JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Estrada difikulta komunidade Bobonaro

Estrada difikulta  komunidade Bobonaro

Prezidente interinu Autoridade Munisípiu Bobonaro (AMB), Julio Caeiro, informa, fasilidade infra-estrutura ne’ebé sai difikuldade ba komunidade munisípiu Bobonaro maka kondisaun estrada la favoravel, atu komunidade transporta ninia pordutu ba merkadu.

“Fasilidade públiku tolu (3) hanesan eletrisidade, bee moos no estrada iha munisípiu Bobonaro, estrada maka dau-daun ne’e sai difikuldade ba komunidade, tanba to’o agora kondisaun estrada Maliana Vila de’it ladu’un diak, iha postu barak mós nune’e, entaun susar wainhira komunidade hakarak lori sira nia pordutu ba merkadu”, Prezidente Interinu AMB ba jornalista sira hafoin remata enkontru ekipa Komisaun E Parlamentu Nasional (PN) ne’ebé trata asuntu infra-estrutura, iha ninia knaar fatin, edifisiu AMB, Maliana, Sesta (5-10-2018).

Nia esplika, fasilidade públiku 3, hanesan eletrisidade, bee moos no estrada ne’e AMB sei implementa faze por faze, la’os atu implementa hotu iha 2019, tanba tau prioridade uluk ba estrada, segundu maka bee moos.

“Iha munisípiu Bobonaro komunidade balun asesu bee moos ho diak, ih balun maka la’e, mais iha balun iha ona instalasaun bee moos, mais devit bee nia volume ne’e maka la to’o, nune’e to’o tempu maran, nia maran, mais to’o tempu ruma bee boot”,haktuir Julio Caeiro.

Prezidente interinu AMB ne’e, husu ba komisaun E PN atu rekomenda ba Governu tau atensaun ba eletrisidade, bee moos no Estrada iha munisípiu Bobonaro, tanba area 3 ne’e tama sai prioridade munisípiu Bobonaro nian no sai preokupasaun husi komunidade.

“Ami planeia ona tama iha ami nia planu asaun anual ba 2019, ami sei hatama hotu iha ne’ebá tuir ami koalia tiha ona ho komisaun E, katak ami sei fó prioridade liu ba bee moos, estrada ho eletrisidade”, haktuir Julio Caeiro.

Lee hotu :   Alkatiri autoriza Agio ba ratifika akordu FM • Laiha kontaktu ho Xanana

Hatan preokupasaun ne’e, prezidente Komisaun E PN, Abel Pires, informa, depois de remata halo relatoriu, Komisaun E PN sei halo karta ida ba Ministériu kompotente, para rezolve situasaun ne’ebé maka komunidade husi munisípiu Bobo­naro infrenta, hanesan ba asuntu eletrisidade, bee moos no estrada.

“Husi suku lubuk ida iha Bobonaro totalmente suku hotu hetan ona eletrisidade, maibé iha suku 12, aldeia 73 maka seidauk hetan, hanesan ita haree ba suku Colimau nian ne’e problema distansia, problema seluk veteranu sira hadau malu projetu, entaun prejudika komunidade sira, ba oin ha’u hanoin katak tenki rezolve, liu-liu tanba agora hela de’it máximu 25%, ita hein katak Governu sei rezolve”,haktuir Abel Pires.

Entretantu munisípiu Bobonaro kompostu husi postu administrativu ne’en (6), hanesan Maliana, Bobona­ro, Lolotoe, Balibo, Atabae no Cailaco, ho suku 50 no aldeia 193. ves

Add to Comments Here!!!!

error: Content is protected.
Secured By miniOrange
You might also like:
PNTL bandu lori atributu partidu simu Xanana

Polísia Nasionál Timor-Leste (PNTL), bandu ema...

HABURAS VIDA ESPIRITUAL GMNTV Edisaun.41

PGR seidauk bele fo komentariu ba prosesu Audítoria ZEESM

Prokuradór Jéral Repúblika (PGR) José Ximenes, ...

Close