JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sosa asaun ConocoPhillips, Xanana sujere PN altera lei aktividade petróliferu

Sosa asaun ConocoPhillips, Xanana sujere PN altera lei aktividade petróliferu

Atu sosa asaun 30% husi kompaña internasional ConocoPhillips, iha Tersa (6/11) ne’e, Xefe Negosiador Prinsipal ba Fronteira Marítima (FM), Kay Rala Xanana Gusmão, sujere ba Parlamentu Nasional (PN) altera lei aktividade petrolíferu kuarta maxima 20%, atu nune’e la presiza sosa asaun 30% liu husi Orsamentu Jeral Estadu (OJE) 2019.

“Ha’u mós fó ha’u nia opiniaun, katak loos duni ita tenki reve no altera lei  kuarta maxima 20% ne’e, ita tau nafatin 20% laiha buat ida, mas fó esesaun katak la aplika iha kazu ne’ebé iha tranzasaun komersial nian, hanesan ita halo hela ho ConocoPhillips, tanba ita halo ne’e 30%, ne’e upstream, tanba ita iha lei 3, kona-bá mina rai, lei ida maka lei fundu petróleu, lei ida maka aktividade petrolífera ne’ebé koalia dau-dauk ne’e, lei ida fali maka kona-bá downstream,” Negosiador Prinsipal ba FM, Xanana Gusmão ba jornalista sira iha resintu uma fukun PN, hafoin remata audénsia ho komisaun C no D, iha salaun konferensia PN, Tersa (06-11-2018).

Nia akresenta, sujestaun atu halo alterasaun ba lei aktividade petrolíferu kuarta maxima 20%, ne’e ho intensaun atu autoriza Timor Gap sosa asaun ConocoPhillips 30%, ne’ebé antes ne’e asina tiha ona iha Bali-Indonesia.

“Alterasaun lei ne’e para autoriza Timor Gap atu sosa asaun 30% ne’e, atu selu ba ConocoPhillips ne’e ha’u la hatene ita boot sira rona ona ka la’e, maibé ha’u husu ona ba Governu atu tau dolar amerikanu millaun 350 iha OJE 2019, tanba ida ne’e maka iha lei FP, iha artigu 15 koalia kona-bá investimentu FP, investimentu FP to’o agora iha investe iha Born Amerikanu no iha Ecuitis,” haktuir Negosiador Prinsipal FM ne’e.

Lee hotu :   FDD fo posse ba estrutura Ainaro • Agustinho promete la buka pozisaun

Nia esplika, audensia públika ho Komisaun C no D iha PN ne’e, koalia kona-bá lei alterasaun aktividade petrolíferu ninian, tanba iha lei aktividade petrolíferu, temi katak Estadu fó autorizasaun ba entidade públika, pesoas kolektiva hanesan Timor Gap ho kuatra maxímu 20%.

“Ami haree katak lei aktividade petrolíferu ne’e lei ida iha 2005 ninian, tanba ne’e responde ba momentu konjuntura iha 2005 ne’ebá, ohin 2018 iha ona progresu husi buat oi-oin kona-bá aktividade petrolíferu, tanba ne’e maka ita haree 20% ne’e tenki kurizi karik,” informa Xanana Gusmão.

Antes ne’e, Xefi Negosiador Prinsipal FM, Kay Rala Xanana Gusmão, asina ona akordu ho ConocoPhillips hodi sosa asaun 30% ConocoPhillips ba Greater Sunrise iha kampu petróleu no gas.

Entretantu tuir ajenda wainhira halo tiha audénsia públika ho komisaun C no D, loron tuir mai Komisaun C no D halo relatóriu, aprezenta iha reuniaun lider bankad no sei konvoka ajenda ba plenária. ves

Add to Comments Here!!!!

error: Content is protected.
Secured By miniOrange
You might also like:
CAFI indetifika projetu 46 laiha kontratu

Conselho de Administração do Fundos de...

Fundu Minarai sae ba US$17,16 Billaun

Banco Central Timor-Leste (BCTL), Tersa-feira nee...

Xanana Gusmão: PR Lú-Olo komprende liu Konstituisaun

Prezidente Partidu Congresu Nacional Rekonstrusan Timorense...

Close