JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN vota kontra OJE sosa asaun ConocoPhillips ho Shell ■Fidelis: Preokupasaun FRETILIN la los

FRETILIN vota kontra OJE sosa asaun ConocoPhillips ho Shell ■Fidelis: Preokupasaun FRETILIN la los

Vise Xefi bankada Frente Revolucionario do Timor-Leste Independente (FRETILIN), Francisco Miranda Branco, deklara, pozisaun bankada FRETILIN vota kontra proposta Governu tau verba millaun USD 650  iha Orsamentu Jerál Estadu (OJE) 2019 hodi sosa asaun ConocoPhillips ho Shell iha Greater Sunrise (GS), tanba prosesu akizisaun ne’e nakonu ho segredu no laiha transparansia ho órgaun soberanu sira.

”Depois buat hotu konsumadu no loos hotu ona maka Governu foin fahe ba deputadu sira, maibé dokumentu sira ne’e inkompletu, saída maka presiza ami asesu maka estudu viabilidade kona-bá estrasaun industria petrolífera ho ninia konsekuensia hotu, la’os saída maka dokumentu ne’e hatudu”,Vise Xefi bankada FRETILIN liu husi konferensia imprensa iha resintu uma fukun Parlamentu Nasional (PN), Sesta (21-12-2018).

Nia esplika, prosesu akizisaun ne’e la tuir mós konsituisaun RDTL, artigu 70 ne’ebé hateten katak opozisaun iha direitu atu hetan informasaun husi Governu no sira ne’ebé kaer ukun atu bele partisipa mós iha kestaun ne’ebé importante ba Estadu.

“Prosesu akizisaun ne’e mós viola Lei Atividade Petrolífera, liu-liu Artigu 22. Governu nia desizaun atu altera lei ida ne’e hodi lejitima aktu ilísitu iha prosesu sosa asaun iha Greater Sunrise, la’ós medida ne’ebé loos no kontraria ho ita nia norma atu respeita lei no konstituisaun”, haktuir Francisco Branco.

Nia akresenta, partidu opozisaun FRETILIN no PD dalabarak ona eziji katak estudu hotu-hotu ne’ebé hala’o relasiona ho mina-rai no tasi mane, reprezentante povu presiza asesu, maibé realidade to’o agora rezultadu estudu viabilidade ba kampu Greater Sunrise ne’e, deputadu sira seidauk asesu.

“Ami simu ona USB ida husi ofisiál governu nian, ne’ebé mai ho dokumentu 5 no vídeo 3, infelizmente, USB ne’e la inklui dokumentu ruma ne’ebé bele duni responde ba deputadu sira nia preokupasaun, la inklui informasaun foun kona-bá estudu viabilidade ba kampu Greater Sunrise, hanesan Deep Gulf, Poten & Partners no Wood Mackenzie”, relata Vise Xefi bankada FRETILIN.

Lee hotu :   TR anunciou resultado do sorteio dos partidos candidatos às eleições

Hatán ba preokupasaun ne’e, Ministru Reforma Lejislativa Asuntu Parlamentar (MRLAP), Fidelis Magalhães, hateten, kona ba susesu, buat balun tenki segredu, bainhira sei iha prosesu negosiasaun nia laran, maibé iha debate orsamentu ba Ministériu Petroleu no Rekursu Minerais (MPRM), Governu fahe ona rezultadu estudu ba deputadu sira  kona-bá kampu Greater Sunrise. “Opiniaun ida hanesan ne’e (FRETILIN) la los”,dehan Fidelis.

Iha debate OJE espesialidade ba orsamentu ANPM nian, Ministru Estadu Konsellu Ministru, Agio Pereira, hatete, estudu viabilidade Governu hirak ne’ebé maun Xanana lidera hala’o hotu ona. Tanba ne’e para Timor-Leste mos bele ba tur ona iha meja leten hanesan ho kompañia joint venture sira hanesan Woodside no Osaka Gas.

“ConocoPhillips hakarak floating LNG ba Darwin, lakohi mai Timor-Leste, maibe Timor-Leste hakarak mai Beasu. Tanba ne’e importante ita Timor-Leste mos bele ba tur iha meja leten hodi koalia ho sira, tanba ita mos iha ona asaun. Ne’ebé desizaun sosa asaun husi kompañia Conoco ho Shell diak teb-tebes”,dehan Agio Pereira iha Parlamentu Nasional, bainhira hatán preokupasaun deputadu.

Entretantu, antes ne’e, asina ona akordu ho kompañia ConocoPhillips hodi sosa asaun 30 % ho osan USD tokon 350 iha fulan setembru, alende ne’e Estadu mós asina ona akordu ho kompañia Shell hodi sosa asaun ho montante USD tokon 30 ho porsentu 26.56, iha Bali-Indonézia  iha fulan Novembru, tinan ne’e. ves

 

Add to Comments Here!!!!

error: Content is protected.
Secured By miniOrange
You might also like:
GRANDE ENTREVISTA, Loron-20 Fulan-Dezembru Tinan-2018, Asuntu: SIGNIFIKADU NATAL

JORNAL NACIONAL GMNTV MEIU DIA, Loron-21 Fulan-Dezembru Tinan-2018

JORNAL NACIONAL GMNTV MEIU DIA, Loron-20 Fulan-Dezembru Tinan-2018

Close