JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TRIBUNAL LA REJISTA KAZU KRIMI HUSI MEMBRU GOVERNU CNRT  XANANA: PR LÚ OLO HAKAT LIU KONSTITUISAUN

TRIBUNAL LA REJISTA KAZU KRIMI HUSI MEMBRU GOVERNU CNRT  XANANA: PR LÚ OLO HAKAT LIU KONSTITUISAUN

Tribunal Distrital Dili (TDD) deklara katak, kandidatu membru Governu nain nain 5 husi partidu CNRT la iha kazu krime mak rejista iha Tribunal.

Kandidatu membru Governu nain 5 ne’e, kompostu husi Jacinto Rigoberto, Francisco Kalbuadi Lay, Virgilio Smith, Helder Lopez ho mos Tomas Cabral.

Liu husi karta justifikasaun ne’ebe Tribunal Distrital Dili (TDD) haruka ba prezidenti Aliansa Mudança ba Progresu (AMP), Kay Rala Xanana Gusmão, ne’ebe asina husi Juiz Administrador TDD, José Maria de Araujo, iha loron 11 fulan ne’e, katak, iha baze de dadus prosesu judisial nian iha Tribunal la rejista kazu krimi mak envolve husi pesoal kuadurs partidu CNRT nian ne’ebe atu ba simu posse nudar membru VIII Governu Konstitusional.

Prezidente AMP Kay Rala Xanana Gusmão, konsidera desizaun Prezidente Repúblika (PR), Francisco Guterres ‘Lú Olo’ ne’ebé haruka fila dala rua lista kandidatu membru VIII Governu husi AMP, razaun kométe iha krime korupsaun no naran rejista ona iha Tribunal, hakat liu ona konstituisaun, tamba laiha razaun fundamentu.

Xanana konsidera desizaun PR Lú Olo nian ne’e nu’udar akuzasaun, tanba la bazeia ba dadus husi Órgaun Judisiariu Tribunal nian, liu-liu Tribunal notifika katak, membru VIII Governo ne’ebé seidauk simu posse husi Prezidente Repúblika, laiha kazu ruma mak rejista iha Tribunal, hafoin nain rua hetan troka husi Xanana Gusmão ho Rogerio.

Xanana dehan, Tribunal notifika katak, ema sira ne’ebé PR lakohi fó posse laiha kazu ruma mak rejista iha Tribunal. Ne’e atu dehan katak , membru CNRT no KHUNTO nebe hetan rejeisaun ka pendente atu simu posse laiha fundamentu legal, tanba ema sira nee laiha sala ka kazu ruma iha Tribunal. Xanana kontinua dehan, PrezidenteRepublika, tenki respeita prinsipiu presunção de inocência, no proteze nia sidadaun nia naran diak no honra.

Iha tempu badak, AMP sei haruka hikas karta ida ba Xefi Estadu, hodi husu justifikasaun ba naran hirak ne’ebé hetan akuzasaun kométe krime, tanba tuir dadus TDD kandidatu VIII Governu hirak ne’e laiha ida mak kométe Krime bo’ot, no balun naran rejistu iha Tribunal mós laiha.

Lee hotu :   MNEK koordena CNE STAE loke sentru votasaun iha estranjeiru

“Dehan katak ami-nia naran iha lista iha, ami husu ba Tribunal laiha ne’e, o hetan lista iha ne’ebé? problema mak ne’e duni, ha’u lasimu nu’udar prezidente CNRT, tinan kotuk nia fó posse ba ema ne’ebé mós iha naran iha ne’eba, agora to’o ida ne’e nia dehan fali mai ha’u dehan o iha ema naran, tanba ne’e mai agora Tribunal dehan katak ami laiha ne’e, agora ita bo’ot hetan husi ne’ebé, Prezidente mak tenke fó prova mai ami, kulpa ne’e iha ne’ebé, ha’u dehan tiha ona ba nia liu hosi Primeiru Ministru, loloos ne’e la’os sira de’it, ha’u hotu, Kuandu sei iha julgamentu laiha ema ida mak bele dehan katak ema ne’ebé julga dadauk ne’e sala tiha ona, ida ne’e prinsipiu fundamental ida Konstituisaun kaer, ami hatene dalan ne’ebé konstituisaun fó, Governu la depende ba Prezidente Repúblika, maibe depende ba Parlamentu, tanba ne’e mak ami sente katak, Prezidente hakat liu tiha nia responsabilidade konstitusionais, Governu depende ba Parlamentu, tanba ne’e mak iha tinan sira kotuk ba, kuandu Arcanjo no José Luis Guterres ba hatan iha Tribunal, Parlamentu hasai sira nia imunidade, tanba ne’e labele dehan ami sala ona, Konstituisaun mak fó ida ne’e, nu’udar direitu fundamental ida ba sidadaun hotu,”hateten Prezidente AMP, Kay Rala Xanana Gusmão liuhosi konferensia imprensa iha sede CNRT Bairro Grillos, Kinta (12/07/2018).

Karta hodi husu dadus ba lista naran hirak ne’ebé deskonfia rejista iha TDD, Prezidente AMP haruka ba Tribunal iha loron 10 fulan Jullu ne’e, no hetan kedas resposta husi Tribunal Distrital Dili (TDD) liu hosi Juiz administrador José Maria de Araújo, iha loron 11 fulan ne’e, konaba akuzasaun ba Jacinto Rigoberto, Virgilio Smith, Francisco Kalbuadi Lay, Helder Lopez no Tomas Cabral.

