JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN krítika servisu adidu Korea Súl

FRETILIN krítika servisu adidu Korea Súl

Deputada bankada Frente Revolucionaria do Timor-Leste Independente (FRETLIN), Josefa Pereira, krítika ho servisu adidu Korea Súl ninian, tanba kuandu traballador ida mate iha ne’ebá, adidu laiha atu halo servisu para prosesa mate isin mai Timor-Leste.

“Ha’u hakarak husu de’it salariu ou subsidiu balun ne’ebé ita (Sekretariu Estadu Formasaun Profisional no Empregu/SEFOPE) fó ba adidu sira ne’e hira? tanba uluk ba Korea Súl ninian US$ 9 mil, entretantu adidu ne’e dalabarak pasa liu tempu iha Timor-Leste do que iha Korea Súl, ate ita hatene katak iha traballador ida que mate, nia iha ne’e hela, embaixada maka ambil alih, nia to’o iha ne’ebá buat hotu arumadu tiha ona,” deputada bankada FRETILIN ne’e liu husi ninia intervensaun polítika ne’ebé nia hato’o iha Parlamentu Nasional (PN), Segunda (03-08-2018).

Nia sujere ba SEFOPE, Julio da Silva atu nomeia ema ne’ebé sei sai adidu ba Korea Súl tenki iha kooperasaun ho embaixada, atu nune’e embaixada bele kotrola sira-nia atividade.

“Halo favor adidu sira ne’ebé atu nomeia ba iha ne’ebá, tenki iha kooperasaun ho embaixada, tanba sira mai Timor mós embaixada no reprezentante sira la hatene tan,” haktuir Josefa Pereira.

Sekretariu Estadu Formasaun Profisional no Empregu (SEFOPE), Julio da Silva, deklara, iha tempu badak nia laran, VIII Governu liu husi SEFOPE no MNEK sei buka medida ba aktu refere bele halo fali ninia knaar iha Korea Súl.

“Kona-bá adidu ba Korea Súl ninian loos duni, ami halo nomeasaun iha tempu badak sei desloka ba Korea Súl, maibé tuir prosesu ne’ebé maka agora la’o dau-dauk hela entre SEFOPE ho MNEK oinsa maka bele fó autorizasaun iha tempu badak, ita-nia adidu ne’e bele halo ninia knaar iha Korea Súl,” relata Julio da Silva.

Lee hotu :   Xanana Gusmão: Alterasaun lei anterior sei la fó fatin ba ema ida atu joga tun-sa’e ■FRETILIN sei vota kontra konteúdu tomak

Nia akresenta, tanba ne’e, agora dau-dauk servisu refere sei tutela hela ba embaixada Korea Súl hodi fó apoiu.

“Alende ida ne’e ita mós seidauk nomeia ita-nia adidu ba Australia, tanba kestaun orsamentu no estatutu orsamentu duodésimu, tanba ne’e ami seidauk bele haruka ba, agora dau-daun ita iha asistente adidu maka halo nia funsaun iha Australia, servisu hamutuk ho ita-nia embaixada atu bele tau matan provizoriamente ita-nia traballador sira, ami mós prevé ninia orsamentu ba OJE 2019 ninian, atu bele nomeia ita-nia adidu ba iha Australia,”informa Julio.ves

Add to Comments Here!!!!

error: Content is protected.
Secured By miniOrange
You might also like:
OJE ba PN bo’ot aprovadu, PPN hetan krítika

Orsamentu Jeral Estadu (OJE) 2018 ba...

OJE ba PR millaun US$3.5, Barak liu ba viajen estranjeiru

Parlamentu Nasional (PN) aprova ona orsamentu...

Forsa Rezerva PNTL Díli baku membru RENETIL

Membru Forsa Rezerva Munisípiu Díli baku...

Close