JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Fulan lima tan mandatu Alkatiri remata iha RAEOA ■ Deputadu sira kestiona nia servisu

Fulan lima tan mandatu Alkatiri remata iha RAEOA ■ Deputadu sira kestiona nia servisu

Prezidenti Rejiaun Administrativa Espesial Oe-Cusse Ambeno (RAEOA), Mari Alkatiri afirma, pesoalmente sei ko’alia ho Primeiru Ministru (PM), Taur Matan Ruak kona-bá ninia mandatu nu’udar Prezidenti RAEOA, ne’ebé hela fulan lima (5) de’it atu remata ona.

“Kona-bá ha’u nia mandatu hanesan Prezidente RAEOA, ne’e ha’u ho Primeiru Ministru (PM), Taur Matan Ruak maka sei trata buat ne’e, ha’u seidauk ko’alia ho PM, ha’u mai ko’alia ho média ne’e ladún loos ida”, Mari Alkatiri ba jornalista sira iha uma fukun Parlamentu Nasional (PN), Kuarta (27-02-2019).

Tuir dadus líder máximu RAEOA ne’e simu pose husi eis Prezidenti Repúblika (PR), atual PM, Taur Matan Ruak, iha loron 30, fulan Jullu, tinan 2014 no sei remata iha loron 30, fulan Jullu, tinan 2019.

Enkuantu Prezidenti RAEOA, Mari Alkatiri simu ninia mandatu tuir lei 3/2014, ne’ebé aprova ho unanimidade husi órgaun PN, iha III lejislatura no promulga husi eis PR, Taur Matan Ruak.

Antes ne’e mós deputadu bankada Partidu Demokrátiku (PD) sujere ba Governu atu mantein Mari Alkatiri nu’udar Prezidenti RAEOA.

Nune’e mos, Prezidente RAEOA, Mari Alkatiri, sei koalia ho Governu sentral atu haree falansu ka problema ne’ebé akontese iha Zona Espesial Ekonomia Sosial Merkadu (ZEESM).
“Ami mak sala ita hotu mak sala ka problema Oecusse buat realidade foun ida balun ha’u sempre krítika governu sentral uluk, tanba sa la halo lei divizaun administrativa no nusa halo lei tributaria haluha tiha Oecusse”, Prezidente RAEOA, Mari Alkatiri.
Maske nune’e Prezidente RAEOA rasik tenta atu kompriende tanba realidade foun no foin moris seidauk iha prosedimentu klaru atu separa autonomia integral konta jeral únika labele iha konta jeral ida ba nasional ida ba rejional la iha so únika se kualker buat hotu.
“Falla la konsege intrega tenke rezolve labele hatete deit Oecusse mak sala, hotu-hotu la sala, ha’u agradese ba Kámara Kontas tanba halo ami esforsu la’o lalais liu hodi defini prosedimentu”,esplika Alkatiri.
Deputadu kestiona Alkatiri nia servisu

Nune’e mos, durante audíensia ho deputadu sira komisaun C no G iha Parlamentu Nasionál, Prezidente Komisaun G, Albina Marçal, kestiona nia servisu kona-ba ajudikasaun direta iha prosesu konstrusaun hotel Pante Makassar no konstrusaun ponte Tono, ne’ebé detekta mosu irregularidade, bazeia ba relatóriu Kámara Kontas nian.

Lee hotu :   Arão Noe: Eis deputadu nain rua entrega ona prado, 30 resin seidauk

“Iha ajudikasaun konstrusaun hotél iha Pante Makassar ho empreza Timor Kapital Partners, iha evidénsia katak, grave irregularidades, ne’ebé deskrita iha relatóriu auditória Kâmara Kontas, no ida seluk kona-ba konstrusaun ponte Tono, ne’ebé mak ami rona husi Kâmara Kontas katak, auditória iha irregularidade ne’ebé mak bo’ot, no iha mós pagamentus illegais ba individus total rihun USD 30”, kestiona Albina Marçal iha Parlamentu Nasionál (PN) ho Prezidente Rejiaun Administrativa Espesial Oe-cusse Ambeno (RAEOA) Marí Alkatiri bainhira hala’o audíensia públiku, hodi diskute kona-bá konta jerál Estadu Zona Espesial Ekonomia
Sosiál Merkadu (ZEESM) RAEOA.

