JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo lamenta PN kansela vizita ba vatikanu

PR Lú Olo lamenta PN kansela vizita ba vatikanu

Prezidente Repúblika (PR), Francisco Guterres Lú Olo, lamenta ho bankada apoiu Governu, Aliansa Maioria Parlamentar (AMP) kansela vizita Estadu Prezidente Repúblika, Francisco Guetrres L’u Olo, ba Vatikanu, tanba halakon oportunidade diak ne’ebe mak Vatikanu fó ba Timor-Leste.

“Tanba Parlamentu Nasional vota kontra vizita Estadu ne’e, Xefe Estadu Timor-Leste lakon oportunidade atu konvida pesoalmente Sua Santidade Amu Papa atu vizita ita-nia rain, iha tinan 2019, tinan ida ne’ebé ita sei selebra aniversáriu data istórika importante rua, ida mak 12 Outubru, aniversáriu ba dala tolu nulu, Sua Santidade Amu Papa João Paulo II vizita Timor-Leste. E ida seluk mak 30 Agostu, loron aniversáriu Referendu
ba dala 20. Prezidente Repúblika lamenta teb-tebes ho desizaun maioria AMP nian iha Parlamentu Nasional, hodi halakon oportunidade di ‘ak ida ne’e. Horseik (Segunda-Red) Parlamentu Nasional vota kontra dala ida tan ha’u nia vizita ba rai-liur ho razaun katak Prezidente Repúblika tenke rezolve uluk situasaun impasse iha rai-laran. Vota kontra ne’e mai ho forsa maioria nian, hosi deputadu 35 hosi partidu CNRT, PLP, KHUNTO, UDT no Frente Mudansa ,” deklara Prezidente Repúblika iha nia deklarasaun eskrita ne’ebe mak lee husi xefi kaza sivil Palacio Prezidensiál, Francisco de Vas Conselhos, iha Palasio Prezidensiál Bairo Pite, Díli Tersa (06/11/2018).

PR Lú Olo, haktuir katak, vizita Estadu ba estanjeiru atu hametin diak liu tan relasaun Internasional ne’ebe importante tebes, tanba atu buka hetan rai sira seluk nia tulun oinsa lori dezenvolvimentu ba oin no hamenus kiak no mukit ita nia rai doben ida ne’e.

“Estadu Vatikanu espesial tebes mai TL tanba iha signifikadu rua mak hanesan núdar sidade Estadu no núdar Santa se Sede Igreja Katólika nian. No tuir PR Sua santidade Amo Papa Francisco mak Xefe de Estadu no ukun Estadu Vatikano ho kbiit hotu-hotu no nudar atual supreme Igreja Katólika nian iha mundu tanba ne’e ho onra no orguillho tebes bainhira simu informasaun katak Estadu vatikanu simu pedidu PR atu hasoru malu ho Sua Santidade Amo Papa Francisco ne’ebe tuir planu sei realija enkontro iha loron 23 fulan Novembru tinan ne’e iha oras tuku 10,” afirma PR Lú Olo.

Lee hotu :   POVU SIMU XANANA NUDAR HEROI BOOT

Xefe Estdu haktuir, Parlamentu Nasional, vota Kontra vizita ne’e Xefe Estadu nian ne’e TL sei lakon oportunidade atu konvida pesoalmente Sua Sentidade Amo Papa atu vijita mai TL iha tinan 2019 tinan ida ne’ebe mak TL sei selebra loron importante rua mak hanesan 12 Outubru aniversariu ba dala 30 Sua Santidade Papa João Paulo II vizita TL nomos loron 30 fulan Agusto loron aniversariu referendum ba dala 20.

“Ho onra no orgullu tebtebes mak ha’u simu informasaun katak Estadu-Vatikanu simu ha’u nia pedidu atu hetan malu ho Sua Santidade Amu Papa Francisco. Enkontru ne’e atu realiza iha loron 23 Novembru, 10 horas. Tuir Nota Verbal no enkontru ho Monseñor Joseph Marino, Núnsiu Apostóliku ba Timor-Leste no , Vatikano marka mós enkontru ida entre Prezidente Repúblika Timor-Leste ho Kardeal Pietro Parolin, Sekretáriu Estadu Vaticano nian, titular ba kargu hanesan ho Primeiru Ministru no mós Arsebispu Monseñor Paul Gallagher, titulár ba kargu hanesan Ministru Negósius Estranjeirus,”haklaken PR Lú Olo.

