PR HARUKA DEKRETU LEI DUODÉSIMU BA TR

Prezidenti Repúblika (PR), Francisco Guterres ‘Lú Olo’, entrega dekretu lei  númeru 1/V primeira transferénsia extra-ordinária orsamentu duodésimu husi fundu petrolíferu ne’ebé foin lalais VIII Governu altera hodi husu tan osan US$ 140 milloens, ba sustentabilidade mákina Estadu ba Tribunal Rekursu (TR) hodi halo fiskalizasaun abstrata.

Ministru Estadu no Prezidénsia Konsellu Ministru, Agio Pereira, hateten, informasaun ne’ebé hateten, Prezidenti Repúblika veta dekretu lei orsamentu duodésimu ne’e la lós.

“Ida ne’e la’os orsamentu, maibé lei ida duodesimu US$ 140 milloens ne’e, Prezidenti Repúblika la veta ida, maibé Prezidenti Repúblika haruka ba Tribunal Rekursu atu husu opiniaun preventiva,” dehan Agio Perreira, ba jornalista sira iha Palasiu Governu, Kuarta (01/08).

Iha reuniaun Konsellu Ministru ne’e mos haree kona ba military pilot training, program ida entre forsa armada Filipina ho F-FDTL.

Nia hatutan, akordu ne’e, atu fó kontinuidade ka lae, seidauk hetan diskusaun final iha Konsellu Ministru.

“Ne’e hanesan aprezentasaun de’it, lahetan aprovasaun husi Konsellu Ministru, enkontru Konsellu Ministru tuir mai mak sei haree,” katak Agio Perreira.cos