JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PPN Arão Noe: Avaliasaun AMP la’os atu ofende ema

PPN Arão Noe: Avaliasaun AMP la’os atu ofende ema

Prezidente Parlamentu Nasional Arão Noe, hatete ,avaliasaun husi konferénsia nasional AMP ,laos estraga no ofende ema ida, maibé atu hadia no hametin AMP hodi hasoru dezafiu iha mandatu oin mai.

Rezultadu avaliasaun no desizaun husi konferénsia nasional Aliansa Mudansa ba Progresu-AMP ne’e, sei lori líder no membru AMP hotu hodi kumpri dever hodi hala’o kna’ar ho diak  atu servi povu, no nasaun iha rai doben ida ne’e iha tempo oin mai.

“Ho intervensaun durante loron 2 ne’e laos atu hamenus ,estraga ka ofende ema ida ,mas ita buka unifika ita ninia an hamutuk hodi hasoru dezafiu ne’ebé que ita sei infrenta durante ita nia mandatu, hau hein katak, ho rejultadu avaliasaun no desizaun sira ne’ebé ohin bele lori ita fortifika diak liu tan hodi hala’o ita nia kna’ar hodi servi povu no kumpri ita nia dever bele kompromete iha parte eleisaun ninia liu husi ita nia programa VIII Governu ne’ebé aprova iha Parlamentu”Prezidente Parlamentu Nasional Arão Noe kasu lia hirak ne’e iha ninia intervensaun ,wanhira atu taka Konferénsia Nasional AMP ho tema konsolida AMP hodi servi diak liu povu iha Hotel Golgota Comoro Díli.

Reprezentante Partidu Libertasaun Popular aktual Ministro Reforma Legislativa no Assuntos Parlamentares  Fidelis Manuel Leite Magalhães, konsidera ho konferénsia nasional AMP ne’e, atu hametin liu tan AMP hodi liberta povu Timor-Leste to’o 2023.

 “Halo metin liu tan iha Aliansa laran ,tamba wanhira ita servi ita nia nasaun ,wanhira planu metin hau hakarak afirma ita nia uma laran metin los no prontu atu lori todan bo’ot ba libertasaun povu nian to’o 2023” Ministro Reforma Legislativa no Assuntos Parlamentares  Fidelis Manuel Leite Magalhães,informa.

Lee hotu :   Kandidatu membru VIII Governu naran tama TR tenke rezigna-an

Aleinde ne’e reprezentante partidu KHUNTO atual Ministro Transportes  no Comunicações  José Agustinho da Silva, dehan konferénsia AMP ne’e, hametin liu tan pozisaun AMP hodi asegura Oitavu Governu Konstitusional to’o nia mandatu remata.

 “Hametin liutan pozisaun AMP hodi asegura VIII Governu Konstitusional ne’e to’o nia mandatu remata”MTK José Agustinho da Silva,afrima.

Partisipa iha konferénsia nasional AMP durante loron rua ne’e, mai husi líder ,konseleiru, membru husi partidu CNRT,PLP,KHUNTO,PUDD, no FRENTE MUDANSA.

AMP kontinua la’o ba oin

Koordenador Jerál Aliansa Mudansa ba Progresu (AMP) aktual Sekretariu Jerál AMP  Francisco Kalbuadi Lay, hatete maske Prezidente Repúblika, Francisco Guterres ‘Lú Olo’, seidauk fó posse ba kandidatu membru Governu nain sia , maibe AMP la’o nafatin ba oin.

Maske AMP hasoru dezafiu,maibé kontinua kaer metin nia prinsípiu tolu hanesan interese nasional, estabilidade no dezenvolvimentu hodi servi povu no rai doben ida ne’e.

  “AMP ne’e kaer prinsipiu 3 ida importante liu mak interese nasional ida fali estabilidade nasional, ida mai fali mak ne’e dezenvolvimentu ne’ebé 3 ne’e ami kaer metin hela dezafiu saida de’it AMP bele la’o ba oin nafatin, ami nia prezidente maun bo’ot Kay Rala Xanana Gusmão ,iha AMP iha porta voz hanesan Primeiru Ministru ho apoiu tomak husi KHUNTO ne’ebé mak lidera husi kompatriota Naimori ne’ebé hau hanoin dezafiu saida de’it nain 9 la tama ne’e dereitu demokratiku sidadaun ida nian tuir rejultadu eleisaun ne’ebé maka rejulta tiha ona ita hotu hare.“Ami iha ami nia rezolusaun ami nia hanoin saida ,mas tudu isso ami tau interese nasional a’as liu ,interese AMP ninia ba ami importante liu mak hakbesik ba povu,servi ba povu alinsa ba povu” Sekretariu Jerál AMP  Francisco Kalbuadi Lay, hato’o asuntu ne’e, hafoin ensera konferénsia nasional AMP , iha Hotel Golgota Díli.

