JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM TAUR TENKI KOMBATE KORUPSAUN IHA VIII GOVERNU

PM TAUR TENKI KOMBATE KORUPSAUN IHA VIII GOVERNU

Deputada bankada FRETILIN, Helana Martins Belo, husu Primeiru Ministru (PM) Taur Matan Ruak (TMR) tenki buka estratejia oinsa hodi kombate korupsaun iha VIII Governu, hanesan moras aat no inimigu ba povu tomak, no nu’udar mós kompromísu PM Taur nian.

“Ita bo’ot (PM Taur) nia diskursu mós sita boa governasaun no kombate kontra korupsaun iha Timor-Leste, estratejia saida mak ita bo’ot (PM) sei uza atu kombate korupsaun,”dehan deputada bankada opozisaun Fretilin, Helana Martins Belo, iha plenária diskusaun programa VIII Governu ba loron daruak nian, Kinta (26/07/2018).

Deputada opozisaun ne’e afirma tan, korupsaun inimigu bo’ot ba povu, tanba ne’e nia parte husu VIII Governu atu bele haree oinsa, ema hotu bele iha lian no la subar-an ba hodi kombate korupsaun.

“Maske Estadu iha ona isnkrisoens, maibe laiha lian, lahatete sai buat ruma mak subar iha lia loos nia kotuk, ne’e mak moras ne’ebé ita tenke kombate duni agora kedas, ne’e mak povu maubere nia inimigu duni,”dehan deputada Helana.

Hatan ba kestaun ne’e, Primeiru Ministru, Taur Matan Ruak, hateten, VIII Governu sei servisu hamutuk ho Funsaun Públiku, atu bele luta kombate korupsaun iha Timor-Leste.

“Ita iha komisaun funsaun públika ne’ebé rekruta ema, treina ema, forma ema no halo avaliasaun ba ema, funasaun públika ita funsionariu grupu 3, funsinariu permanente, kontratadu no funsionariu sira ne’ebé apoiu polítika, ne’ebé rekruta polítikamente governante ida nia misaun hotu sai, no ida seluk mai lori ninian, maibe sira ne’ebé kontratu barak mak seidauk regula didi’ak sira-nia situasaun, tanba ne’e VIII Governu sei servisu di’ak liu tan ho funsaun públiku para haree asuntu ne’e”hateten PM Taur.

Lee hotu :   Xanana informa ba PR sosa asaun ConocoPhillips 30% ■Ezije aprezenta relatóriu servisu

Primeiru Ministru VIII Governu ne’e afirma tan, VIII Governu sei servisu hamutuk ho Funsaun Públiku hodi halo kontrolu másimu ba funsionariu sira, liu hosi díagnostika ba funsionariu permanente, kontratadu no nomeiasaun polítiku.

“VIII Governu sei halo diagnóstiku konaba rekursu umanu ne’ebé ita iha, kontratu hira? funsionariu permanente no polítiku hira? eskada ida halo saida? para ita hatene sira iha, maibe halo saida? ne’e halo parte oinsa mak atu halo kontrolu ida di’ak no rasionaliza sira, la’os hanoin atu hasai sira, maibe oinsa mak sira bele serve no bele ajuda ba servisu fali iha munisipiu sira, duke bou hamutuk iha Dili, liu hosi díagnostika ne’e ita bele toma medida ba sira,”subliña PM Taur.

Antes ne’e, deputadu husi bankada Fretilin ho PD hatama ona projetu lei Komisaun Anti Korupsaun (KAK) ba meja Parlamentu nian, no meja Parlamentu rasik haruka ona ba komisaun A, atu bele diksute, hafoin lori hikas ba plenária hodi diskute no aprova.Say

Add to Comments Here!!!!

error: Content is protected.
Secured By miniOrange
You might also like:
PM TAUR: HASAI ALKATIRI HUSI RAEOA PRESIZA ALTERA LEI

Primeiru Ministru (PM), Taur Matan Ruak,...

KONSENTRA BA FM HO FT, XANANA GUSMÃO REZIGNA-AN HUSI MECPM

Prezidente koligasaun Aliansa Mudansa ba Progresu...

PROGRAMA VIII GOVERNU COPY PASTE VII GOVERNU NIAN ■PM TAUR: LA’OS BUAT FOUN

Deputadu husi bankada opozisaun Fretilin ho...

Close