JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Mandatu iha RAEOA besik remata, Alkatiri: Ha’u sei ko’alia ho PM atu kontinua ka la’e

Mandatu iha RAEOA besik remata, Alkatiri: Ha’u sei ko’alia ho PM atu kontinua ka la’e

Prezidente Rejiaun Administrativa Espesial Oé-cusse Ambeno (RAEOA), Marí Bin Amude Alkatiri deklara, nia sei ko’alia ho Primeiru Ministru (PM), Taur Matan Ruak kona-ba nia desizaun hakarak kontinua ka la’e nu’udar Prezidente RAEOA, bainhira Governu hamosu desizaun ruma kona ba nia mandatu.

Alkatiri hato’o asuntu ne’e, relasiona ho nia mandatu nu’udar Prezidente RAEOA no ZEESM ne’ebé sei remata iha fulan Jullu tinan  ne’e.

“Ha’u labele hateten buat ida agora, kuandu Primeiru Ministru (PM) to’o, ami rua sei ko’alia para bele haree, di’ak liu kontinua ka, di’ak liu la kontinua ka, mak ami na’in rua sei haree,”deklara Marí Alkatiri ba jornalista, hafoin partisipa serimónia aniversáriu PD nian, iha salaun Terra-Santa, Sábadu (22/06/2019) ne’e.

Alkatiri esklarese, to’o agora nia seidauk hatene kona ba desizaun saida mak Governu sei foti kona ba nia mandatu iha RAEOA.

“Ha’u seidauk hatene, imi informasaun lais liu,” katak Sekretariu Jerál FRETILIN ne’e.

Maske mosu pro no kontra hanoin kona ba mandatu Alkatiri nian iha RAEOA, maibé to’o ohin loron VIII Governu rasik, ne’ebé lidera husi Xefe Governu Taur Matan Ruak, seidauk hatudu sinal ruma ba públiku kona ba atu troka ka mantein Marí Alkatiri iha RAEOA.

Alende ne’e, Marí Alkatiri mós deklara ona katak, nia la preokupa Governu atu fihir figura ne’ebé atu troka nia, maibé nia senti kontenti, tanba durante nia mandatu tinan tolu ho balun, lidera RAEOA no ZEESM, konsege lori ona dezenvolvimentu ba rai enclave Oecusse,  no mós lansa ona planu estratéjiku RAEOA husi tinan 2019 to’o 2023,  iha fulan kotuk iha Oe-cusse.

Tilman: Xanana-Taur merese lidera RAEOA-ZEESM

Lee hotu :   Iha kampaun Obrigado Barak, ''Alkatiri fo obrigadu ba BOAMP''

Jurista Timor-Oan, Manuel Tilman afirma, líder ne’ebé merese atu troka Prezidenti Reziaun Administrativa Espesial Oe-Cusse Ambeno (RAEOA) no Zona Ekonómia Espesial Sosial Merkadu (ZEESM,) Mari Alkatiri, ne’e só líder nasional, Kay Rala Xanana Gusmão no atual Primeiru Ministru (PM), Taur Matan Ruak maka merese atu troka.

“Ha’u ko’alia direta, lalika subar tun sa’e, maski desizaun AMP lakohi estende, di’ak  liu Oe-Cusse taka tiha de’it, ne’e fásil liu, Governu laiha ema ida atu nomeia, Governu estende tan mandatu Prezidenti RAEOA-ZEESM, Mari Alkatiri, sé lakohi estende mandatu Prezidenti RAEOA-ZEESM, haruka líder istóriku, Kay Rala Xanana Gusmão ho atual PM, Taur Matan Ruak maka troka, tanba sira na’in rua maka merese atu troka, ema seluk labele”, Jurista Timor-Oan ne’e ba GMN iha ninia Rezidensia Praia dos Coqueiros, Díli, Sábadu (22-06-2019).

Nia esplika, razaun líder istóriku, Kay Rala Xanana Gusmão ho atual PM, Taur Matan Ruak maka merese atu troka, tanba povu Atoni-Oecusse ne’e komplikadu, sira nia  karakter la’os hanesan ho ema husi munisípiu sira seluk.

“Atu ukun povu Atoni-Oe-Cusse la’os fásil, át liu Díli oan maka ba ukun povu Atoni-Oe-Cusse ne’e difísil tebes, sé bainhira desizaun Governu nomeia ema Oe-Cusse rai na’in mós tenki hetan apoiu husi Kay Rala Xanana Gusmão”, hateten Manuel Tilman.

“Sé la hetan apoiu husi Kay Rala Xanana Gusmão, povu Atoni-Oe-Cusse sei la fiar, bainhira povu Atoni Oe-Cusse fiar nomeia ema ne’ebé hetan apoiu husi Kay Rala Xanana Gusmão rasik, kona-bá Oe-Cusse primeiru ita tenki haree lei ida ne’ebé kria Oe-Cusse, tanba lei agora ne’e la kompletu,  konstituisaun iha artigu 5 maka sei funsiona hela, tanba ZEESM no RAEOA hanesan projetu polítiku rua ne’ebé la han malu, tanba atu kompleta lei hirak ne’e tenki estende Prezidenti RAEOA-ZEESM nia mandatu, sé lakohi estende, líder nasional, Kay Rala Xanana Gusmão maka ba fila-fali, fulan ida rua maka  hili fali seluk”, nia subliña.

Lee hotu :   Fahe kadeira AMP depende líder partidu 3

Antes ne’e iha konferensia AMP ne’ebé halo iha semana kotuk, desidi ona katak, la estende mandatu Prezidenti RAEOA-ZEESM Mari Alkatiri, wainhira ninia mandatu remata iha loron 30, fulan Jullu, tinan ne’e.

Maski mosu hanoin pro no kontra iha sosiedade nia le’et, maibé to’o ohin loron VIII Governu rasik ne’ebé lidera husi primeiru Ministru, Taur Matan Ruak, seidauk hatudu sinál ruma ba públiku kona-bá atu troka ka mantein mandatu Prezidenti RAEOA-ZEESM, Marí Alkatiri.

Antes ne’e, Prezidenti RAEOA-ZEESM, Marí Alkatiri deklara katak, nia la preokupa ho planu Governu atu fihir figura ruma hodi troka nia, maibé nia sinti kontente, tanba durante ninia mandatu tinan 3 ho balun lidera RAEOA-ZEESM, konsege lori ona dezenvolvimentu ba enklave Oe-Cusse no lansa ona planu estratéjiku RAEOA-ZEESM husi tinan 2019 to’o 2023, iha fulan kotuk.say/ety

Add to Comments Here!!!!

error: Content is protected.
Secured By miniOrange
You might also like:
DIA 24/06/19 || GMNTV LIVE STREAM || DADER KMANEK

DIA 23/06/19 || GMNTV LIVE STREAM || JORNAL NASIONAL KALAN

DIA 23/06/19 || GMNTV LIVE STREAM || JORNAL AS 12

Close