JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TL-Portugal asina akordu kooperasaun sistema seguransa sosial ■APARATIL eziji Portugal selu pensaun funsionáriu antigu

TL-Portugal asina akordu kooperasaun sistema seguransa sosial ■APARATIL eziji Portugal selu pensaun funsionáriu antigu

Governu Timor-Leste (TL) ho Governu Portugal, iha Tersa (16/04/2019), asina akordu kooperasaun kona-bá konsolidasaun sistema seguransa sosiál.

Serimonia asinatura ne’e hala’o iha Salaun Ministériu Finansas Aitarak Laran Díli liuhosi Ministra Solidaridade Sosiál no Inkluzaun Timor-Leste, Armanda Berta dos Santos, ho Sekretária Estadu Seguransa Sosiál husi Portugál, Claúdia Joaquim.

Hafoin serimonia asinatura Ministra Solidaridade Sosiál no Inkluzaun, Armanda Berta dos Santos, hateten asinatura kooperasaun ne’e importante ne’ebé sai hanesan instrumentu legais ba servisu hamutuk entre nasaun rua iha area intervensaun ba protesaun sosiál no inkluzaun ba sidadaun hotu.

“Akordu de kooperasaun importante tebes núdar intrumentu legal ida ba parte rua hodi kontinua servisu hamutuk, ba oin atu apoiu programa enjeral iha area intervensaun, protesaun social, no inkluzaun ba ema vulneravel sira, nomeadamente ba labarik sira, idozus no ba ema ho fedisiensia,” hateten Ministra Solidaridade Sosiál no Inkluzaun, Armanda Berta Dos Santos.

Sekretária Estadu Seguransa Sosiál Portugal, Claúdia Joaquim, konsidera asina akordu kooperasaun ne’e iha valor pozitivu ba país rua atu bele tulun malu iha area importante sira liu-liu harí no konsolida sistema seguransa sosial.

“Ita iha hanoin ne’ebe profunda e di’ak tebes atu servisu hamutuk liu husi asina protokolu ne’ebe signifikativu tebes,” hateten Sekretária Estadu Seguransa Sosiál Portugal, Claúdia Joaquim.

Iha tinan 2012 Timor-Leste introdús ona politika area rejime kontributivu seguransa sosiál ba funsiunáriu públiku no iha tinan 2016 politika refere implementa ba traballadór Timor-oan hotu.

APARATIL eziji Portugal selu pensaun funsionáriu antigu

Alende ne’e, Assosiasaun Para Timorense (APARATIL), ne’ebé kompostu husi eis Fúnsionariu antigu, ne’ebé servisu iha Timor-Leste iha tempu portuguesa hahu husi tinan 1975 to’o tinan 1999 , husu Estadu Portuguesa atu rezolve sira nia problema ba pensaun no reforma ne’ebé to’o oras ne’e Governu Portuguesa seidauk selu.

Lee hotu :   PJR rekoñese notifikasaun ba Kalbuadi Lay la tuir lei ■FRETILIN:Karta Xanana ba PJR hanesan presaun

Porta Voz  APARATIL, Jorge Martins, hatete atu fo hanoin fali ba Estadu Portuguesa katak, deskolonizasaun ba antiga kolonial Timor hotu iha tinan 2002 ho Restaurasaun Independensia Timor-leste, hafoin povu Timor-Leste  manan ho maioria iha referendu 30 agostu 1999, maibé problema ne’ebé governu portugal seidauk rezolve maka, atu finaliza problema pensaun no reforma ba sira nia antigu funsionáriu agentes estadu korpu administrativu, no trabalhador kontratadu ne’ebé servisu iha Timor-Leste.

“Realidade Governu portugal loke oportunidade ba pessoal sira ne’e atu trata sira nia direitu liu husi lei númeru 1/95 01 de Janeiru, ho nune’e eis    Funsionariu sira balun konsege manda sira nia dokumentu ba Portugal no hetan duni sira nia direitu,” dehan Porta Voz  Assosiasaun Timorense, Jorge Martins, liu husi konferensia kuarta (17/04/2019) iha Bairu-Pite Díli.

Porta Voz  Assosiasaun Timorense, afirma kestaun politika ou razaun seluk ne’ebé halo sira labele trata sira nia dokumentu no mosu mos diploma legislativu seluk hanesan dekretu lei númeru 416/99 de 21 Outubru ne’ebé fo tempu loron 120 ba eis funsionariu sira atu trata sira nia dokumentu hodi hetan sira nia direitu, tamba ho tempo ne’ebé badak dokumentu ne’ebé estadu portugues ejije difisil atu hetan tamba arquivu sira husi kolonial portugues nian destroe hotu husi pro-integrasionista sira hafoin referendun.

“Dala ida tan governu portugues liu husi lei número 114/2017  29 de dezembru fo oportunidade foun ba eis funsionariu sira atu trata sira nia dokumentu no hetan sira nia direitu ho ajuda husi APARATIL,no esforsu bo’ot ne’ebé halo ona konsege haruka dokumentu ho total 1.700 dokumentos ba kaixa jeral  aprezentasaun iha Portugal atu processo tuir regulamentu legal estado portugues, maibé to’o ohin seidauk iha informasaun ruma ne’ebé maka bele garante ami nia direitu sira ne’ebé mak ami husu.” Jorge Martins.

Lee hotu :   Vise PPN: Dirijente GAM balu la konsege kontrola membru

Jorge Martins, sublina nformasaun ikus ne’ebé ami hetan husi APARATIL katak, Governu presiza halo tan diploma legal  ida atu ezekuta lei 114/2017 29 de dezembru ne’ebé to’o ohin loron vigora  ona, tamba ne’e liu husi oportunidade ida ne’e  husu ba Ministeriu Trabalhu Solidariedade Sosial Portugal, atu lori ami nia ejijensia sira ne’e ba Konselho Ministru, hodi  husu atu halo prosedimentu legal tamba ami nia idade avansadu no balun la hetan sira nia direitu to’o mate. Ito/Fel

Add to Comments Here!!!!

error: Content is protected.
Secured By miniOrange
You might also like:
DIA 17/04/19 || GMNTV LIVE STREAM || JORNAL NASIONAL KALAN

DIA 18/04/19 || GMNTV LIVE STREAM || DADER KMANEK

DIA 17/04/19 || GMNTV LIVE STREAM || JORNAL AS 12

Close