JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

RAMOS HORTA HUSU TAU MATAN BA MÍDIA TL • TRISTE HO SALARIU JORNALISTA SIRA

RAMOS HORTA HUSU TAU MATAN BA MÍDIA TL • TRISTE HO SALARIU JORNALISTA SIRA

Eis Prezidente  Republika nudar mos Laureado Nobel da Paz 1996, José  Ramos Horta, husu  ba Governu atu bele tau matan mos ba dezenvolvimentu orgaun komunikasaun privadu ho publiku iha Timor Leste.

Liu husi sorumutu Conselho Imprensa (CI) ho eis jornalista José Ramos Horta iha Gabineti eis titularens Ramos Horta iha Farol, Dili, Kuarta (17/7/2018), José Ramos Horta, tatoli liu husi CI atu bele koalia ho Governu para tau matan ba orgaun komunikasaun sira iha Timor Leste, inklui mos haree didiak jornalista Timor oan sira nia salariu.

 Horta argumenta katak, dala balun kuandu Governu fo subsidiu ba mídia, ema komesa kestiona nia independensia, maibe esperensia iha rai bar-barak, exeplu iha Inglatera hatudu momos katak BBC hetan fundus 100% husi Estadu maibe ninia produtu jornalistiku independnesia tebes no dala balun sira rigor halo sira nia funsaun kontrolu sosial.

Horta mos fo exempu hanesan iha Australia, katak ABC hetan fundus orsamentu Estadu nian mos kuaze 100%, maibe sira la ‘obdese’ ba interese Governu nian no dala barak mos sira halo Governante sira ulun moras tanba sira publika informasaun ne’ebe la favorese ba interese Governu nian.

“Hau nia preokupasaun mak se setor privadu mak tau publisidade barak liu no sira iha autoridade bele manda nain ba mídia sira atu halo tuir sira nia hakarak. Se lae, sira bele dada hotu sira nia publisidade. Ida ne’e mak perigozu tebes,” afirma Ramos Horta.

Horta mos haree katak, jornalista Timor oan sira difisil atu hala’o serbisu ho rigor no hetan notisias ne’ebe kualidade tanba sira nia vida moris difisil tebes. Basa, maioria husi jornalista sira tenke simu deit salariu baziku liu provolta US$ 150,00 no boot liu mak US$ 500,00 ba kargu xefia sira.

Lee hotu :   PR Lú Olo rekoñese mak AMP ■ AMP insiste ho bankada 3 iha PN

“Hau fo hau nia hanoin ba Conselho Imprensa, oinsa ita hare meius para apoia ita nia mídia, tanba ita nia ekonomia sei fraku tebes. Apoiu ba ita nia mídia laos ba RTTL deit ,Governu tenki hare meius kreativu oinsa fo insentivu ba ita nia mídia para jornalista sira bele moris ho dignidade,” hateten Ramos Horta.

Ramos Horta, mos husu estadu atu labele interven ba servisu mídia, tamba  mídia sai hanesan instrumentu ida ne’ebe halao servisu sosial ba publiku, liuliu  kontrbui ba dame no dezenvolvimentu nasaun nian.

Iha fatin hanesan  Prezidente CI,  Virgilio Guterres,  hateten instituisaun mídia hanesan jornal, radiu no televizaun iha Timor , balun iha fundus no invenstimentu rasik, maibe presiza atensaun nafatin liu-liu iha area infra-estrutura no nesesidades bazikas ne’ebe apoiu ba publikasaun mídia sira nian.

“Ita nia media jornal, radiu no televizaun barak moris balun iha fundus no invensimentu nebe makas, ba sira seluk nebe moris kleur ona hau hanoin sira kontinua esforsu, maibe presiza iha atensaun estra liu-liu iha area infra-estrutura,” hateten Virgilio Guterres.

 Laureadu Nobel da Paz 1996, José Ramos Horta, sei partisipa the  Dili Dialog Forum, ne’ebe mak realiza husi CI iha sala Ministeriu Finansas, Dili, iha loron 19 to’o loron 20 fulan ne’e. tos

Add to Comments Here!!!!

error: Content is protected.
Secured By miniOrange
You might also like:
LA KOMPLETA ESTRUTURA, IMPAKTU BA FUNSIONAMENTU GOVERNU

Prezidenti Parlamentu Nasional (PPN ), Arão...

LERE: HA’U HALO POLÍTIKA BA DEFEZA NO SEGURANSA ■ LA KONTRA MAUN XANANA

Xefi Estadu Maior F-FDTL Major Jeneral...

XANANA: AMI LA PARTISIPA KM TAMBA LIU ORAS SERVISU

Prezidenti Koligasaun Aliansa Mudansa ba Progresu...

Close