JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM Taur: Portu Tibar potensia ba diversifika ekonómika Sudeste Aziátiku

PM Taur: Portu Tibar potensia ba diversifika ekonómika Sudeste Aziátiku

Primeiru Ministru (PM), Taur Matan Ruak, hatete, Portu Tibar potensia bo’ot ba diversifikasaun akonómika iha rejiaun Sudeste Aziátiku.

Portu Tibar ne’e rasik, Xefi Governu Taur Matan Ruak hamutuk ho eis PM Kay Rala Xanana Gusmão, no mos membru Governu sira inklui reprezentante empreza internasional China Harbour, ho Bollore Ports, Kinta (30/8/18), hala’o lansamentu ba projetu ne’e hodi hahú ho nia konstrusaun.

Primeiru Ministru (PM), Taur Matan Ruak, hatutan, ho loron 30, fulan Agostu, tinan 2018, sai hanesan momentu ida ne’ebé espesiál tebes, la’ós de’it tanba marka eventu istóriku aniversáriu dala 19 Konsulta Populár nian, maibé mós tanba marka inísiu husi nasaun  ne’e nia konetividade ida ne’ebé di’ak liután no kondisaun lojístika sira ne’ebé di’ak liu, ne’ebé sei lori benefísiu ekonómiku ba Timor-Leste tomak.

 Xefi Governu ne’e dehan, transporte Tasi iha papél importante ida atu kumpri iha dezenvolvimentu nasaun nian, nu’udar meiu transporte nian ne’ebé seguru, la karun liu no la konsumu enerjia barak, buat ne’ebé halo nia sai tipu transporte nian ne’ebé di’ak ba negósiu sira, no ba meiu ambiente.

 Tanba ne’e, dezenvolvimentu infraestrutura portu sira nian, sai nu’udar buat ne’ebé impotante tebes ba futuru Timor-Leste nian.

“Ohin loron, Portu sira la’ós de’it hanesan fatin ba movimentu merkadoria ka materiál sira nian, maibé mós sentru dezenvolvimentu ne’ebé fó benefísiu ba negósiu sira no ba kriasaun empregu, bele impulsiona kresimentu husi komunidade sira ne’ebé hela iha ne’ebá,” katak PM Taur Matan Ruak.

PM Taur haktuir, jestaun kona-ba Portu ida ne’ebé kredivel no modernu, ne’ebé kombina ho kresimentu parké industriál ida ne’ebé hale’u nia, sei kria duni oportunidade empregu barak liután ba populasaun sira.

Lee hotu :   Eleisaun ba kompozisaun PN, Opozisaun ‘walk out’ husi plenaria

“Portu Tibar iha potensiál bo’ot ida ba diversifikasaun kontínua husi kapasidade industriál Timor-Leste nian no ba kresimentu sustentavel husi ninia ekonómia iha rejiaun Sudeste Aziátiku no Pasífiku.  Ami hakarak atu, ho implementasaun polítika ida-ne’e nian, nafatin kria ambiente ida ne’ebé favoravel ba investimentu foun sira no ba kresimentu ekonomia nian,” afirma Taur Matan Ruak.

Xefi Governu ne’e dehan, dezenvolvimentu infraestrutura sira presiza investimentu kontínua no presiza partisipasaun setór privadu nian, ne’ebé konsidera importante tebes, la’ós de’it ba finansiamentu, maibé mós atu habelar operadór oin-oin sira-nia hatene halo.

Implementasaun Projetu Portu ne’e ninian, hanesan Parseria Públiku Privada ida (ne’ebé ema koñese ho naran PPP) reprezenta mós investimentu ho dimensaun bo’ot liu ne’ebé hala’o ona, to’o agora, iha infraestrutura públika sira iha país ne’e.