Lee hotu :   PESOAL BALUN HALO PROJETU ILEGAL IHA MUNISÍPIU ■ FIDELIS: HETAN INFORMA LALAIS

Membru Oitavu Governu Konstitusional pendente ne’e, konsidera ministru nain sia inkompletu ne’e direitu demokrátiku sidadaun nian ,maibé AMP hakbesik nafatin ba povu hodi servi

Nune’e mos, Aliansa Mudansa ba Progresu (AMP) kontinua tau fiar nafatin ba responsável sira iha AMP ,hanesan Kay Rala Xanana Gusmão,Taur Matan Ruak,José dos Santos “Nai Mori Bucar hodi sai aliansa ida ne’ebé forte atu servi povu Timor-Leste no rai doben ida ne’e.

AMP hato’o mós parabens ba maun bo’ot Kay Rala Xanana Gusmão ne’ebé ho nia esforsu hodi konsege realiza mehi povu Timor-Leste nian konabá lori kadoras mai Timor-Leste.

AMP fiar katak, esforsu sira ne’ebé maun bo’ot Kay Rala Xanana Gusmão,halo hodi alkansa soberania total nasaun nian no mós sustentabilidade ekonómika rai doben Timor-Leste, nune’e AMP kontinua fó apoiu nafatin ba Kay Rala Xanana Gusmão,iha prosesu dezenvolvimentu Kosta Súl tasi mane.

Alende ne’e fó fiar nafatin ba maun bo’ot Kay Rala Xanana Gusmão nu’udar negosiadór prinsipál ba negosiasaun fronteira terrestre no marítima ho nasaun Indonézia.

 PPN Arão agradese ba AMP

Prezidente Parlamentu Nasional, Arão Noe, agradese ba Aliansa Mudansa ba Progresu (AMP) ne’ebé  fó konfiansa ba nia, hodi lidera Segundu orgaun  Lejislativa durante tinan ida ona.

Segundo pessoa husi orgaun soberanu Presidente Parlamento nasional, Arão Noe, agradese  ba konfiansa  AMP nian ne’ebé fó sira nia kontribuisaun durante nia mandatu tinan ida nu’udar Prezidente Parlamentu Nasional ,iha Kinta Lejislativa.

Tamba ne’e responsável máxima orgaun lejislativa konsidera , ho  avaliasaun AMP nian iha Konferénsia Nasional  ne’e,atu fortifika diak liu tan hodi hala’o kna’ar  no kumpri dever  ba servi povu Timor-Leste liu husi programa Oitavu Governu Konstitusional.

Lee hotu :   Deputadu IV lejislatura tenki entrega kareta ba PN

“Durante loron 2 ita halo avaliasaun ba ita nia kna’ar ita nia dezempenhamentu durante mandatu tinan ida nia laran to’o agora ,hau agradese ba kontribuisaun tomak hanesan Prezidente Parlamentu ne’ebé hetan konfiansa husi AMP hodi lidera segundu orgaun iha Estadu ida ne’e ,hau agradese ba mandatu ne’e ,konfiansa ne’e”Prezidente Parlamentu Nasional Arão Noe,hato’o nia agradesementu ne’e iha  Konferénsia Nasionál AMP nian, iha Hotel Golgota Comoro Díli.

Tuir Prezidente Parlamentu Nasional  Arão Noe, katak, ho intrvensaun sira ne’ebé mosu iha Konferénsia Nasional AMP ne’e, sei tulun membru governu sira hodi hasoru dezafiu ne’ebé sei hasoru iha durante mandatu tempo oin mai.tos

Add to Comments Here!!!!

error: Content is protected.
Secured By miniOrange
You might also like:
FRETILIN: AMP la presiza kompleta membru VIII Governu ■HAK konsidera prejudika dezenvolvimentu

Vise Xefi bankada Partidu Frente Revolucionária...

HABURAS VIDA ESPIRITUAL GMNTV Edisaun 101

DIA 17/06/19 || GMNTV LIVE STREAM || GRANDE ENTREVISTA || TAMBA SA INAN SOE BEBE?

Close