JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN fó votus pezar ba vítima terramoto-Indonesia

PN fó votus pezar ba vítima terramoto-Indonesia

Liu husi votasaun iha uma fukun Parlamentu Nasional (PN), Tersa (2/10) ne’e, deside ona hodi fó votos pezar ba vítima akontesimentu terramoto (rai nakdoko-red) iha Palu, Donggal, Sulawesi, Indonesia, ho votus a favor 48.

“Ho akontesimentu ne’ebé iha Sulawesi Indonesia, tuir informasaun ikus mais 800 vítima, tanba ne’e maka ita hanesan país vijiñu senti akontesimentu ne’e afeta teb-tebes ba Estadu Indonesia, liu-liu ba vítima sira, tanba ne’e maka ita halo votos a pesar ida, atu fó ba sira no hanesan sujestaun husi deputadu sira, sei enkamiña karta ida ba embaixada Indonesia, para hato’o votos a pesar ne’e ba Governu no povu Indonesia nia koñesementu, katak TL mós senti saída maka akontese iha ne’ebá”, Prezidenti PN, Arão Noe ba jornalista sira iha uma fukun PN, Tersa (02-10-2018).

Nia esplika, terramoto ne’e, halo povu barak maka sai vítima, lakon família no sasan, situasaun ida ne’e grave teb-tebes, tanba ne’e, hanesan país viziñu lori povu nia naran, PN senti preokupadu ho situasaun ne’e.

“Hanesan país viziñu ida, tenki iha solidariedade ba malu no hein katak Governu, liu husi KM aban (ohin-red) bele iha desizaun ruma, apoia finanseira hodi hakma’an, liu-liu ba vítima sira ne’ebé hetan dezastre,” haktuir Xefi Órgaun Lejislativu ne’e.

Nia akresenta, ba sira ne’ebé maka mate ona, PN hato’o votos a pesar no ba sira ne’ebé maka sei moris, ho kondisaun kanek, moras, lakon uma no sasan hotu, presiza fó apoiu no mós fó soliedariedade ba situasaun ida ne’e.

Tuir Sekretariu Estadu Komunikasaun Sosial (SEKOMS), Mericio Akara, informa, iha kuarta (3/10) ne’e, Governu, liu husi Konsellu Ministru (KM) sei halo diskusaun, hodi fó apoiu solidariedade ba vítima sira, iha Sulawesi, Indonesia.

Lee hotu :   KM APROVA PROGRAMA MCC IMPLEMENTA IHA TL

“Ita akompaña, ita hatene, tanba ne’e maka aban (ohin-red) posibilidade KM sei iha enkontru ida, koalia kona-bá oinsa ita nia solidariedade ba Asia, hanesan uluk akontese iha Lombok, Indonesia wainhira rai nakdoko, ita desidi iha KM, ita fó ita nia apoiu, tanba ne’e maka ohin (horiseik-red), há’u dehan ba ita nia deputadu sira aban (ohin-red) Governu sei deskuti no foti desizaun”,relata Mericio Akara.

Antes ne’e, Governu liu husi KM fó ona apoiu finanseira ba vítima terramoto sira iha Lombok, Indonesia. Entretantu terramoto iha Palu Sulawesi, Indonesia ne’e akontese iha loron 28, fulan Outubru ne’e. ves

Add to Comments Here!!!!

error: Content is protected.
Secured By miniOrange
You might also like:
Polémika fundadór FRETILIN Abilio Araújo: “FRETILIN povu Timor-Leste nian”

Sekretariu Jeral Partidu FRETILIN, Mari Alkatiri...

Timor-Leste sosa asaun ConocoPhillips 30% ■Xanana:Ha’u-nia responsabilidade defende povu

Reprezentante espesiál Governu Timor-Leste, Kay Rala...

TL lidera enkontru SEAMEO INNOTECH, Aprezenta kriatividade materiais prátika ba siensia

Timor-Leste lidera enkonrtu Konsellu diretiva organizasaun...

Close