JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Publika liafuan immoral iha MedSos, FRETILIN ezije Guntur husu deskulpa ba xefi Estadu

Publika liafuan immoral iha MedSos,  FRETILIN ezije  Guntur husu deskulpa ba xefi Estadu

Deputadu bankada FRETILIN, Antónino Bianco ezije deputadu PLP, Sabino Guntur, atu husu deskulpa ba Xefi Estadu, Francisco Guterres ‘Lú-Olo’ tanba publika krítika ho linguazen ne’ebé laiha étika no inmoral, hasoru desizaun Prezidente Repúblika ba asuntu indultu nian.

“Ita-nia deputadu sira balun iha ne’e asbun de’it, asbun iha Facebook, insulta ema arbiru de’it, satán ha’u nia kolega balun, maibé nia ka la’os ha’u lahatene, keta ema seluk mak uza karik?, ne’e ladun di’ak, insulta ne’e buat ida, krítika ne’e buat ketak, hateten át órgaun seluk ne’e buat ketak ida. Ita-nia krítiku ba órgaun soberanu sira ho liafuan sira hanesan ne’e, laiha étika moral, sa tán latuir regras”, hateten deputadu Antonino Bianco iha plenária PN, Segunda (13/05/2019) ne’e.

Antonino mós sujere ba Governu atu aprezenta poprosta lei ruma, hodi regula publikasaun média sosial sira.

“Termus ida uza ba Prezidente kondena ka hateten át ba prezidente ne’e la merese, tanba ne’e, husu ba Governu halo proposta lei ida, atu nune’e kualker ema ka deputadu ida no sidadaun tomak, labele halo insulta arbiru, sa tán hateten át órgaun soberanu sira, la’os atu espresa hanoin livre, livre tenki tuir koridor regras mak di’ak. Sei deklarasaun ne’e Guntur nian, tenki deklara publikamente sa intensaun mak halo ba Prezidente, tenki husu deskulpa mós ba Prezidente, tanba Prezidente la’os tuir Prezidente nia hakarak, maibé tuir konstituisaun. Proposta mai husi Governu, no Governu mak iha mekanismu própriu, liu hosi ministériu justisa no responsável sira iha komarka ka prizaun nian”, dehan Antonino.

Hatan ba kestaun ne’e, deputadu PLP, Sabino Guntur klarifika identidade média sosial ne’ebé krítika Xefe Estadu, nia rasik mak krítika, no Guntur mós hatete, provoka mudansa tenki iha krítiku.

Lee hotu :   Diálogu ho arte marsiais-ritual Xanana:AMP tenki manan hodi hadia Estadu

“ Medsos ida ho naran guntur ne’e ha’u duni, mane mak krítika Prezidente la subar husi ID falsu, hodi ko’alia subar-subar iha kotuk. Ha’u nia maun Lú-Olo kuandu 2013 madrugada telefone ha’u de’it, ha’u la dehan nia laiha étika, tan de’it atu reforsa kampaña iha Baucau. Krítika ne’e tanba atu halo mudansa, provoka mudansa ne’e tenki krítika malu. Kuandu 2013 ha’u prepara kondisoens iha Bidau Massaur, joven rihun resin mak afillia ba FRETILIN ne’e se nia esforsu, maun Francisco Kalbuadi ho Aleixo Kobra, primeiru hateten ba ha’u dehan, atu hasoru maun Marí ho maun Lú, ha’u dehan sira na’in rua ne’e la importante, importante ba ha’u mak FRETILIN. La’os mai aproveita depois dehan hakilar tu’un sa’e. Di’ak liu krítika mak ida bo’ot ne’e para sira tau atensaun lalais ba problema ida ne’ebé mak nunka konsiente, luta dialétika, luta kontraria, kuandu lahatene tu’ur nono’ok. Sira fila kotuk ba malu, para ita lamudansa, la’os ba iha ne’eba para depois sai fali eskrabus, polítika ne’e tenki moos no justu, ezekuta polítika ida nakukun nian ne’e problema bo’ot. Esforsu hotu ami halo, maibé ami nunka deklara ba ema hotu katak, ami ne’e FRETILIN. Ho razoens sira ne’e mak ha’u deklara públiku katak, ha’u nian la’os ID falsu, ID falsu ne’e mak ida laiha responsabilidade ne’e, saída mak ha’u nia intensaun ne’ebé ko’alia ne’e, ha’u nia maun bo’ot komprende liu”, dehan Sabino Guntur.

Alende ne’e, Xefi bankada CNRT, deputadu Duarte Nunes mós sujere atu kria lei ruma hodi regula publikasaun sira ne’ebé laiha merese tau iha média sosial sira.

Lee hotu :   PD:SEFOPE laiha dadus Timor-oan tuir formasaun

Antes ne’e, Ministru reforma Lejislativa asuntu parlamentares, Fidelis Magalhães mós deklara ona katak, governu sei esforsu atu kria lei ruma, hodi regula publikasaun hotu iha media sosial.say

Add to Comments Here!!!!

error: Content is protected.
Secured By miniOrange
You might also like:
FRETILIN sei aprezenta relatóriu KIP ba MP

Bankada Opozisaun FRETILIN, sei kontinua rekolla...

PD ho PLP sujere kria ekipa investigasaun ba Ró Haksolok

Deputadu bankada Partido Libertasaun Popular (PLP),...

o Programa Haburas Vida Espiritual GMNTV episódio 90 na versão em Português

Close