JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN hahú diskute espesialidade lei KAK

PN hahú diskute espesialidade lei KAK

Parlamentu Nasionál (PN), liu husi Komisaun A ne’ebé trata asuntu konstitusionais no Justisa, hahú diskute ona lei Komisaun ba Anti Korupsaun (KAK) iha faze espesialidade.  

Deputadu komisaun A, Adriano do Nascimento informa, durante ne’e faze diskusaun pendente hela, hafoin hetan aprovasaun iha jeneralidade, tanba komisaun A aumenta tan kapítulu balun iha pakote lei KAK ne’e rasik.

“ Sei halo diskusaun loron 3 ka 4 iha Likisa, iha ona draf, durante ne’e pending ne’e la’os lakohi, maibé pending ne’e tanba atu aumenta kapítulu ida kona-bá prevensaun, kompostu husi artigu lubun ida, ne’ebé pakote lei ne’e ladi’ak liu, pelu menus tenki iha ninia parte ne’ebé bele responde, oinsa mak atu haree ba aktus krime sira ne’e, no oinsa mak lori prosesu ne’e ba final, buat sira ne’e kompletu ona. Aban (Ohin Kurta loron 08/05/2019) ne’e ami hahú diskute ona, espera katak, aban (ohin) ne’e ami bele aprova artigu lubun, maibé bai-bain ami diskute iha komisaun A, atu aprova de’it artigu ida mós ami sei han malu loos, Maibé importante mak partidu hotu iha vontade atu iha lei KAK ne’e, foin dadauk adía ne’e mós la’os tanba boikota malu, hanesan KIP nian ne’e, maibé ida ne’e hotu-hotu hakarak”, hateten deputadu bankada PD, Adriano dos Nascimento ba jornalista iha PN, Tersa(07/05/2019).

Deputadu opozisaun ne’e haktuir, nu’udar proponente, nia parte apresia tebes, tanba prosesu diskusaun lei KAK la’o di’ak tebes, tanba deputadu bankada hotu nia kolabora malu di’ak tebes.

“Ha’u nu’udar proponente ba lei ne’e, ha’u apresia tebes, tanba prosesu diskusaun no kolaborasaun husi maluk deputadu sira husi bankada hotu, hanensan proponente apresia, tanba iha vontade atu diskute. Ne’e hanesan meius ida atu kombate korupsaun, ita kuandu ko’alia kona-ba kombate korupsaun ne’e iha meius lubun ida, Estadu tenki iha planu estratéjiku, maibé Timor-Leste hanesan nasaun ida, seidauk iha estratéjiku ba kombate korupsaun, ida ne’e mós hanesan kritéria ida ba ONU KAK ezije Timor atu iha. Segundu, instituisaun ne’ebé atu kombate korupsaun, ita iha ona KAK, no terseiru lei regulador korupsaun, ita agora dadauk ko’alia hela kona-ba lei ne’e, depois ita mós tenki tama iha fórum internasional ne’e, liu husi konvensaun internasional ba anti korupsuan ninian, maske ita sei presiza tan regulamentu balun kona  ba subornu estranjeiru, tanba ema esntranjeiru mai haree ita depois fó osan para bele hetan buat ruma. Normalmente, korupsaun ne’e mosu, la’os tanba ita na’in, maibé ema liur, tanba ita iha rekursu naturais, ita fokus ba dezenvolvimentu infra-estrutura no telekomunikasaun, entaun ida ne’e hanesan fatin di’ak ba ema estranjeiru sira para atu halo subornu hodi sosa ita-nia ofisial sira, para bele hetan asesu, entaun ida ne’e ita presiza lei ka regulamentu kona-ba anti subornu”, katak Adriano.

Lee hotu :   RAEOA presiza lei ne'ebé klaru no konsistente

Deputadu komisaun A ne’e esklarese, agora dadaun ne’e, komisaun diskute to’o artigu sia, no garante katak, iha semana ne’e sei bele aprova artigu barak tan.

“Artigu 9 ami aprova ona, maibé ida ne’e mós la’os final, karik aban diskute mak sei iha, entaun halo proposta ida para re-abertura diskusaun, nune’e bele hadia fila fali. Ami rona parte hotu, PDHJ, KAK, no NGO lubun ida, ami rona hotu, konsidera kestaun direitus humanus, maibé ita-nia fokus agora, oinsa mak ita eradika ka hamos aktus ida na’ok ne’e, na’ok Estadu no povu nia osan ne’e, tanba sei ita hanoin de’it direitus humanus, depois ida korupsaun ne’e ita husik de’it, ne’e nasaun sei la ba oin, povu mós la ba oin, direitus humanus ne’e parte ida ita bele konsidera, maibé ita mós tenki hanorin povu, para sívilizadu. Sívilazasaun ne’e kritéria ida mak o mós labele na’ok ema nia sasan, ne’e dutrina relijiaun nian mós hanorin ita, labele na’ok, no labele oho”, Adriano salienta.

Lei KAK ne’e diskute no aprova ona iha faze jeneralidade, iha loron 18 fulan Marsu tinan 2019 ne’e, ho votus unanimidade afavor 47 kontra 0 no abstensaun 0.

Entretantu, lei refere pendente ba dala tolu, hahú husi deputadu sira III lejislatura, lakonsege no pendente hikas iha IV lejislatura, tanba polémika polítika ne’ebé hamosu eleisaun antesipada, nune’e iha V lejislatura, deputadu sira opozisaun bankada FRETILIN ho PD propoin hika’as proposta lei komisaun anti korupsaun nian, nune’e konsege diskute iha  komisaun no lori ba plenária  no aprova ona iha jeneralidade.say

 

Add to Comments Here!!!!

error: Content is protected.
Secured By miniOrange
You might also like:
Membru polísia deskonfia baku komunidade Golgota ■Euclides Belo: Iha prosesu investigasaun

Komunidade Aldeia Golgota  bairu Seroja, Suku...

Explorasaun kampu GS sei fó servisu ba Timor-oan 10.000

Prezidente Timor Gap Francisco Monteiro hateten...

Xefe Suku Motael hakotu iis tanba atakasaun fuan

Xefe Suku Motael, Cornelio de Araújo...

Close