JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN laiha koñesimentu deputada FRETILIN uza kupon Estadu enxe mina ba kareta privadu

PN laiha koñesimentu deputada FRETILIN uza kupon Estadu enxe mina ba kareta privadu

Deputada bankada, Fretilin Maria Anabela Savio, hatete nia prontu hatan iha tribunal relasiona ho publikasaun iha pájina ofisiál AMP nian nebe halo akuzasaun ba nia uza kupon mina estadu nian enxe mina ba kareta privadu.

Deputada bankada opozisaun FRETILIN hato’o lia hirak nee iha dekarasaun politika, Segunda (15/04), iha Parlamentu Nasional.

 “Ha’u lamenta tebes ho akuzasaun falsu ida ne’e no deziludida ho ha’u nia kolega deputadu AMP sira nebe kontribui ba lia bosok ida ne’e. Ida ne’e kalúnia no hatudu sira nia dezonestidade, kolega deputadu sira, ita hotu-hotu hatene malu, tanba ita servisu hamutuk. Ita hotu-hotu hatene kona ba prosedimentu atu hetan kupon mina nian hodi fasilita ita nia servisu halo fiskalizasaun nudár deputadu. Uza kupon enxe karreta privadu atu halo fiskalizasaun mós parte ida husi prosedimentu ida ne’e,” dehan Maria Anabela iha PN.

Deputada ne’e hatutan iha semana kotuk enxe mina ba kareta nebe uza hodi halo servisu parlamentu nian no parlamentu fasilita mina hodi halo servisu, ne’e tuir prosedimentu hotu hotu atu hetan kupon ida ne’e.

“Hau sei la uza hau nia imunidade nudár membru parlamentu atu subar husi lei. Hau nia kamarada sira husi Bankada FRETILIN mos sei fó forsa ba hau atu halo tuir buat ne’ebe loos, hodi fó fiar ba ita nia lei no koopera ho justisa. Ha’u garante ida ne’e ba ha’u nia kolega sira hotu iha Uma Fukun ida ne’e. Kolega sira, hau sei koopera ho lei atu fo informasaun hotu-hotu, liuliu kona ba irregularidade saida deit mak mosu relasiona ho utilizasaun ba kupon mina nian. Hau hatene, iha Uma Fukun ida ne, se mak uza kupon mina nian hodi enxe familia sira nia karreta atu uza ba benefísiu privadu. Hau hatene i hau prontu atu koopera, prontu fo informasaun tomak ba CAC, ba Ministerio Publico, ba se de’it mak iha poder atu investiga no fo sansaun ba kazu sira hanesan ne’e. Ha’u pronto,” dehan nia.

Lee hotu :   PESOAL BALUN HALO PROJETU ILEGAL IHA MUNISÍPIU ■ FIDELIS: HETAN INFORMA LALAIS

Nia dehan tan Sidadaun hotu-hotu iha direitu ba naran moos hanesan garantia ida husi Konstituisaun. Akuzasaun sira ne’e mos konstitui krime denuncia caluniosa iha Codigo Penal.

“Maske hau halao funsaun hanesan deputadu hodi reprezenta Povu iha Uma Fukun ida ne, hau nafatin hanesan sidadaun baibain ida iha nasaun ida ne. Tan ne hau mos konsiente ho hau nia obrigasaun no dever, atu respeita ita nia lei, respeita konstituisaun, no sei koopera ho justisa iha asuntu saida deit. Keta haluha kolega sira, laiha ema ida mak iha lei nia leten iha nasaun ida ne’e,” dehan nia.

Laiha koñesimentu PN

Vise Presidente Parlamentu Nasional (PN) Maria Angelina Lopes Sarmentu deklara katak Deputadu Maria Anabela nebe enxe mina uza kupon Estadu ba kareta privadu laiha koñesementu husi Parlamentu Nasional.

“Hau hanoin kona ba Deputada Anabela nian, se nia simu ona kareta Estadu karik kareta ne’e no uza fali kareta privadu nia tenki hetan autorizaun, maibe ba kareta nebe Deputada ne’e uza laiha autorizaun, deputada ne’e lahatudu evidensia katak nia hetan autorizaun husi Sekretariu Jeral PN ,maibe nia lahalo ida ne’e, tanba PN hatene katak Deputda ne’e simu ona kareta Parlamentu nian. Karik at Deputada Anabela tenki aprezenta ba Sekretariu Jeral nune halo despaisu ho xapa matrikula foun, nune husi xapa matrikula foun ho despaisu inklui kupon nune bele hatudu ba CAC sira atu nune sai audensia katak Sekretariu Jerál maka haruka,” dehan Maria Angelina iha PN, Tersa 16/04/2019.

Vise prezidente PN nee dehan tan primeiru Deputada Anabela simu tiha kareta PN nian, derepente deit mosu ho kareta privadu, tanba ne’e Deputada Anabela tenki hatudu evidensia katak hetan autorizaun husi Sekretariu Jerál ho razaun ida katak kareta seluk ne’e at.

Lee hotu :   PPN Arão Noe: TL-Australia konkorda sei ratifika FM iha data hanesan

“Bainhaira iha Lider bankada ami koalia ida ne’e, maibe Sekretariu Jeral mos hatete katak karik iha kareta at tenki informa ba nia para bele troka, maibe Sekretariu Jeral laiha informasaun kona ba ida ne’e,” dehan vise Prezidente PN.

Iha fatin hanesan Deputada Maria Anabela Savio hatete antes semana ida hatama ona pedidu ba komisaun E kona ba kareta privadu ne’e.

“Liu tiha loron rua hau seidauk asina pedidu ne’e, depois hau husu ba tekniku sira tanba sa maka hau seidauk asina depois tekniku

dehan pedidu husi komisaun E hatama ona ba Sekretariu Jeral

maibe tarde ona, maibe Deputadu hotu bele uza kareta privadu. Iha dia 9 hau nia motorista mak ba ense mina laos hau maka ba,

maibe tuir info husi pajina AMP dehan hau nia laen maka lori tula hau no CAC kaer hau, info ne’e bosok,” dehan Anabela.

Membru orgaun lejislativu nee dehan tan kareta ba enxe mina tanba baseia ba autorizaun Parlamentu Nasional, dokumentu kompletu no la inventa sasan sira ne’e.

“hau prontu ba hatan karik laiha evidensia iha Ministeriu Publiku, Tribunal no hau sei lauja hau nia Imunidade. Hau uja kareta privadu ne’e tanba kareta hau uja ne’e at, antes hau uza kareta Parlamentu nian, hau uja kareta privadu maibe tanba at hotu hau uza fali Parlamentu nian ne’e, maibe kareta ne’e mos kondisaun ladiak,” dehan deputada. Nes

Add to Comments Here!!!!

error: Content is protected.
Secured By miniOrange
You might also like:
Remodelasaun VIII Governu, PM Taur: Tempu badak sei halo

Tempu badak VIII Governu Konstitusionál sei...

TL transfere ona millaun USD 650 ba ConocoPhillips-Shell ■ Sai partisipasaun maioritária iha esplorasaun GS

Reprezentante epesiál Governu Timor-Leste (TL) ba...

DIA 17/04/19 || GMNTV LIVE STREAM || DADER KMANEK

Close