JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Akadémiku apoia desizaun AMP lá estende mandatu Alkatiri iha RAEOA ■ Governu presiza hili líder foun ho kapasidade

Akadémiku apoia desizaun AMP lá estende mandatu Alkatiri iha RAEOA ■ Governu presiza hili líder foun ho kapasidade

Akadémiku sira apoiu desizaun AMP ne’ebé deside la estende mandatu Prezidente Autoridade Administrativa Espesial Oe-Cusse Ambeno (RAEOA) no Zona Espesial Ekonomia Sosial Merkadu, Mari Alkatiri, hodi lidera (RAEOA) tamba nia okupadu kna’ar rua hanesan Prezidente RAEOA no deputadu iha Parlamentu Nasional.

Ekonomista aktual reitor Universidade da Paz Lucas da Costa, konsidera AMP la estende Prezidente RAEOA Mari Alkatiri la signifika Governu la fiar maibé  AMP hakarak troka ho ema ne’ebé moris tuir lei nia okos.

Tamba ne’e eis deputadu ne’e husu ba Oitavu Governu Konstitusional ne’ebé lidera husi Primeiru Ministru Taur Matan Ruak, atu fihir no tetu figura ne’ebé iha  integridade moral ho kapasidade profesional  hodi troka Mari Alkatiri.

“Ha’u hanoin karik aban bairua Governu la estende tan Prezidente ZEESM ba mandatu tinan  4  oin mai ne’e ,laos tamba Governu la fiar ona ou Governu la apresia nia servisu ,maibe nia nu’udar Sekretariu Jerál FRETILIN nian iha mós fatin iha PN hanesan deputadu mós ne’ebé ba Estadu ema ida labele kaer kna’ar 2 hamutuk ,tamba nia Prezidente RAEOA-ZEESM no deputadu iha Parlamentu, Tamba ne’e hau hanoin desizaun AMP ne’e mós la sala ,tamba hakarak hatur ita hotu-hotu hahalok iha lei nia okos.Sé de’it mak atu kaer kna’ar ruma ne’eb’e iha relasaun ho ema barak nia interese ho povu nia interese ,tenki iha integridade moral,tenki iha kompetensia profesional , tenki iha honestidade, no mós tenki iha kapasidade profesional”. Lucas hato’o asuntu ne’e, relasiona ho desizaun AMP ne’ebé lakohi estende tan Mari Alkatiri nia mandatu nu’udar Prezidente ZEESM/ iha Universidade da Paz  Osindo Um, Manleuana Díli,Tersa (18/06).

Lee hotu :   BOAMP ejize diskute mosaun no destituisaun

Eis deputadu ne’e dehan, Prezidente RAEOA nia servisu laos atu servisu ukun ho lei de’it, maibé tenki halo jestaun ida ne’ebé diak ba projetu sira ne’ebé implementa iha Oe-Cusse.

“Servisu hanesan Prezidente RAEOA ne’e laos para atu servisu ukun de’it ho lei, maibe servisu para atu halo jestaun ba projetu oi-oin ne’ebé  iha relasaun ho povu RAEOA nia moris.“hau hanoin ema ho esperiensia iha Governasaun,ho esperiensia iha jestaun iha liu-liu ba eis ministru sira ne’ebé iha kapasidade intelektual”Funsaun Prezidente ZEESM laos politika de’it, maibe tenki iha funsaun manajementu diak ne’ebé kandidatu forte ne’e iha kapasidade, esperiensia no integridade para atu sai jestór diak iha RAEOA bele” Lucas da Costa, ne’e afirma.

Reitor Universidade da Paz Lucas da Costa, dehan, sai Prezidente RAEOA la’os atu servisu ukun deit ho lei ,maibe tenki sai jestor ida ne’ebé diak hodi servi povu Oe-cusse tuir sira nia nessesidade loro-loron.

Governu presiza hili  líder iha kapasidade ba RAEOA

Juventude no estudante Oe-cusse oan, husu Primeiru Ministru (PM), Taur Matan Ruak, atu tetu didi’ak, antes foti desizaun hodi hili líder foun atu lidera Zona Espesial Ekonómia Sosial Merkadu (ZEESM) iha Rejiaun Administrativa Espesial Oe-cusse Ambeno (RAEOA), tanba investimentu iha RAEOA la’os investimentu ki’ik, maibé investimentu bo’ot ne’ebé  presiza líder ne’ebé halo jestaun di’ak.