Relasaun internasionál ne’e importante teb-tebes atu ita buka-hetan, ho rai sira seluk nia tulun, oinsá lori dezenvolvimentu ba oin no hamenus kiak no mukit iha ita-nia rai doben.

“Haree ba importánsia lori Timor-Leste ba mundu no lori mundu mai Timor-Leste mak ha’u, tuir Konstituisaun haruka, husu autorizasaun hosi Parlamentu Nasional atu aprova ha’u-nia vizita-de-Estadu ba Portugal no Vatikanu no vizita deTraballu ida ba Nasoens Unidas no Indonézia, segunda vizita, iha tinan 2018.

Nia haktuir, vizita Papa nian iha tinan 1989 dada liután atensaun internasionál ba Povu Timor-Leste nia terus no hasa’e liután apoiu ba ita-nia luta libertasaun nasional. Liuhosi dalan oioin, Igreja Katólika kontribui mós ba mobiliza no enkoraja Povu atu vota iha Referendu 1999.

Lee hotu :   PFM, UDT no PUDD forma koligasaun hasoru EA

“Ha’u fó hanoin katak iha tempu rezisténsia, Igreja Katólika sai nu’udar komponente ida ba ita-nia rezisténsia kulturál.
Ha’u fó hanoin mós katak manifestasaun públika ba dahuluk, iha 12 Outubru1989, hafoin missa papá, iha Tasitolu, mak loke dalan foun ida, ne’ebé efetivu tebtebes, atu hato’o ita-nia luta ba komunidade internasional. Konstituisaun RDTL rekoñese papel Igreja Katólika nian, iha ita-nia luta libertasaun nasional no, nune’e, órgaun soberania hot-hotu tenke hatuir ita-nia Lei inan,”afirma Karta ne’e.

PR Lú Olo fiar katak vizita rua ne’e sei hasae liután forsa espirituál maioria Povu nian no hametin no haburas liután relasaun Timor-Leste nian ho Santa Sé no Estadu Vatikanu.

“Ha’u fó hanoin mós katak, iha 14 Agostu 2015, Primeiru Ministru Timor-Leste no reprezentante Vaticano assina Konkordata, iha Dili. Tratadu internasional ne’e refere ba ámbitu espirituál no mós ba edukasaun, solidariedade no fó asisténsia ba vulnerável sira. Liuhosi Akordu ne’e, Estadu Timor-Leste rekoñese ezisténsia no direitus Igreja Katólika no katóliku sira-nian, iha Timor-Leste. Parlamentu Nasional, liuhosi Rezolusaun n. 18/2015, ratifika Konkordata ne’e iha 26 Outubru 2015 no, Jornal Repúblika publika Rezolusaun ne’e, iha 11 Novembru 2015, esklarese Xefe Estadu.

Rejultadu votasaun ba ajenda viajen PR Lú Olo ba vatikanu ne’e, hetan vota kontra 35, a favor 26 no abstensaun 0, tanba ne’e aprovadu PN kansela planu vizita Estadu PR ba Roma-Vatikanu.

Antes ne’e PN kansela viajen PR, Francisco Guterres ‘Lú Olo’, ne’e ba dala-tolu ona, hanesan ba Amérika, Portugal, Indonézia, inklui atu ba vatikanu hamutuk ba dala-hat ona. Ola

Add to Comments Here!!!!

error: Content is protected.
Secured By miniOrange
You might also like:
HABURAS VIDA ESPIRITUAL GMNTV Edisaun 45

City Fetures GMNTV Edisaun 17

JORNAL NACIONAL GMNTV KALAN, Loron-5 Fulan-Novembru tinan 2018

<iframe width="644" height="362" src="https://www.youtube.com/embed/VK89N9XM0ok" frameborder="0" allow="accelerometer;...

Close