Hatan ba kestaun ne’e, Prezidente RAEOA, Marí Alkatiri hateten, nia parte lakohi fó komentáriu barak, tanba sei hein rezultadu final husi Kámara Kontas.

“Auditória Kâmara Kontas foin dada’un dia 13 ne’e ami haruka ona resposta ba Kâmara Kontas. Ne’eduni ita hotu bele hein oituan, to’o Kâmara de Kontas apresia ami nia respota, sei haruka relatório final mai iha PN, re-integra dehan pagamentus illegais, no buat hotu rezolvidu ba ha’u, Kâmara de Kontas bele dehan katak, seidauk rezolvidu. Tanba ne’e mak ha’u lakohi antisipa uluk rezultadu Kâmara de Kontas nian ne’e, ha’u sei la hatan ba buat sira ne’e, partikularmente bainhira enkontru liga ba relatóriu Kâmara de Kontas nian”,dehan Marí Alkatiri.

Eis Primeiru Ministru ne’e afirma, autoridade ho parte relevante servisu hela atu oinsa, bele kria estatutu fundu espesial ba dezenvolvimentu, hodi nune’e labele konfundi sala iha konta fundu dezenvolvimentu ho konta jerál ZEESM RAEOA nian.

“2014 laiha prátikamente orsamentu espesífiku iha RAEOA, orsamentu ba ZEESM nian, iha duni tutela Ministru da Prezidénsia Konsellu Ministru, despezas hotu selu husi ne’eba. Outubru 2014 mak transfere kuaze miliaun USD 20 resin ba RAEOA, ne’e mak fundu espesial ba dezenvolvimentu. Agora ami servisu hela atu kria estatutu espesial ba fundu dezenvolvimentu, para labele halo konfuzaun ba konta fundu espesial ba dezenvolvimentu, no konta jerál RAEOA ZEESM nian”, relata Alkatiri.

Lee hotu :   Komemora loron 30 Agostu, PN kongratula Povu no veteranu TL

Fundu espesial ba dezenvolvimentu ne’e, investimentu ba komersial, no hotél Autoridade ZEESM konsidera hanesan fundu dezenvolvimentu, maske iha orsamentu própriu, komersiais, para bele iha retornu finanseiru direitu, para fundu kapital dezenvolvimentu ne’e bele buras.

“Fundu espesial dezenvolvimentu nia osan la’os USD 14 milloens, relatório ne’e kompletu sei entrega iha ne’e”, relata Prezidenti RAEOA ne’e.

Eis Primeiru Ministru ne’e husu ba Prezidente Tribunal Rekursu, atu bele disponibiliza hodi kapasita instituisoens hotu bele iha auditória internal rasik.

“Ami husu mós, tanba ne’e Kâmara de Kontas nia estatutu mós hatúr iha ne’e, atu Kâmara de Kontas disponibiliza hodi halo formasaun ba ami nia kuadrus sira. Ne’e pedidu ida ne’ebé ha’u asina ona hodi husu ba Kâmara de kontas. Ha’u dehan ona dala ba Prezidente Tribunal Rekursu atu bele iha mós instituisaun ida-idak, dezenvolve nia kapasidade rasik atu halo auditória interna. se iha auditória interna, auditória Kâmara de Kontas mós ita lahalo tan buat ida, ne’e ita tinan tomak hein de’it auditória sira ba, pelumenus fulan tolu ou haat atu servisu hamutuk ho sira. Ida hanesan Oe-cusse, auditória kuandu ba Prezidente mós, tenki fó atensaun, presiza auditória esterna mós, di’ak liu Kâmara de Kontas kontas mak kontratu”, tenik Marí.

