JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PD husu líder sira diálogu, CNRT konsidera la presiza

PD husu líder sira diálogu, CNRT konsidera la presiza

Prezidenti Bankada Partidu Demokratiku (PD), Antonio da Conceição hatete, husi uluk lider sira luta hodi lori moris iha liberdade,  tanba ne’e husu ba  lider nasaun nian atu diálogu hakotu impase polítiku. Maske nune’e bankada CNRT liu husi deputada Virgínia Ana Belo, hatete AMP la presiza ona halo diálogu.

“Partidu Demokratiku sei iha hela nia primeiru anu governasaun, governu sei habiban, atu desidi nia prioriedade nasionais iha Orsamentu Jeral tuir mai, buat ne’ebé  governu presija maka husu atu ita, fo oportunidade ba nia membru sira, hahu sira nia funsaun, nune’e bele lori dadaun servisu ba povu  no rona mos povu nia lian, atu hahu hare ba problema reais sira ne’ebé ,  no buka mo estratéjia  hodi halao atividade sira”,dehan Antonio  liu husi deklarasaun politika iha plenária apresiasaun ba Orsamentu Jeral Estadu tinan 2019, Kinta (31-01-2019) iha Parlamentu Nasional.

Nia afirma, hanesan mos uluk no ohin sei nafatin, Bankada PD sei fo apoiu ba Governu hodi hálao  nia kna’ar , Bankada PD apoia OJE ida ne’e, hanesan instrumentu ida vital tebes ka importante tebes, atu nafatin garante funsionamentu  makina do estadu,  no halo prestasaun servisu ba povu, nomos promove, dinamiza no dezenvolve ekonomia Nasaun nian.

“Bankada Demokratiku husu Aman sira Nasaun nian tur hamutuk ba, koalia no hanoin hamutuk ba no dehan mai, ami tenki halo tan saída?, no ami mos tenki oinsa?, Bainhira, ami dehan ami, ami jerasaun sira ohin moris ona iha periodu ukun rasik aan eh independensia, no hatene ukun aan husi istória, maibé karik mos la koko moruk eh terus ne’ebé  imi koko, hahu kedas husi imi hakarak, atu timor leste independente, tanba  imi luta ba timor leste, atu sai independeti, no imi nafatin projeta timor leste nia ukun rasik aan, lolos katak, Nasaun livre no nia povu tenki livre,  ami laiha kbiit atu hanorin, basa imi nia esperensia sira sai ona lisaun ne’ebé  ami atu aprende no ami tenki hatutan” akresenta Prezidenti Bankada Demokratiku ne’e.

Lee hotu :   CNRT konsidera, Alegasaun kona-ba dívida billaun US$1.6, Propaganda polítika falsu

Enkuantu sorin seluk, deputada Virgínia Ana Belo hatete, la presiza tan diálogu ona. Tanba diálogu ne’ebé  Prezidenti Repúblika husu atu hakotu impasse polítiku, no Xefi Estadu foti ona desizaun ba Eleisaun Antesipada, hodi povu fo fiar ona ba AMP hodi kaer ukun, hodi forma Oitavu Governu Konstitusional.

“Tanbasa mak tenki hetan diálogu, enkuantu povu fó fiar ba AMP, liu husi eleisaun antesipada,  tanba ne’e  CNRT no AMP sei la tur hodi halo diálogu ba asuntu sira ne’ebé  rezolve tiha ona, liu husi eleisaun antesipada, CNRT mos simu desizaun povu nian, nune’e ami husu nafatin ba Prezidenti Repúblika atu respeita mos desizaun povu nian”,salienta Virgínia.oly

 

Add to Comments Here!!!!

error: Content is protected.
Secured By miniOrange
You might also like:
Ana Gomes: La’os Marvi mak hapara ha’u

Eis Manager ka jestor vensedora The...

JORNAL AS 12 GMNTV, Loron-31 Fulan-Janeiru Tinan-2019

JORNAL NACIONAL GMNTV KALAN, Loron-30 Fulan-Janeiru Tinan-2019

Close