JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PROGRAMA VIII GOVERNU COPY PASTE VII GOVERNU NIAN ■PM TAUR: LA’OS BUAT FOUN

PROGRAMA VIII GOVERNU COPY PASTE VII GOVERNU NIAN ■PM TAUR: LA’OS BUAT FOUN

Foto:Google

Deputadu husi bankada opozisaun Fretilin ho PD konsidera aprezentasaun programa VIII Governu nian laiha diferensa ho programa ne’ebé aprezenta ona husi VII Governu konstitusional nian alias copy paste de’it.

Deputadu bankada PD, Antonio da Conceição, hateten, programa VIII Governu nian la ses husi VII Governu nian, liu-liu programa ne’ebé kona-ba dezenvolvimentu sosial nian, hanesan edukasaun no seluk tan.

“Programa ne’ebé ohin Governu aprezenta, la tau buat seluk husi buat ne’ebé VII Governu mai hato’o ona, VII Governu mós mai ho baze ba planu estratéjiku no kesi-an ba pilares 4 ne’ebé ohin VIII Governu mós aprezenta, hau hahu husi análiza konstestu nian ne’ebé mak konaba ita nia passado hodi projeta ita situasaun ida ohin loron nian, Governu mós hateten katak investimentu iha nível kapital sosial nia objetivu atu harí sosiedade saúdavel, atu hatan ba nesessidade povu nian, no mós hamosu forsa traballu povu nian, disponível ba dezenvolvimentu país nian, dezenvolvimentu sosial iha área edukasaun no formasaun, Governu halo nia estratéjia prioritária mak atu halakon obstakulu iha asesu ba edukasaun no mós hakarak asegura atu labarik no juventude hetan asesu ba edukasaun ida ne’ebé ho kualidade, laharé ba nia kondisaun ekonomia sosial, no mós fatin ne’ebé nia iha, kapaz liutan bainhira Governu ne’e mós dehan edukasaun atu asesu edukasaun ho kualidade laharé de’it ba previleiju ba ema balun,”hateten Antonio da Conceição iha diskusaun programa dahuluk iha Parlamentu Nasionál, Kuarta (25/07/2018).

Iha biban hanesan, deputadu bankada Fretilin, Antonino Bianco, konsidera, programa VIII Governu hanesan kompromísu de’it ba planu estratéjiku dezenvolvimentu nian ne’ebé iha Governu anterior mós nunka konsege atinji.

Lee hotu :   PTR husu entidade kompetenti kumpri rekomendasaun auditoria ZEESM

“Iha boa Governasaun nian, iha prinsipiu desentrasalizasaun nian, sira promete hela dehan 2015 tenke instala munisípiu 5, maibe iha V Governu la konsege, VI Governu mós la konsege, agora ha’u haree iha programa VIII Governu dehan sei, ne’e mak ha’u dehan, programa ne’ebé agora dadaun ne’e hanesan kompromísu ne’ebé tau iha planu estratéjiku dezenvolvimentu ne’ebé governante sira uluk de’it mós lakonsege atinji, iha uluk iha V no VI Governu ho imajen ne’ebé ita sente bele, maibe ikus labele,”dehan Antonino Bianco.

Deputadu opozisaun ne’e mós dúvida VIII Governu atu atinji planu programa estratéjiku dezenvolvimentu 2020 nian, tanba Governante anterior ne’ebé garante tebes atu atinji maibe la konsege hotu.

“Ha’u liga ba planu estratéjiku promete barak, atu konklui iha 2015, iha IV, V no VI Governu to’o agora hakdasak hela, iha mós hateten dehan 2020 sei halo hanesan ne’e hotu, ne’e kompromísu ne’ebé iha planu estratréjiku la’o ona, no governu troka dala hira ona seidauk implementa,”dehan Bianco.

Alende ne’e, deputadu bankada Fretilin ne’e mós sujere ba VIII Governu konstitusional, tenke iha serteja ba povu, katak bele dada Greater sunrise mai Timor-Leste iha mandatu tinan 5 nia laran, nu’udar Kompromísu iha kampaña.

Hatan ba preokupasaun ne’e, Primeiru Ministru (PM), Taur Matan Ruak, hatete, knaar VIII Governu sei esforsu, bainhira sei la konsege, sei kontinua mós ba Governu foun tuir mai, tanba ne’e la’os buat foun iha sustentabilidade estadu no povu ida ne’e.

“Buat ne’ebé VIII Governu hakarak halo mak povu tenki moris diak, se Governu ne’ebé ha’u lidera la konsege, Governu tuir mai bele rezolve, ne’e Estadu no nasaun iha mundo tomak halo, la’os buat foun. Ha’u uluk hakfolik, maibe ha’u-nia oan la hakfolik ona,”dehan PM Taur.

Lee hotu :   FRETILIN kesar AMP ba CNE

PM Taur mos dehan, Timor-Leste iha mata dalan ida mak Planu Dezenvolvimentu Estratejiku, no ne’e Governu ne’ebé deit la ses husi ida ne’e, tuir nesesidade povu nian.

Prosesu diskusaun ba programa VIII Governu ne’e, durante loron 3, hahú husi Kuarta 25 to’o Sesta 27 tinan 2018.Say

Add to Comments Here!!!!

error: Content is protected.
Secured By miniOrange
You might also like:
PR LÚ OLO PREOKUPA NESESIDADES F-FDTL

Prezidenti Republika (PR), Francisco Guterres “Lú...

ALFÂNDEGA ENTREGA AIMORUK KONTENTOR 5 BA SAMES

Ministériu Finansa liu husi Diresaun Alfândega...

ALKATIRI AKOMPAÑA PROGRAMA VIII GOVERNU IHA PN ■ XANANA AUZENTI

Eis Primeiru Ministru VII Governu konstitusionál,...

Close