JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Arão Noe : Dezenvolvimentu infraestrutura bázika Oé-Cusse iha progresu

Arão Noe :  Dezenvolvimentu infraestrutura bázika Oé-Cusse iha progresu

Prezidente Parlamentu Nasionál (PN), Arão Noe de Jesus Amaral, rekoñese katak, dezenvolvimentu infrastruturas bázikas iha Região Administrativa Especial de Oé-Cusse Ambeno (RAEOA) iha progresu boot durante iha lideransa atual Prezidente Autoridade RAEOA, Mari Alkatiri,  durante tinan 5 nia laran husi tinan 2014 to’o agora. 

Arão iha esperansa no fiar katak, ho infrastruturas bázikas ne’e tenke kontinua nafatin ba oin nune’e bele lori Oé-Cusse sai sidade no fonte ba dezenvolvimentu ekonómia iha Timor-Leste.

“Sim, depois de tempu naruk ida durante tinan lima nunka mai Oe-Cusse, tanba ne’e aproveita konvite ZEESM para mai komemorasaun sinco anos (tinan lima) ho inagurasaun Aeroportu Oé-Cusse nian, hodi haree mos dezenvolvementu mak halo iha Oé-Cusse. Dezenvolvementu komesa la’o, e ita gasta por volta   aloka mai ha RAEOA desde hahú mai iha 2014 to’o agora konta por volta de mais seis sentos milões de dolares (600 milões de dolares) husi orsamentu jerál de Estadu. E haree husi dezenvolvementu ne’ebé la’o iha progresu, tamba ne’e mak saida mak iha, ita agradese e tenke kontinua nafatin ba oin tuir mehi hakarak dezenvolve Oé-Cusse hanesan sidade ida e mos sai hanesan fonte ba dezenvolvementu ekonómia”, asuntu ne’e Prezidente Parlamentu Nasionál, Arão Noe de Jesus Amaral, hatoo ba GMN, hafoin ho nia ekipa ba haree direitamente dezenvolvementu iha RAEOA-ZEESM, Segunda (17/06/2019).

Mandatu atual Prezidente Autoridade RAEOA-ZEESM, Mari Alkatiri, sei remata iha  iha fulan Jullu tinan ida nee, no liu hosi konfrensia Aliansa Mudansa ba Progresu desidi ona katak, sei la estende  mandatu Mari Alkatiri iha RAEOA, maske nune’e governu Central seidauk iha sinál ruma atu hatudu figura líderansa foun atu subtitui atual prezidente RAEOA-ZEESM.

Lee hotu :   Senáriu Lay out V lejislatura, PD-FDD besik FRETILIN, PLP-KHUNTO rabat CNRT

Iha okaziaun ne’e Prezidente PN, Arão Noe de Jesus Amaral, dezafia autoridade RAEOA hamutuk ho Governu Central atu inisia Proposta de lei hodi define objetivu kriasaun Zona Espesial Ekonomia Sosial no Merkadu (ZEESM).

Xefe segundu orgaun Estadu, Arão Noe, hateten autoridade RAEOA hamutuk ho governu Central Oitavu Governu lideradu husi Primeiru Ministru, Taur Matan Ruak, sira bele hahu ona inísia proposta de lei hodi define  meta no objetivu kriasaun ZEESM ne’e rasik.

“Ita iha mak lei kriasaun de RAEOA e ZEESM, mais ZEESM em si ita seidauk iha lei ida, tanba ne’e mak aproveita tempu ida ne’e, hau sujere ba prezidente RAEOA ho governu sentral para atu bele inisia ona proposta de lei konaba kriasaun ZEESM ne’e rasik, ZEESM ne’e saida, Zona ekonomia ida oinsa, espesial oinsa, merkadu ida oinsa nian, ita tenke define tiha lei, pra nune’e investimentu ida ita tau mai iha objetivu klaru,” hateten Arão Noe.

Enkuantu kona-ba asuntu ne’e GMN seidauk halo konfirmasaun ho autoridade RAEOA atual Prezidente Mari Alkatiri, nune’e seidauk halo konfirmasaun ho governu Central kona-ba asuntu refere. Ito

Add to Comments Here!!!!

error: Content is protected.
Secured By miniOrange
You might also like:
Akadémiku apoia desizaun AMP lá estende mandatu Alkatiri iha RAEOA ■ Governu presiza hili líder foun ho kapasidade

Akadémiku sira apoiu desizaun AMP ne’ebé...

TL akompaña prosesu husi Indonézia ba detidu kazal Timor-oan

Kazu kazal sidadaun Timor Leste nain...

Polísia detein diretór SAS ho FP na’in hitu

Polísia Tránzitu  Munisípiu Díli, detéin diretor...

Close