JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN abandona tan plenária, PN adia ajenda eleisaun ba komisáriu KAK

FRETILIN abandona tan plenária, PN adia ajenda eleisaun ba komisáriu KAK

Parlamentu Nasionál (PN) V lejislatura, kontinua budu ajenda atu halo eleisaun ba komisáriu Komisaun Anti Korupsaun (KAK), tanba deputadu husi bankada opozisaun FRETILIN abandona plenária tan hodi la priense kuorum.

Liu hosi plenária Segunda (24/09/2018) ne’e, Prezidente Parlamentu Nasionál interina, Maria Angelina Sarmento, anunsia adia hikas ajenda eleisaun ba komisáriu KAK ba dala 5 nian, tanba deputadu ne’ebé marka prezensa iha plenária la to’o 49 hodi priense kuorum, tuir prosedimentu lei KAK haruka.

“Ajenda eleisaun ba Komisáriu KAK nian, infelizmente ita la priense kuorum ne’ebé rekere husi lei KAK nian. Infelizmente husi parte opozisaun, liu-liu bankada FRETILIN dala lima ona mak la marka prezensa iha ajenda votasaun ba komisáriu KAK, atu bele funsionaliza fali komisáriu KAK ne’ebé mak oras ne’e vakum hela, maibe infelizmente ita labele avansa ho ajenda eleisaun ba komisáriu KAK, eh ajenda ne’e ita bele muda fali ba plenária tuir mai”,informa Vise PN, deputada Maria Angelina Sarmento.

Iha biban ne’e, deputadu bankada PLP, Francisco Vasconselhos konsidera, bankada FRETILIN laiha sentidu Estadu, tanba la konsidera ajenda importante ne’ebé ligadu ba nasaun no abandona plenária bainhira to’o ajenda eleisaun ba komisáriu ne’e.

“Ajenda ida eleisaun ba komisáriu KAK ne’e agora ba dala lima, hotu-hotu hakarak dehan kombate korupsaun, maibe realidade lakohi apoiu komisaun KAK hodi hili komisáriu sira ne’ebé toma konta ba asuntu korupsaun, maibe Parlamentu Nasionál mós obriga ajenda ne’e hodi ajenda beibeik to’o dala lima ona mós laiha rezultadu, ha’u-nia pergunta to’o bainhira mak ita bele realiza ajenda ida ne’e, parte seluk ita hotu konsidera katak komisáriu KAK ne’e importante tebes, tanba KAK nu’udar instituisaun ida ne’ebé kombate korupsaun, proposta lei KAK nian aprezenta tiha ona ba komisaun A Parlamentu Nasionál nian, maibe komisáriu KAK ne’e dala lima ona ita husik hela de propózitu ne’e ho intensaun saida? tanba ne’e mak ha’u lamenta tebes ho atitude sira ne’e, tanba laiha sentidu Estadu, laiha kontribuisaun hodi luta kontra korupsaun,”hateten deputadu AMP ne’e.

Lee hotu :   PR tenki desidi tuir interese nasional ■ Ba EA, TL sei infrenta krize

Hatan ba lamentasaun ne’e, deputada bankada FRETILIN, Joséfa Âlvares Pereira, justifika, bankada FRETILIN abandona plenária hodi demora eleisaun ba komisáriu KAK nian, tanba bankada FRETILIN iha prosesu buka hela figura ne’ebé merese priense duni sai prosedimentu hodi sai kandidatu ba komisáriu KAK nian.

“Ami ohin (Horiseik) latama, tanba ami mós iha ami-nia kandidatu atu aprezenta, ami priense lai kriteria ne’ebé atu responde ka oinsa mak bele sai kandidatu ida ne’ebé bele sai hanesan komisáriu KAK, tanba ida ne’e mak ami demora, la’os dehan katak ami laiha interese, ami sempre iha sentidu Estadu ba kualker asuntu ne’ebé iha interese nasionál, konaba komisáriu KAK, dezde uluk kedas FRETILIN hato’o tiha ona katak, ita presiza iha lista ida ne’ebé konsensual husi partidu sira hotu, ida ne’e de’it mak seidauk iha”,klarifika deputada FRETILIN, Joséfa.

Antes ne’e, vise xefi bankada FRETILIN mós deklara ona, FRETILIN sei buka figura ne’ebé mai husi prokurador jeral, ne’ebé haknaar an lor-loron ho servisu akuzasaun nian.

Enkuantu, Governu aprezenta ona kandidatu Sergio Hornai, hodi kompete ho eis komisáriu KAK Adérito Tilman, ne’ebé nia mandatu remata ona iha loron 15, fulan Jullu, tinan ne’e.Say

Add to Comments Here!!!!

error: Content is protected.
Secured By miniOrange
You might also like:
PM Taur apela sidadaun, Labele monu ba manobra polítika ukun nain sira

Primeiru Ministru (PM), Taur Matan Ruak,...

Mundu ho Tétun GMNTV 22 Setembru 2018

Prezidente TR rekuñese mosu lamentasaun ba rezultadu auditóriu ZEESM

Prezidente Tribunal Rekursu (TR), Deolindo dos...

Close