JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

UDT, FM ASINA AKORDU HO APM

UDT, FM ASINA AKORDU HO APM

Bankada União Demokratika Timorense (UDT) ho Frenti-Mudansa (FM) asina akordu politika ho Aliansa Mudansa ba Prograsu (AMP) hodi fortifika governasaun durante tinan 5.

“Uluk AMP nia kadeira 34 agora aumenta tan ami nia sai 36, ida ne’e sai forsa politika ida que daik liu, laos dehan uluk ne’e laforte lae, ida uluk ne’e mos tiha ona tanba liu ona iha parlamentu,” Prezidente UDT Gilman Exposto ba jornalista sira iha Sede AMP bairo dos grilos, Dili, sabadu (04/08/2018).

Gilman Exposto, afirma 34 kadeiras  ne’e konsidera boot ona, tanba ne’e mak indizita tiha ona primeiru ministru, no iha momentu ne’eba kedas iha ona akordu ultima hora husi UDT no Frenti Mudansa mos apoia AMP hodi hili prezidente Parlamentu Nasional.

“Ne’e ami apoiu tomak fo governu nune’e bele ukun durante tinan 5, tanba prosesu ne’e laos ohin to’o aban maibe ne’e prosesu, hau hakarak hatete iha ne’e katak desde ami tama iha Parlamentu Nasional UDT ho Frenti Mudansa sai bankada ida I bankada ida ne’ebe solidu tebe-tebes hodi apoiu AMP”.

Antes ne’e mos UDT ho Frenti Mudansa fo ninia apoiu tomak ba AMP hodi garante estabilidade governativa, maibe ho akordu ne’e bele fortifika diak liu tan governasaun AMP durante tinan 5 nune’e bele implementa promesa ne’ebe sira promete ba povu.

Iha fatin hanesan veternu Riak Leman husu ba Prezidente Republika Francisco Guterres Lú-Olo, Xanana Gusmão no Taur Matan Ruak tur hamutuk hodi hakotu impase politika ne’ebe akontese iha rai laran nune’e bele hadia povu nia moris.

 “Hanesan veteran dehan deit hanesan ne’e, ohin loron ita  nia prezidente da republika irmão Lú-Olo nia mos veteran, Maun boot Xanana mos veteran no ita nia irmão primeiru ministru Taur Matan Ruak mos veteran, agora povu hein hela saida mak sira nain hira ne’e halo ba povu ida ne’e”.

Lee hotu :   David Ximenes: Eleisaun antesipada, tenki haree mós ho nia efeitu

Nia dehan funu iha tinan 24 nia laran karik hakotu to’o ukun an, maibe ohin loron nusa mak labele hakotu impase politika ne’e.

“Se iha funu difisil,  ita funu to’o ukun an, I agora ukun tiha saida mak seidauk los, povu hein hela barak mak to’o agora ahi seidauk lakan, estrada seidauk diak be mos laiha, se nai ulun sira dada malu se mak atu resolve problema povu ninian”.

Tuir nia katak ho impase politika ne’ebe mak akontese dadaun ne’e, afeta liu ba vida moris povu nian,tanba ne’e mak nia husu nai ulun sira tempu no to’o ona oras para ulun sira hamutuk, liu-liu ba irmão Lú-Olo,Maun boot Xanana Irmão Ruak tenke ser hamutuk fo hanoin no fo exemplu diak ba ita nia povu ida ne’e. Aes

Add to Comments Here!!!!

error: Content is protected.
Secured By miniOrange
You might also like:
PNTL RAEOA PRENDE MINA ILEGAL

Komando Polisia Nasional Timor Leste (PNTL)...

HORTA ORGULHU TIMOR OAN HARII ESKOLA INTERNASIONAL

Eis Prezidente  Prezidente Repúblika José Ramos...

LUCAS DA COSTA: IMPASSE POLÍTIKA AFETA BA VIDA MORIS POVU KI’IK

Reitor Universidade da Paz (UNPAZ), Lucas...

Close