Sekretáriu Jerál Partidu FRETILIN ne’e akresenta, maske iha opsoens barak ba free balance, maibe nia parte prefere defende sistema dezenvolvimentu Oe-cusse nian, tanba bele sai referensia ba Munisípiu sira seluk.

“Ha’u rasik husu atu kria sistema free balance iha Oe-cusse, maske ha’u hatene katak, agora iha opsoens tolu ka haat, maibé ha’u nia opsaun, sei ita iha Oe-cusse fahe ida ZEESM ida RAEOA, ne’e ita halo konfuzaun iha faze ida ne’e. Faze 2015-2030 mak fahe, Oe-cusse sai laboratóriu no sai referensia hotu ona, tanba ZEESM la’os rai pedasuk ida, maibé territóriu tomak, atu hahú kria modelu foun ba dezenvolvimentu, no modelu foun ba jestaun mais inkluzivu, ne’e mak ita bolu sosial merkadu ne’e, para aban bainrua bele sai polítika nasionál, para fó benefísiu ba Timor-Leste tomak, la’os Oe-cusse ba tan Baucau, ba tan fatin seluk. Bainhira hahú prosesu ne’e, ha’u hili Enklave Oe-cusse para fasil liu atu fó benefísiu ba hotu-hotu”, relata Alkatiri.

Lee hotu :   Rejeita fó komentáriu ba CNRT sai vítima, PM Taur:AMP nafatin iha unidade

Líder másimu REAOA ne’e haktuir, pakote estrada no aeroportu, ne’ebé foin atu hahú konstrusaun, sei presiza orsamentu ne’ebé bo’ot, tanba iha ponte lubuk ida inklui mós ponte ida bo’ot liu Noefefan.
“Para atu kontinua ho projetu sira la’o dadaun ne’e, estrada pakote rua ho aeroportu, lolos tinan-tinan tenki aloka tan osan hanesan ba fundu infra-estruturas, tenki aloka tan ba projetu sira ne’e, para labele obriga fali Autoridade RAEOA foti fali osan husi projetu seluk, para bele selu fali projetu sira ne’e, tanba laiha dívidas, hanesan estrada Citrana Oesilo ne’e, ita tau USD 40 etal mil dólar, signifika osan ba Citrana ho Oesilo menus. Pakote primeiru estrada Noefefan Citrana de’it USD 80 milloens ona, tanba estrada ne’e sei liu husi ponte 10, estrada ne’ebé sei karun, maibé tenki halo ona, sela’e tempu udan populasaun lakonsege mai to’o Pante Makasar, tanba mota. Sei iha mós ponte ida agora atu komesa ne’e bo’ot liu tan ponte Noefefan. Hadia de’it sidade Pásabe, Baoknana no Nítibe de’it hamutuk prezisa tan USD 100 mil”, informa Alkatiri.

Tuir Alkatiri, iha sistema RAEOA nian, retensaun ne’e, osan tenki iha ne’eba, tanba osan ne’e empreza nian ona, retensaun la’os dehan hein to’o tinan mak selu la’e, ne’e tenki selu kedas, kuandu direitu ona atu simu, tenki simu retensaun. Retensaun osan hira, pagamentu ba estrada sira no aeroportu sira ne’e hira, ne’e kompletu iha relatóriu.

Enkuantu, relatóriu auditória ba Zona Ekonómia Espesial Sosial Merkadu RAEOA, Kâmara de Kontas publika iha fulan Dezembru tinan 2018.ety/say

Add to Comments Here!!!!

error: Content is protected.
Secured By miniOrange
You might also like:
DIA 27/02/19 || GMNTV LIVE STREAM || JORNAL NASIONAL KALAN

DIA 28/02/19 || GMNTV LIVE STREAM || DADER KMANEK

PN kestiona kordenasaun Ministériu Edukasaun-UNTL

Parlamentu Nasional (PN) kestiona relasaun servisu...

Close