“ Ami juventude Oe-cusse oan, husu Primeiru Ministru atu tetu didi’ak, wainhira nomeia fali ema seluk ruma hodi lidera RAEOA ou ZEESM, ho ponderasaun ne’e, atu haree ba kapasidade jestaun nian, tanba ita presiza ema ne’ebé iha espíritu nakonu ho patriotismu ba rai ne’e nia dezenvolvimentu hotu iha RAEOA/ZEESM. Ami depózita konfiansa ba Marí Bin Amude Alkatiri hodi kontinua lidera ZEESM/RAZEOA, ba tinan lima nia laran, tanba ita hotu la dúvida ona ho jestaun ne’ebé nia halo, di’ak ba konstrusuan estadu ida ne’e nian,

Lee hotu :   Mandatu PI remata, Alkatiri tenki nomeia Prezidente RAEOA foun

maibé ne’e depende ba desizaun Primeiru Ministru, Taur Matan Ruak, nu’udar xefe Governu ne’ebé mak iha poder atu nomeia no re-nomeia fila-fali prezidente autoridade atual”, afirma porta-voz juventude Oe-cusse, Nicolau da Cruz ba jornalista iha Kampus UNTL tuan, Tersa (18/06/2019).

Tuir observasaun estudante hirak ne’e, ho lideransa prezidente atual, Marí Alkatiri, halo mudansa ho jestaun ne’ebé efikasia no efisiente. Tanba ne’e, juventude hirak ne’e, kontinua depózita konfiansa ba prezidente atual atu kontinua lidera ZEESM iha RAEOA.

“Ami juventude nu’udar sidadaun Timor oan, konsiente katak, lala’ok dezenvolvimentu ne’ebé la’o hela iha RAEOA/ZEESM, lidera husi Marí Alkatiri nu’udar Prezidente RAEOA atual iha tinan 5 nia laran ne’e, ami haree katak, kapasidade jestor lideransa Marí Alkatiri nian hatudu duni efisiensia no efikasia, nune’e lori mudansa signifikativu bo’ot ba rai Oe-cusse, maske dok husi Munisípiu 12, mudansa ne’e la’o lalais liu, iha setór Infra-estrutura, estrada, eletrisidade, hari’i klínika tuir padraun internasionál, hodi halo tratamentu ba moras króniku sira, Aeroportu internasionál ne’ebé bele sai odamatan bo’ot, hodi simu ema foun ruma mai investe sira-nia osan iha rai Oe-cusse, loke servisu ba ema hotu, hatama mós rendimentu ba kofre RAEOA. Ami nu’udar estudante ne’ebé halo kontrolu no transformasaun sosial, senti katak, setór ne’ebé bele hamoris funsionamentu ekonómia mak, setór infra-estrtura ne’ebé asesivel ba transaksaun bens no servisu sira ne’ebé oferese ba povu Oe-cusse oan tomak”, afirma porta-voz ne’e.

Nia haktuir, dezenvolvimentu  atu la’o di’ak, presiza ema hotu nia kontribuisaun pozitivu, la’os emosional, fó apoiu no hanoin konstrutivu no partisipativu iha prosesu dezenvolivmentu ne’e rasik, atu nune’e ema hotu bele senti envolve aan iha prosesu dezenvolvimentu ne’e.

Lee hotu :   PR Lú Olo apela ba PN kontrola ezekusaun OJE 2019 ■ FRETILIN deskorda desizaun PR

“Ita nu’udar sidadaun Timor-oan, saída mak presiza halo ba rai ida ne’e ninia sustentabilidade ekonomia, hakbi’it sidadaun sira-nia partisipasaun másimu iha dezenvolvimentu ekonomia sosial no merkadu, fó oportunidade ba ita-nia povu sira, atu bele sai na’in ba ekonómia ne’e rasik, atu ita bele marginaliza aan husi dezenvolvimentu ida ne’e, mak presiza organiza uluk ita-nia aan, saída loos mak ita presiza atu fó ba rai ida ne’e”, tenik porta-voz ne’e.

Alende ne’e, estudante Gerson Ribeiro reforsa katak, kualker líderansa ne’ebé PM Taur Matan Ruak deside, importante bele halo jestaun di’ak no bele kontinua lori dezenvolvimentu hotu to’o iha baze ba povu tomak iha RAEOA.

Antes ne’e, liuhosi konferensia interna AMP nia, membru no kuadrus AMP iha ona konkordansia hodi deside sei la estende mandatu prezidente atual RAEOA atual, Marí Alkatiri hodi lidera ZEESM.

Mandatu  Prezidente atual Marí Alkatiri nian, sei remata iha fulan Jullu tinan 2019 ne’e.tos/say

Add to Comments Here!!!!

error: Content is protected.
Secured By miniOrange
You might also like:
TL akompaña prosesu husi Indonézia ba detidu kazal Timor-oan

Kazu kazal sidadaun Timor Leste nain...

Polísia detein diretór SAS ho FP na’in hitu

Polísia Tránzitu  Munisípiu Díli, detéin diretor...

Adere ba ASEAN, TL hein desizaun definitivu husi nasaun membru sira

Estadu Timor-Leste (TL) kontinua hein desizaun...

Close