“Haree ba baze de dadus iha sistema informátika katak, Jacinto Lopes de Jesus akuzadu ho prátika finansiamentu elísitu partidu polítiku, ida ne’e mai husi malam dana iha 2012, ne’ebé ami halo ho siaran lansung, (direitu_red) ami halo transparente, iha ne’eba como mosu ideia balun, hodi promete, sei fó 20, sei fó 30 mil, hotu-hotu haree, adversariu polítiku balun mós iha uma telefoni mai ha’u, dehan promete hanesan ne’e, hotu-hotu haruka ba konta bankaria partidu nian iha banku, envez de haruka ho sira nia naran, haruka fali ho kompanhia nia naran, ida ne’e mak sai krime, maibe la’os katak simu osan liu hosi meja okos, maibe liu hosi siaran lansung, transparente, hotu hatene, se mak atu fó semak atu la fó, no fó hira?, hotu-hotu haruka osan liu hosi banku ba partidu, envez tau naran tau fali kompanhia ne’e mak sai polémika bo’ot,  25 mil, ida ne’e mak sai krime bo’ot, iha karta Tribunal nia sertifika katak, kazu ida ne’e konklui tiha ona, agora iha gabinete Juiza titular ba kazu ida ne’e, tanba ne’e Tribunal fó sai Jacinto Rigoberto laiha kazu pendente seluk tan, kazu ba Jacinto mak osan ba partidu polítiku kona-ba siaran lansung ne’ebé agora iha hela banku, Segundu sertifika husi TDD katak, Francisco Kalbuadi Lay akuzadu ba finansiamentu, konaba ida Jacinto nian ne’e, mabe prosedimentu kriminal ne’e deklara katak hotu no laiha buat ida, ne’e duni Francisco Kalbuadi Lay la’os arguidu iha buat seluk tan, Terseiru sertifika posesual justisa katak, Virgilho Smith kondenadu ho akordu preferidu iha 5 de Abril 2005, julgadu ho pena tinan 1 iha prizaun, suspensa ba tinan 2, ho kondisaun atu selu iha tinan 1 nia laran, indemnizasaun ho valor 2500 dollar, tanba prátika krime omesídu, tanba kaer karreta xoke ema mate ne’e mak dehan omesídu katak kecelakaan, ne’ebé sertifika katak pena deklarante katak laiha ona, tanba ne’e laiha prosesu judisial ida kontra Virgilho Smith, ida fali kona-ba Amandio de Sá Benevides kondenadu husi akordaun iha 2009, ho pena únika 2 anos 4 meses, suspensa ba tinan 3, prátika falsifiksaun dokumentu, sertifika tan katak pena ne’e istinta tiha ona iha 2015, prosesu arkivadu iha 2015, ohin loron Amandio Benevides laiha tan akuzasaun ruma, sertidaun ida tan konaba Sergio da Costa Lobo julgadu, maibe absolvidu insentensa ne’ebé hala’o iha 2008, konaba krime ofensa korporais simples, ho esteitmentu ema sira ne’e, ema hanoin katak Sergio Lobo ne’e na’ok-ten, identifika ona katak Sergio Lobo laiha problema ida, la arguidu no laiha prosesu judisial sira seluk, sertifika ida tan, buka ba mai iha sistema informatika baze de dadus lahetan, pendente ka iha prosesu julgamentu nian mós laran konaba Tomas do Rosario Cabral, prejunsaun inosensia, Konstituisaun hateten katak, Governu nia responde ba Parlamentu, hasai imunidade ka la hasai,  suspende ka la suspende, la’os Prezidente, sertifika ikusliu TDD buka iha sistema baze de dadus, prosesu judisiais nian laiha konaba Helder Lopes, se nune’e ha,u nu’udar Prezidente partidu ha,u labele aseita katak bolu sira na’ok-ten ka koruptor, tanba ne’e mak tomada de posse dala rua ha’u la ba,”esplika Prezidente CNRT Xanana Gusmão.

Lee hotu :   Xanana hakerek karta ba PR Lú Olo •Husu fo rekonhesimentu ba advogadu ne’ebe defende TL

Xanana haktuir, nia parte haruka karta ba Tribunal ne’e, tanba hakarak hatene provas ba nia membru hirak ne’e loos ka sala, hodi nune’e bele hetan konsiderasaun husi Xefi Estadu.

“Ami tenke husu ba Prezidente oinsa mak bele konsidera ami, tanba ne’e mak ha’u hakerek ona karta ida ba Prezidente, no ba Tribunal Distrital Dili, ho liafuan ida ‘fó hatene to’ok mai’, tanba balun ami tau iha lista partidu nian ba eleisaun, no liuhosi Tribunal, sekarik mak iha kondenadu ruma, Tribunal mós haré bazeia ba lista ne’e, la’os Prezidente, maibe Tribunal, maibe ami mós konhese malu, tinan 10 liu ne’e,  ami nia prátika ne’e mai tiha ona,”tenik Xanana

Líder Másimu AMP ne’e mós husu Prezidente Repúblika atu respeita konfiansa ne’ebé Primeiru Ministru fó ba nia ema sira atu tama ba iha Governu.

Alende ne’e, Prezidente CNRT ne’e mós husu Prezidente Repúblika tenke hadiak naran ka reputasaun kandidatu sira ne’ebé sente ofendidu tanba hetan akuzasaun husi públiku, bainhira rezultadu hatudu ema hirak ne’e laiha sala.Say

Add to Comments Here!!!!

error: Content is protected.
Secured By miniOrange
You might also like:
PNTL SEI HALO OPERASAUN BA KARETA HO MOTOR

Polícia Nasional Timor Leste (PNTL) liu...

UEUMB LA MENTA DESIZAUN MS HAPARA KONTRATU DR METAN

Maski Ministériu Saúde hapara ona kontratu...

EMBAIXADA NOVA ZELANDIA SEI KAPASITA MEMBRU PN

Desculpe, este conteúdo só está disponível...

Close