“Tanba ne’e, ita fó daudaun sinál ida ba investidór sira seluk katak, Timor-Leste ne’e fatin atrativu ida atu halo negósiu. Tanba ne’e ami konsidera katak, lansamentu ba konstrusaun Portu foun iha Portu Tibar, ne’ebé ohin ita hala’o, sai hanesan Governu ida ne’e nia prioridade bo’ot ida mós ba dezenvolvimentu, projetu infraestrutura sira no sei sai duni marku fundamentál ida iha dezenvolvimentu Timor-Leste nian. Portu ne’e sei fó mós kondisaun nesesáriu sira atu nune’e Timor-Leste bele transforma an iha futuru hanesan interfase (Hub) rejionál ida ba transporte merkadoria no tránzitu kontentór sira nian, nune’e bele prodús rendimentu adisionál sira ba País ne’e. Maibé, konstrusaun infraestrutura sira ho dimensaun ida-ne’e, provoka mós risku, liu-liu risku sira kona-ba problema ambientál. Portu Tibar ne’e sai mós fatin ida ne’ebé iha valór ambientál bo’ot no hanesan fatin ida ne’ebé di’ak liu atu harii Portu iha área sira ne’ebé besik Dili,” afirma Taur Matan Ruak.

Lee hotu :   FM tun ba U$ 15 Billioens, Governu tenki gasta osan ho kuidadu

Eis Prezidenti Repúblika ne’e salienta,  mantein ekilíbriu entre kondisaun rua ne’e sai hanesan dezafiu bo’ot ida mai VIII Governu.

“Maibé, ami fiar katak implementasaun husi medida bo’ot sira mitigasaun nian, ne’ebé hili ona ba projetu ida-ne’e, tuir prátika ambientál hirak ne’ebé di’ak liu, no tuir norma sira husi Kooperasaun Finanseira Internasionál (IFC, sigla iha lian inglés) ka Banku Mundiál, ne’ebé kombina ho konsesaun projetu ne’e nian ba Grupu Bolloré, operadór portuáriu ida mós husi hirak ne’ebé iha prestíjiu bo’ot iha nivel mundiál, garante mai ita katak, projetu ne’e sei la’o ho impaktu ambientál ne’ebé sira sei haree didi’ak,” dehan Taur Matan Ruak.

Xefi Governu ne’e fiar katak, Porto de Timor no sira hotu ne’ebé intervein iha konstrusaun portu foun ne’e nian sei kumpri sira-nia koopromisu no fornese infraestrutura ida ne’ebé sei merese atu sai hanesan i povu nia orgullu.

“Molok remata, ha’u hakarak ko’alia kona-ba faktu katak projetu ida-ne’e hahú kedas ona iha mandatu Governu Konstitusioná V nian, no hetan apoiu husi Governu hirak ne’ebé ukun tuirmai, inklui apoiu husi Governu ne’ebé ha’u lidera. Tanba ne’e, lansamentu ba konstrusaun infraestrutura ida ne’ebé vitál ba ita-nia País nia futuru ne’e, la’ós hanesan susesu individuál ema ka Governu ida nian de’it, maibé nu’udar rezultadu husi ita-nia serbisu iha Ekipa no esforsu koletivu,” relata PM Taur.

Antes ne’e, Governu anterior ne’ebé lidera husi eis Primeiru Ministru, Kay Rala Xanana Gusmão konkorda konstrusaun Portu Tibar ho kustu nebe’e bo’ot no tenki halo parseria ho setór privadu atu tau osan hamutuk ho Governu hodi konstroi no opera portu ne’e rasik. Husi parseria ida ne’e Governu tau osan hamutuk milaun US$  129. 45, no setór privadu nian ho valor osan total mais ou menus valor US$ milaun US$ 490.

Lee hotu :   PN kontinua funsiona to’o lejislatura foun hahú ''Deputadu IV lejislatura lahetan PV

Prosesu konstrusaun ne’e, hahú ona iha loron 30 fulan Agustu, no sei remata iha loron 30, fulan Agustu, tinan 2021.cos

Add to Comments Here!!!!

error: Content is protected.
Secured By miniOrange
You might also like:
Komemora loron 30 Agostu, PN kongratula Povu no veteranu TL

Prezidente Parlamentu Nasionál (PPN), Arão Noe...

PD kontra Governu uza OJE selu projetu illegal 142

Bankada Partidu Demokrátiku (PD) iha Parlamentu...

Rekursu Prokuradór Domingos iha hela prosesu

Rekursu prokurador Domingos Bareto ne’ebe hatama...

Close