JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Retiru FRETILIN iha Viqueque, Defini estratéjia kompete iha eleisaun 2023

Retiru FRETILIN iha Viqueque, Defini estratéjia kompete iha eleisaun 2023

Lideransa nasional no munuispiu husi partidu historiku FRETILIN, durante loron rua,  husi Sabadu to’o Domingu (29-30/09/2018), konsentra iha Munisipiu Viqueque hodi tuur hamutuk tau hanoin ba malu atu defini estratéjia politika ba eelisaun jeral 2023.

Retiru ne’ebé hala’o iha salaun Paroquia Ti’I Lau Nossa Señora Imaculada da Conçeição, ho tema “Ampilar Inkluzasaun para Reforsa Demokrasia”.

Sekretariu Jeral Partidu FRETILIN, Mari Alkatiri hateten, objetivu husi retiru ne’e atu prepara estratégia partidu nian hodi kompete iha eleisaun tuir mai.

“Objetivu husi retiru ne’e atu define estratégia FRETILIN nian boot ba bebeik, para aban bainrua manan eleisaun hodi ukun fali rai ne’e hodi lori prinsipiu, no valores, tanba liberta ona pátria, prinsipiu sira ne’e adapta fali ba dezenvolvimentu nasional para liberta povu,” hateten Mari Alkatiri.

Mari Alkatiri hatutan, aleinde define estratégia partidu nian, iha retiru ne’e mos atu halo avaliasaun ba ba tinan 44 FRETILIN  nia ezistensia. FRETILIN moris iha tinan 1974, bubar tiha ASDT iha tinan 1974 hamoris FRETILIN.

“Fundadores FRETILIN ita hotu konhese, se maka se, maibe agora tinan 44 liu ona, fundadores foun sira balu komesa aparese, ne’e kala reinkarnasaun karik, ne’e maka realidade, FRETILIN kuandu bok an sempre bok ba bebeik no balu laran taridu, balu tama husi janela hakarak okupa uma, ne’e uluk akontese ona iha tinan 200 agora hakarak akontese fali iha tinan 2018, maibe ita labele preukupa ba ida ne’e, ita nia fokus para hametin nafatin FRETILIN, ita nia fokus maka ampliar inkluzaun para reforsar demokrasia,” afirma Mari Alkatiri.

Mari Alkatiri dehan, desde sira nain rua (red-Mari Alkatiri no Francisco Guterres Lu Olo atual Prezidenti RDTL) lidera FRETILIN liu husi dezafiu oi-oin, la’os fundador falsu sira hodi halo fali revolusaun.

Lee hotu :   PJR rejeita fó informasaun ba PR labele fó posse ba membru Governu pendente

Iha fatin hanesan, Adjuntu Sekretario Jeral Partidu FRETILIN, José Maria dos Reis, hateten, retiru ne’e ba dala rua ona, dahuluk hala’o iha Holarua, Municipiu Manufahi.

“Retiru ida ne’e hala’o mai husi hanoin sekretario jeral partidu nian, hodi konvoka fali retiru ida ne’e atu lori ami examina situasaun politika atual ne’ebe maka ho tema ampliar, inkluzaun para reforsar demokrasia, ne’e la’os kongresso ka komferensia atu foti medidas imediatas,” dehan  José Maria dos Reis.

Retiru ne’e hala’o durante loron rua nia laran, iha loron dahuluk avaliasaun ba eleisaun antecipada parlamentar periodio 2018-20123, iha loron segundu taka retiru ho komemorasaun transformasaun ASDT ba FRETILIN ba dala 44.

Iha retiru ne’e, Partidu FRETILIN konvida mos ninia aleadu Partidu Demokratiku, maibe partisipa deit iha loron daruak ninian. Partisipa iha retiru ne’e mai husi Kuadrus Partidu nian, tantu husi nasional no Municipal, atual Deputado FRETILIN V legislatura, eis membru VII Governu Konstitusional.

Maske partidu FRETILIN konvida Jornalista tantu nasional no municipal atu kobre informasaun ne’e, maibe komisaun organizadora fo asesu deit ba Jornalista sira iha sesaun primeiru ne’ebe maka abertura, iha sesaun segunda komisaun organizadora la autoriza media atu halo kobertura, tanba internal. mia

Add to Comments Here!!!!

error: Content is protected.
Secured By miniOrange
You might also like:
HABURAS VIDA ESPIRITUAL GMNTV Edisaun 40

2019, Governu sei harii komponente Aero

Governu daualu ne’ebé lidera husi Primeiru...

BrigJen Maunana inaugura uma ba Komponente Naval

Brigadeiru Jeneral (BrigJen) FALINTIL Forsa Defeza...

Close