JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PROGRAMA VIII GOVERNU HANESAN LISTA KOMPRAS, FRETILIN APREZENTA MOSAUN REJEISAUN

PROGRAMA VIII GOVERNU HANESAN LISTA KOMPRAS, FRETILIN APREZENTA MOSAUN REJEISAUN

Oitavo Governu konstitusionál ne’ebé lidera husi Primeiru Ministru (PM) Taur Matan Ruak, Kuarta feira (25/07/2018) aprezenta programa Governu iha parlamentu nasionál, atu hetan apresiasaun no diskusaun husi deputadu sira molok aprova.

Hafoin Primeiru Ministru Taur Matan Ruak halo aprezentasaun programa Governu nian, kontinua kedas Prezidenti Meza Parlamentu Nasionál Arão Noe fó tempu ba deputadu sira hodi halo apresiasaun no komentáriu ba programa Governu.

Iha primeiru dia ne’e, bankada opozisaun FRETILIN no PD hato’o kedas krítikas lubuk ida hasoru programa Governu.

Hanesan Bankada opozisaun FRETILIN konsidera programa VIII Governu ne’ebé Primeiru Ministru (PM) Taur Matan Ruak aprezenta ne’e, hanesan lista kompras ninian, tanba naruk demais.

Nune’e mós Xefi bankada FRETILIN Aniceto Guterres Lopes, aprezenta kedas mosaun rejeisaun ba programa Governu, maibé la esplika detalla konaba konteódu fundamental husi mosaun rejeisaun ne’e.

“Konteódu ne’e iha diskusaun mak foin ita hatene. Mas intensaun mosaun rejeisaun ne’e mak ami atu rejeita programa Governu. Maibé fundamentu ne’e ha’u labele koalia agora”, Aniceto Guterres afirma ba jornalista sira, iha primeira dia hafoin debate programa VIII Governu iha parlamentu.

Maski iha mandatu VII Governu ne’ebé governa husi FRETILIN, hetan mós rejeisaun husi deputadu opozisaun sira ne’ebé oras ne’e dadaun iha fali ona Governu, maibé deputadu Aniceto Guterres afirma katak, mosaun rejeisaun ne’ebé FRETILIN halo ne’e laiha intensaun vingansa polítika, ou tendensias ruma.

“Laiha vingansa maibé depois mak ita haree, tanba saida mak ami aprezenta mosaun rejeisaun,” Aniceto tenik tan.

Aniceto mós fundamenta katak, mosaun rejeisaun ne’e maski aprezenta iha primeiru dia debate programa, maibé mosu ho mosaun rejeisaun ne’e la viola rejimentu parlamentu, i la viola mós konstituisaun.

Lee hotu :   Deputadu sira promete sei laiha eleisaun antesipada

“La viola rejimentu, tanba iha letra ida hateten, até bankada ida-idak iha direitu. Até ne’e quero dizer que iha primeiru minutu debate ne’e hahú ami aprezenta mós bele. Ne’ebé la viola rejimentu. Nein até konstituisaun mós dehan hanesan ne’e. Ne’e be deputadu balun ne’ebé interpreta katak labele aprezenta iha debate nia klaran ne’e, kala nia la kompriende konstituisaun,” Aniceto Guterres afirma tan.

Nune’e mós Vise Xefi bankada FRETILIN, Francisco Miranda Branco, konsidera, programa VIII Governu komplikadu tanba naruk demais.

“PM ami halo leitura durante loron tolu nia laran ho atensaun tomak no ami nia konkluzaun ba programa ida ne’e hanesan manifesta kampaña ida, karik iha kampaña nia laran la koalia kona-bá programa, maibé fokus liu ba luta libertasaun nasional ninian, ami mós haree katak iha programa ne’e hanesan lista naruk boot ida ou lista de kompras,”deputadu bankada FRETILIN ne’e liu husi apresiasaun ba programa ne’ebé PM aprezenta iha Parlamentu Nasional (PN), Díli, Kuarta (25-07-2018).

Nia akresenta mós katak, programa VIII Governu ninian ne’e iha falta  klareza, tanba iha vizaun jeral pájina balun temi kona-bá O Estado da Nação, vizaun ne’ebé PM temi ba Governu maka ida ne’ebé loos, tanba atu transforma nasaun hanesan Romaipabhia presiza tempu naruk.

“Husi pájina 11 to’o 14 kestaun ne’ebé ami koloka liga ho kredibilidade programa ne’e wainhira utiliza indikador makro-ekonómiku hanesan kresimentu Groos Domestic Product (GDP) ne’ebé la loos, ami duvida, tanba programa ne’e prepara kleur tiha ona, maibé dadus estatístika kresimentu ekonómia periodu 2008 to’o 2011 ne’ebé rezista iha programa Governu ne’e 11%, maibé tuir dadus ne’ebé públika iha diresaun jeral estatístika, hatudu kresimentu GDP ne’e 3.65%, la’os 11% no haree husi kresimentu GDP no petróleu hatudu 9.37%, la’os 11%,” haktuir Francisco Branco.

Lee hotu :   FRETILIN eziji governu aprezenta kontratu konstrusaun portu Beasu

Vise Xefi bankada FRETILIN ne’e dúvida mós ho programa Governu ne’ebé planeia harii Banku Dezenvolvimentu Nasional (BDN), ho funsaun atu tau matan ba jestaun fundus petróleu no seguransa sosial ninian, maibé dau-daun ne’e Banco Central de Timor-Leste ezisti hela.

“BDN ne’e atu subtitui BCTL ka atu komplika liu tan jestaun osan Estadu ninian, tuir ha’u nia hanoin diak liu hametin no diversifika servisu BCTL nian do que hari’i banku foun ida, ida ne’e atu serve Governu nia liman ain hodi fahe projetu ka, tanba iha tinan 10 ida ne’e maka sai kultura ida PM,” sujere Francisco Branco.

PM Taur: Ne’e la’os lista kompras

Hatán ba preokupasaun deputadu opozisaun sira ne’ebé dehan programa VIII Governu ne’e naruk teb-tebes, PM, Taur Matan Ruak, hateten, mezmu programa Governu ne’e naruk demais, maibé iha loron ida sei atinji ninia metas.

“Programa ne’e la’os lista kompras, maibé lista komparasoens, iha tempu orsamentu ami sei mai fali atu husu osan kona ba saida mak ami atu halo nia baze mak programa ne’e. Ohin (Horseik) deputadu balun hateten programa VIII Governu ninian ne’e naruk liu, dalaruma Governu labele atinji, experiensia ita nian iha ona, prosesu hotu-hotu hanesan ne’e, la’os ita hakarak, ita tenki hetan kedas, buat sira ne’e lori tempu, tanba faktores barak bele kontribui ba prosesu implementasaun,”haktuir Taur Matan Ruak.ekipa-GMN

 

Add to Comments Here!!!!

error: Content is protected.
Secured By miniOrange
You might also like:
(Tetum) Família informa ba PR, Planu rekolla ruin saudozu Camacho

Família husi saudozu Jaime Camacho, hasoru...

PD SEI APOIA PROGRAMA VIII GOVERNU ■ ASANAMI: LÍDERANSA TENKE DIÁLOGU

Bankada Partidu Demokrátiku (PD) iha Parlamentu...

PNTL EZIJI KOMBUSTIVEL BA GOVERNU

Komandante Jeral Polísia Nasionál Timor-Leste (PNTL),...

Close