kona-ba públiku nia preokupasaun kona-ba formasaun Governu ne’e diak, no nia agradese. Maibe  ba Governu ne’ebé lidera sei halo esforsu hotu para bele fo sira-nia  kontribuisaun durante mandatu tinan 5, hodi realiza promesa ne’ebé halo on aba povu.

“Mesmu ho difikuldade sira ne’e, ami sei halo esforsu tomak para  ita ultrapasa ka hakat  liu. Ha’u iha loron Kinta koalia nafatin ho Prezidente  Repúblika no ha’u fiar katak sei hetan solusaun, importante  mak ita hotu iha pasiensia para la’o ba oin nafatin,”hatutan PM Taur.

Tuir PM Taur, iha  enkontru ne’e mos Prezidente Repúblika husu ba nia atu formalmente  aprezenta  fila-fali sira nia opsoens ba lista membru Governu balun  ne’ebé seidauk simu pose.

Lee hotu :   Formasaun VII Governu la priense konstituisaun

Antes ne’e, lista kandidatu membru Governu daualu ne’ebé aprezenta husi PM Taur, nain sia (9) hetan rejeisaun husi PR, tamba iha hela kestaun. Maibe Prezidente Aliansa Mudansa ba Progresu, Kay Rala Xanana Gusmão, foin lalais liu husi konferensia ba imprensa hatete ona katak, sira nain 9 ne’ebé PR Lu-Olo tau kestaun, nia kazu la rejista iha Tribunal.Oly 

Add to Comments Here!!!!

error: Content is protected.
Secured By miniOrange
You might also like:
HAKARAK KABEN HO MANE IDADE 51, OAN LORI AMAN BA TRIBUNAL

Lezada ho inisial JM lori nia...

ADB PRONTU FÓ EMPRESTA OSAN BA TL HO FUNAN KIIK

Asian Development Bank (ADB) prontu apoia...

TRABALHADOR INSPRI SECURITY HALO GREVE

Trabalhador Inspri Security hamutuk nain 26,...

Close